Доколку сте расположени и со желба за посета на места во кои ќе го почувствувате духот и карактерот на средновековието, каде што уметноста и општествениот живот од секогаш оделе заедно и го обликувале карактерот на целиот град, тогаш Фиренца е местото за вас.

Доколку се решите да ’тркнете‘ до Италија, а целта не ви е да берете грозје по тамошните лојза, туку оние пари кое сте ги заштедиле да ги искористите за задоволување на вашите (веќе некое време) потиснати синеастичко естетски потреби, а истовремено имате и ’фетиш‘ кон средновековните градби кои од секоја своја пора исшуштаат миризба на мистика и езотерии, тогаш прошетката низ Фиренца може да ја започнете од палатата Davanzati.

Куќичкава е исто така позната и како Фјорентинска куќа на антиката (Casa Fiorentina Antica) – и тоа не значи дека овде имало здружение во кое се играл мал фудбал од кое неколку века покасно се оформил денешниот фудбалски клуб Фјорентина – туку едноставно станува збор за неодамна реставрирана куќа на богатото локално семејство со име Florentine од 14 – от век. Овде, во внатрешноста на куќата се наоѓа внатрешен двор со скалила кои што ве носат кон одаите на Пауните и Папагалите, во кои се уште се наоѓаат оригиналните слики на ѕидовите, додека во бањите се истите такви фрески, со сцени од францускиот романтизам и уште еден куп други ствари од ваков тип.

Значи: доколку во себе имате жичка на некрофилија, ова е иеално место за задоволување на вашите влажни соништа. Палатава е отворена секој ден од 8:15 наутро до 13:50, освен недела и некои си таму понеделници (прво, трети и петти во месецот, или нешто во тој стил).

Доколку пак ви се погоди да патувате околу 24 Јули, огнометите кои се приредуваат во градов, во име и чест на заштитникот на градот Свети Џон, ќе можете да присуствувате на спектакуларен огномет, кој што доколку сте типичен стереотипен турист, лесно може да ви стане и најдоброто доживување во животот. За некое од најдобрите места за посматрање, обезбедете си место на Ponte Vecchio.

Но доколку патувате во овој период од годината, а немате некоја посебна желба да ги гледате местата во кои своевремено Микеланџело блудничел, секако добро ќе си поминете низ бутиците на Фиренца. Зошто, па зарем таму не е скапо, би рекле? Е да, но во овој период од годината имате такви попусти на зимска гардероба, а избор каков што може да ви направи Солун да ви изгледа како прошетка по Шутка. Затоа, не мислете му ја доколку сте шопингохолик, ова е вашата Мека. За по некои си 20 – тина евра ќе можете да изнакупувате парчиња облека за кои во Скопје (дури и да ги најдете) ќе треба да платите барем по една просечна македонска плата.

Исто така, доколку сте полни со негативна енергија која што сакате да ја извадите од себе, секоја втора сабота или недела во Фиренза имате одлична можност за тоа. Кога игра домашниот фудбалски тим на свој терен, секогаш можете да се придружите на тифозите и да направите некое добро ’испуцавање‘ со истите такви на гостинскиот тим. Чак што више и дапаче: овде летаат ножеви, бакљи и слични работи со кои можете да осакатите некого како од шала.

Затоа навистина, не мислете му се многу, доклку на сметката имате барем некои 500 евра, влегувајте во воз и правец Фиренца. Нема да пожалите, по што и да сте отишле да барате!

Најпопуларниот европски карневал, оној во Венеција, годинава се одржува од 11 до 21 февруари. Десет дена целиот град ќе ги „крши“ сите општествени правила и норми, а на обичните граѓани ќе им даде шанса да идат дел од една друга стварност, онаа на гротеската, да се изгубат во бројните прослави меѓу илјадниците ареликини и панталони

Историјата на карневалот во Венеција

Најстариот документ кој се однесува на карневалски прослави во Венеција потекнува од 2 мај 1268 година со кој на луѓето под маски им е забрането на практицирање игри и прослави до раните утрински часови, со цел да се прекине моралниот пад на тогашните жители на Млетската Република. Маските и ноќните прослави станале неизоставен дел од секојдневнието на граѓаните.

На 13 август 1608 е издадена одредбата со која носењето маски во текот на целата година претставува сериозна закана за Републиката и за да се избегнат последиците од неморалното однесување, секој граѓанин можел да носи маска исклучиво во текот на карневалските денови и на службени приеми.

Казните за непочитување на овој закон биле драстични – мажите добивале по две години затвор, 18 месеци веслање на млетските галии и уште 500 лири казна. Жените, пак, биле претепувани и исмејувани пред јавноста на плоштадот „Свети Марко“, а по сето тоа им бил забрануван и влезот на територијата на Млетската Република и биле обврзани да плаќаат 500 лири во тек на 4 години.

Во 1776 е воведено правило за заштита на „семејната чест“, па на сите жени им бил забранет влез во театрите ако на себе не носат маска и наметка.

Сите овие одредби низ столетијата довело до постепен прекин на традицијата и дури во 1979-1980 карневалот е обновен од страна на група уметници и ентузијасти. Дневно во Венеција за карневалот доаѓаат и над 30 илјади посетители, каде секојдневно сѐ до полноќ се случуваат паради на гондоли долж каналот Гранде до плоштадот „Свети Марко“.

Карневалските маски

Венецијанските маски потекнуваат уште од античко доба, но во периодот на Млетската Република граѓаните најчесто сакале да се маскираат во рибар, ловец, астролог, доктор, селанка, пекар, месар или од ликовите на ‘комедија дел арте‘ – Арлекин, Колобина, Пулчинела, Брамбила, итн.

Маските можат да бидат изработени од кожа или во оригиналната техника papier-mâché, но денес најчесто се изработуваат од гипс и се рачно цртани и украсувани со камења и пердуви.

Трите вида најпрепознатливи маски се баута, морета и ларва.

Баута е маска која го покрива целото тело, нема отвор за устата и е позлатена. Може да го покрива само горниот дел од лицето до образите.

Морета е овална маска со црно кадифе и тил која најчесто ја носта жени. Оригинално потекнува од Франција, но за брзо време станала популарна во Венеција, бидејќи ја истакнува женската убавина.

Ларва е позната и како маска волто е бела и е најтипична венецијанска маска. Изработена е од фини ткаенини кои се идеални за танцување.

Луѓето кои ги создаваат маските се mascherari. Најраното споменување за нив е од 10 април 1436. Маските ги изработувале од гипс, а при сликањето им помагале уметници т.н. targheri кои ги сликале лицата на гипсената површина. „Claudia Pandolfo“, една нова фабрика за маски од Венеција, своите производи ги извезува во Јапонија и Германија. Тие сметаат дека италијанската влада треба да ги забрани евтините имитации од пластика и гипс, со што ќе ги заштитат производителите на маски во Венеција како занает кои тајните ги носи со себе веќе стотици години.

Амалфи

Амалфи е мало гратче и во провинцијата Салерно во Италија.

Амалфи лежи на почетокот на длабока клисура, опкружено со драматични карпи и крајбрежни сцени. Во минатото Републиката Амалфи била важен поморски трговски центар. Во 1920 – те години Амалфи бил многу популарна дестинација за британската аристократија. Главните одлики се средновековната архитектура, главната катедрала и крајбрежјето.