Амстердам или Рим?

Царството на лалињата – Кеукенхоф 

Што е тоа?

Холандски цветен излог.

Шо треба да видите?

Цвеќе, цвеќе и уште цвеќе.

Што значи  зборот Keukenhof?

Кујнска градина.

Кога ќе пристигне рана пролет околу 7 милиони цветови ги шират своите ливчиња, разубавувајќи ја градината Кеукенхоф, во која има околу 1000 видови на лалиња. Овие градини, се на некој начин излог на цветната индустрија во Холандија и годишно привлекуваат скоро милион посетители кои се дојдени да ја видат феноменалната изложба на преубави бои, на површина од 28 хектари. Нарциси, лалиња, зумбули во сите нијанси на жолта, златна, пурпурна, портокалова и црвена боја, заедно со опојниот мирис кој се шири, убедливо претставуваат спектакл без конкуренција.

Овие градини се изградени 1949 година, во областа во која се одгледувале луковици за цвеќиња, помеѓу Амстердам и Хаг, на земјиште на кое порано имало замок, во кој живеела грофица која го обожавала холандското цвеќе.

Интересен е фактот за лалињата кои се прва асоцијација за Холандија, впрочем не потекнуваат одовде. Тие се донесени во оваа земја во 1593 гидина од Константинополис, по барање на фламанскиот амбасадор кој бил воодушевен од нивната убавина.

Приказните за овој специјален цвет се ширеле брзо, а  нивната популарност растела. Така богатите холанѓани почнале да вложуваат во луковици и направиле развој на трговија со лалиња. Оваа треска траела до 1637 година, кога лалето веќе не било така редок цвет. Преголемата количина на лалиња, ја симнала неговата цена и многу трговци банкротирале.

Но, производството на лалињата и понатаму продолжува и по некое време заедно со лилјаните, гладиолите, нарцисите и други видови на декоративно цвеќе, повторно станува еден од најизвезуваните холандски производи.