Откако на неодамна одржаниот Саем во Женева, љубителите на автомобили имаа можност да го погледнат "SL 63 AMG", компанијата ги објави првите детали и фотографии на уште помоќниот и поскапиот модел "SL 65 AMG" кој работи со големиот V12 мотор. Својата официјална светска премиера овој модел ќе ја има следниот месец на Саемот за автомобили во Њујорк.

И покрај сите детали, "SL 65" сепак најмногу се истакнува поради 6 литарскиот V12 битурбо мотор кој произведува дури 630КС, додека максималните вртежни моменти електронски се ограничени на 1,000Nm.

Оваа сила се искористува уште подобро со новиот "AMG Speedshift Plus 7G-TRONIC" менувач кој е развиен така да штеди гориво, а нуди и четири различни начини на работење: "Efficiency" (C), "Sport" (S), "Sport plus" (S+) и "Manual" (M).

 Новиот автомобил се издвојува и со елегантната и лесна конструкција, благодарение на која "е олеснет" за дури 170 килограми, додека на сличен начин преку заштеди во тежината е унапредена и суспензијата на овој автомобил.

Компанијата истакнува дека и новиот електромеханички систем на управување кој се прилагодува според брзината на возење е во согласност со прилагодувањето на суспензијата, за што исто така е задолжен "AMG".

И кога станува збор за перформансите, новиот модел значително е понапреден од својот претходник, па така, до "стотка" се забрзува за 4 секунди, додека максималната електронски ограничена брзина изнесува 250км/ч.

Интересно да се истакне е и економичноста во потрошувачката на гориво, па така, новиот "SL 65" троши 17% помалку гориво, поточно, просечната потрошувачка изнесува само 11,6 литри на 100 километри.

Исто така, новиот модел е првиот кој ќе се краси со новиот стил на марката "AMG", кој пред се, се однесува на предниот дел од автомобилот. Станува збор за нова маска со двојна хромирана лајсна со препознатливото и големо лого на "Mercedes" сместено на средината.

Новиот "Mercedes SL 65 AMG" ќе пристигне на германскиот пазар во септември оваа година, а почетната цена ќе изнесува 236,334 евра.

По две години откако SLS AMG „Gullwing“ купето се најде во продажба и по помалку од една година од претставувањето на Roadster моделот, Mercedes-Benz откри нова верзија на неговиот суперавтомобил кој отсега ќе биде познат како SLS AMG GT.

Фокусот кај новата верзија најмногу е изразен на подобрувањето на перформансите на возилото – 6.2 литарскиот V8 мотор доби дополнителни 20 коњски сили од претходникот, па сега има моќност од 583 КС.

Подобрувања во брзината има и кај седумстепениот AMG SPEEDSHIFT DCT 7 пренос кој има новоразвиени функции за менување на брзините и опримизирана контрола на трансмисија, па така SLS AMG GT  сега забрзува од 0-100 км/ч за 0,1 секунда побрзо во однос на претходникот (3,7 секунди) и може да постигне брзина од 200 км/ч за 11,2 секунди.

Максималната брзина е електронски ограничена на 317 км/ч.

Германскиот суперавтомобил има 19 инчни фелни и гуми со димензии 265/35/R19 напред и 20 инчни фелни и гуми со димензии 295/30/R20 на задните тркала.

2013 SLS AMG GT ќе се најде во продажба на европскиот пазар од октомври годинава, а цената во Германија ќе започнува од 204.680 евра за SLS AMG GT И 213.000 евра за SLS AMG GT Roadster.