...убавина и многубројните културно-историски споменици, но и по природната убавина. Во овој регион се сместени и други познати градови како Пиза, Сиена, Лука, Арецо и Ливорно. 

Фиренца важи за еден од најромантичните градови на светот. Преубавите катедрали, комплетната архитектура во градот, можноста да прошетате низ уникатните палати како и да чуете дел од италијанската музика претставува вистинско неповторливо искуство.

Сиена е позната по своето уметничко наследство како и по својот урбанистички средновековен стил.

Овој град бил изграден како римска колонија во времето на императорот Август.

Сиена е позната по натпреварот со коњи познат како Палио, кој се одржува два пати годишно, на 2 јули и 16 август. Се работи за коњска трка во која учествуваат по десет претставници од сиенските квартови или таканаречените контради (итал. contrade). Победничкиот кварт ја прославува победата со банкет до раните утрински часови.

Тосканскиот крај е познат и како срцето на италијанска кујна. Тоскана ја нарекуваат и земја помеѓу морето и падините поради својата положба и климатски особености. Кујната е генерално рустична и едноставна со многу ароми и зачини, базирана на она што го дава земјата. Нема помпезни јадења, кои тешко и мачно се приготвуваат.

Доколку сакате да ја почувствувате вистинската магија на Италија, топло ви препорачуваме да ги искористите Велигденските или првомајските празници и да отпатувате во Болоња, Фиренца, Пиза, Сиена, Верона, Венеција.

Анастеа напиша: Еееее Комо

..еее де,Комо де....магија...само уште еднаш да го видам...осетам....

Во некои делови од Европа постои изрека дека посетата на Италија може да ја спаси дури и најголемата криза во врската на еден пар.

Сите оние кои ја посетиле Италија ќе ви кажат дека во некои градови навистина може да се одмрзнат и најладните срца.

Романтичната Венеција, топлината на Рим се некои од причините што оваа земја е во обликот на љубовта.

Ова е листата на најромантични градови во Италија:

Фиренца – ден или ноќ во о вој град постојано има неверојатна атмосфера.

http://cdn.popara.mk/wp-content/uploads/2012/07/firenca.jpg?9707a5" rel="nofollow">

Фиренца

Венеција – градот на водатата, мостовите, карневалот и најважно љубовта.

http://cdn.popara.mk/wp-content/uploads/2012/07/venecija.jpg?9707a5" rel="nofollow">

Венеција

Лече – тесните улици, барокната архитектура и многуте цркви е она што го прави овој град посебен.

http://cdn.popara.mk/wp-content/uploads/2012/07/leche.jpg?9707a5" rel="nofollow">

Лече

Милано – катедралата во Милано е без соменвање, една од нјубавите цркви кои некогаш биле изградени и совршено го претставува духот на градот.

http://cdn.popara.mk/wp-content/uploads/2012/07/mialno.jpg?9707a5" rel="nofollow">

Милано

Рим – Џузепе Гарибалди знаел од многу одмана: „Рим е градот за кој вреди да се умре“. Истото ова може да се примени и за љубовта, љубов за која вреди да се умре.

Como..Italy

posle vakva ubavina koga ke dojde nekoj talijanec ovde kaj nas...i da trubi deka uziva vo ubavinite na nasata zemja...treba eden kUtek da mu se mavne ...da ne ne dupat u zdrav mozok. 

Магијата на Италија

Италија одблизу

Тоскана – гордоста на Италија

Тоскана е можеби најпознатиот регион во Италија, кој се наоѓа во северозападниот дел од оваа медитеранска држава. Тоскана е позната по прекрасните пејзажи, архитектурата, богатата историја, уметноста и постојаното влијание врз високата култура.

Тоскана се смета за родно место на италијанската ренесанса. Таму се родени бројни личности кои оставиле длабок печат во историјата на уметноста и науката. Овој регион од Италија е познат во целиот свет поради одличните вина, а во него се наоѓаат голем број исклучително важни музеи. Дури шест локалитети во Тоскана се прогласени за културно наследство под заштита од УНЕСКО, а во целиот регион има преку 120 природни резервати, поради што бројот на туристите се зголемува секоја година.

http://www.crnobelo.com/zivot/patuvanje/21627-posetete-go-srceto-na-italija-toskana" rel="nofollow - - Посетете го срцето на Италија – Тоскана

Ако имате потреба да ја нахраните душата со патување во скоро време, а се уште немате одлучено каде, еве една туристичка дестинација во Европа која ќе ве опие со својата убавина и експлицитна италијанска кујна.

Добрата страна е што од скоро имаме и евтини летови до Италија, па во комбинација со авион и воз, брзо и едноставно може да стигнете до оваа дестинација.

Што мора да посетите додека сте таму?

Тоскана е поделена на девет провинции кои подеднакво го одземаат здивот.

Не пропуштајте да го посетите главниот град - Фиренца, култната Пиза, средновековната Сиена, палатите и возвишените катедрали, фонтаните, тврдините, плоштадот del Kampo, гробницата на семејството Медичи, идеалниот Ливорно и мистичната Лука.

Што да пробате од италијанската кујна?

