Македонскиот селектор Џон Тошак го објави списокот за првиот годинешен меч на националната репрезентација во Луксембург и по малку изненади со неговиот избор, со 19-темина селектирани.

Велшкиот стратег, инаку славен напаѓач на Ливерпул и најофанзивен тренер во Шпанија со рекордните 107 гола како предводник на Реал Мадрид, за дуелот со 133 селекција на светот, реши да селектира дефанзивно настроен тим, гледајќи го фактот дека две третини од 19-мината на списокот се играчи со исклучителни дефанзивни карактеристики – девет одбранбени, плус тројца деструктивни играчи за врска. Безмалку некреативна селекција на Тошак, и тоа за дуел со слаб противник, па јавноста останува заинтригирана колку дефанзивци ќе има на списокот кога ќе почнат квалификациите и мечевите со Србија, Хрватска, Белгија, Шкотска, Велс.

По обелоденувањето на списокот за Луксембург, денеска Тошак некако „го подели тимот“ на два дела, дефанзивен и офанзивен, во кој изостанува креативноста, односно во најважниот дел има најмалку селектирани фудбалери, играчите што треба да направат шанса за напаѓачите, и тоа само тројца со понагласена игра во одбрана. Останува нејасно зошто најдобриот стрелец есеноска од Првата лига, Филип Ивановски, повторно е заборавен од велшанецот.

Веќе извесно е дека „идеја за напад“ посебно ќе се бара од напаѓачите, кои ќе треба да ја пополнуваат дупката што стои 

Македонската фудбалска репрезентација утре во пријателски меч и гостува на 133. светска селекција – Луксембург. Иако некогаш разликата на двете репрезентации беше околу сто места, сега е многу помала зашто ние паднавме на 101. Позиција. Сепак, и покрај ова рангирање, црвено-жолтите остануваат фаворити новата 2012 година да ја започнат со победа.

Вообичаено, февруарските пријателски мечеви во годините кога стартуваат квалификации, немаат некое поголемо значење, освен рутински да се одработи терминот. Се поголеми се барањата овој термин да се укине, оти прави поголема штета од корист, зашто за поголемиот дел од селекциите моментно е почеток на вториот дел од сезоната или таа само што почнала .  Но, тоа не е случај и со Македонија.

Загубената (само)доверба во тимот, лошите резултати од минатото, експериментите со составите, селекцијата на најдобрите…Сето ова наметнуваат еден поголем императив за Тошак и избраниците пред утрешниот меч, кој овојпат не е безначајна пријателска контролка, туку многу повеќе од тоа. Тошак најавува ренесанса која ќе кулминира со пласман на СП 2014 во кој силно верува, а за такво нешто, прво што треба да стори е да не убеди со победа утревечер.

Ви наведуваме неколку причини зошто мечот со Луксембург не е бескорисен за Македонија и зошто овој натпревар претставува вистински крстопат за најдобрите македонски фудбалери:

1. ПОБЕДА ЌЕ ЈА ВРАТИ РАЗНИШАНАТА АТМОСФЕРА ОКОЛУ ФУДБАЛСКАТА СЕЛЕКЦИЈА

Кошарката и ракометот во последните шест месеци со фантастичните резултати на Европските првенства сериозно го ставија фудбалот на маргините, а за тоа и помогнаа и самите фудбалски репрезентативци со катасторфалните настапи. Иако Луксембург не е ранг за да си ја измериме вредноста, секоја победа е добредојдена за враќање на разнишаната атмосфера и создавање на победнички менталитет пред стартот на квалификациите. Луксембург не е мерило, но не е мерило ниту Португалија (со нив сме на мегдан во мај), која со Роналдо е европски крем.

2. МАКЕДОНИЈА ИМА ЕДВАЈ ТРИ ПОБЕДИ ВО ПОСЛЕДНИТЕ 18 МЕСЕЦИ

Македонија има неверојатно катастрофален биланс во последните година и пол во сите мечеви на репрезентативно ниво, било да станува збор за квалификациски или за пријателски натпревари. Едвај три победи и тоа две со Андора и една со Азербејџан и сите со неубедлива игра и резултат (двапати 1-0, еднаш 2-0) се премалку за тим што има високо поставени цели, како тие на Тошак за СП.

Скорот од три победи, четири ремија и осум пораз со гол разлика 9-16 е преслабо дури и за тим што чиј императив е „златната средина“. Луксембург е рамен на Андора и Азербејџан, а одговорот, колку сме добри и воиграни ќе зависи од гол-разликата за 90 минути.

Само со победи и голови се создава победнички менталиет

3. ДА СЕ ВРАТИ ПРЕКАРОТ „МАЈСТОРИ ЗА ПРИЈАТЕЛСКИ“

Тоа што репрезентацијата ја красеше во минатото, беше фактот дека ако ништо друго, знаеме да играме на пријателски мечеви, кои ако се сметаат одделно, може комотно да не сместат во европскиот крем. Македонија ја радуваше јавноста барем на ваквите контролки, но и ја залажуваше за тоа дали сме кадарни за високи дострели. Пред стартот на трката за Евро 2012 имавме пет победи во седум меча, а во последнава година, едвај една победа против Азербејџан. Ако се суди по последните пет контролки, со тие резултати не ни можеме да се залажуваме како што беше случај претходно.

4. ЦРВЕНО-ЖОЛТИТЕ ОСУМПАТИ СЕ ПОСКАПИ ОД ЛУКСЕМБУРЖАНИТЕ

Капитенот на македонската репрезентација Горан Пандев вреди трипати повеќе од целата селекција на Луксембург. Зад себе има калчолигашко искуство, трофеи, шампионски прстен од Серија А и европска круна. Со Иван Тричковски, се дел од шампионскиот крем во ЛШ и сезонава, Горан Попов играше во Лига Европа. Вкупно, Македонија вреди осумпати повеќе од противникот, но тоа треба да се потврди на теренот. Највреден играч на Луксембург според последните податоци на transfermarkt.de, е Марио Муч од Сион со 600.000 евра.

Мирко Ивановски постигна гол со Андора

5. ТОШАК ДА ЈА ПОТВРДИ ИСПРАВНОСТА ВО СЕЛЕКТИРАЊЕТО

Многу прашина се крена околу списокот што Џон Тошак го скрои на почетокот на годинава. Некреативното селектирање со само три играчи за врска, наспротив по девет дефанзивци (поради повредите сега има еден помалку) и девет напаѓачи, оставија прашања кои допрва треба да се одговорат. Веријатно уште по утрешниот меч. Сепак, боде очи повикот на Мирко Ивановски, кој како вистински печалбар шета од клуб во клуб за да најде ангажман, на сметка на најдобриот напаѓач во Првата лига, Филип Ивановски од Вардар. Тошак и Ивановски имаат шанса да ги затворат устите на сите, со добар настап и барем со два постигнати гола.

6. ПРЕД ЧЕТИРИ ГОДИНИ, ЧЕТИРИ ПАРЧИЊА ЗА ЛУКСЕМБУРГ

Македонските фудбалери веќе имаат искуство од пресметка со Луксембург, затоа што пред четири години на исто место, ги почестија домаќините со четири парчиња во нивната мрежа. Горан Пандев постигна два гола, Илчо Наумоски и Влатко Грозданоски по еден. Вакво сценарио со две раце би прифатил и Тошак, со оглед дека за шест месеци колку што е селектор, засега не покажа ништо од најавите дека ќе направи селекција и истата ќе ја врати таму каде што заслужува.