Тоскана е срцето на италијанска кујна. Традиционално, од 19 до 28 април се одржува познатиот фестивал на храната и виното, кој привлекува голем број туристи од целиот свет - Castagneto Carducci.

Задолжително пробајте ги вкусните пецива Lambredotto, палачинките со костени Necci, неверојатниот гулаш од свежи риби и по малку од сите мистични зачини кои може да се најдат свежи на пазарот.

Со храната не заборавајте да се напиете од најпознатите вина во светот Carmignano, Chianti, Chianti Classico, Brunello di Montalcinо - вино и храна е комбинација која ги активира сите ваши сетила кога сте во Италија.

Покрај традиционалните италијански пици и тестенини, дозволете си барем два вида сирење и чаша бело сортно вино во некој од преубавите ресторани.

Што да понесете со вас?

Совршена комбинација која нема да зафаќа голем простор во вашиот куфер, е портокалова комбинација, сандали, голема чанта, очила за сонце, впечатлив накит и моден додаток за коса, како што се цветовите или шапките.

Овој стајлинг ќе ве натера да се соедините со духот на незаменливата Тоскана.

http://www.crnobelo.com/zivot/patuvanje/23309-vasata-sledna-destinacij-portofino-italija" rel="nofollow - - Вашата следна дестинација: Портофино, Италија

Сега е вистинското време да побегнете од секојдневието и да уживате во убавините на слаткиот живот, или како што тие би рекле „dolce vita!“

На помалку од 40km од Џенова, Портофино е сокриен во националниот парк со неверојатно бистра вода. Некогаш важело за рибарско село, но во 1950 година започна неговата популаризација.

Денес, Портофино е синоним за италијанскиот гламур, преполн со луксузни вили во сопственост на Армани и Долче и Габана.

Непосредно пред почетокот на летото не пропуштајте да го посетите овој италијански природен бисер, затоа што во шпицот на сезоната цените се вртоглаво високи.

Кога еднаш ќе отпатувате таму, морате да ги обиколите некогашните рибарски колиби кои сега се претворени во ексклузивни бутици, но мора и да испловите по водите по заоѓањето на сонцето.

Не бидете мрзеливи, шетајте низ прекрасните градини, а не ја пропуштајте ниту посетата на San Fruttuoso, до која можете да стигнете со брод или пешки.

Тука ќе пронајдете црква која датира од 7 век и ќе имате извонредна можност за вкусен ручек на терасата на ресторанот „ Da Giovanni.“

Ако немате можност да престојувате во него, задолжително барем разгледајте го „Belmond Hotel Splendido,” кој е еден од најдобрите во цела Италија.

Вечерајте во ресторанот „Liguria“ ако сте љубители на песто и фокача, а во „Chuflay” доколку планирате романтична вечера со домашни специјалитети.

Не заборавајте да понесете пакување песто сос за дома!

http://www.crnobelo.com/dom/ubavi-prostori/24367-mediteransko-opustanje-na-jugot-na-italija" rel="nofollow - - Медитеранско опуштање на југот на Италија

Сместен во некогашната тврдина со поглед кон море, луксузниот хотел Don Ferrante кој се наоѓа во малечкото местенце Монополи, Бари нуди уживање и опуштање со мирис на солена вода и божури.

Хотелот располага со 10 соби, сите уредени во медитерански стил и опремени по најмодерни стандарди, сопствен ресторан, рајска градина и прекрасен базен.

Најголема атракција која привлекува по неколку стотици туристи дневно се каскадните скалила со поглед кон море.

На најголемата од нив, гостите можат да уживаат во медитеранските специјалитети подготвени во ресторанот кој е сместен во некогашното складилиште за оружје од 16-ти век.

Don Ferrante е оддалечен на само неколку минути од најубавите италијански плажи и локали кои го заокружуваат пријатното доживување.

http://www.crnobelo.com/zivot/patuvanje/30884-10-raboti-od-koi-ke-se-razocarate-koga-ke-ja-posetite-italija-za-prv-pat" rel="nofollow -

Пица, тестенини, еспресо, кожни чанти, историски знаменитости, катедрали и многу порции превкусен џелато се дел од работите кои туристите очекуваат да ги затекнат во Италија.

Додека истражуваме за земјата која сакаме да ја посетиме многу често ги занемаруваме информациите за локалното население, а всушност тие се срцето и душата на една земја.

Патувањето во Италија ќе ви остане во сеќавање како прекрасна авантура, но пред да ги спакувате торбите, мора да ги имате предвид овие 10 работи.

1. Вревата е често неподнослива

Кога на странците некој ќе им спомне Италијанци, првата асоцијација секогаш е вревата. Постојаната, сеприсутна, заглушувачка врева. За туристите, кои првпат се во Италија секое излегување од хотелот е авантура сама по себе кога ќе се најдат на улиците полни со луѓе кои разговараат, викаат, се караат гласно по телефон, свират додека возат...

Имајте предвид дека ѕидовите во Италија се прилично тенки, па може да се случи заедно со соседите, и вие да гледате, односно слушате телевизија. За жал, решение за овој проблем нема, но знајте дека со време ќе се навикнете и на најголемата врева и викотница.

2. Јадењето е составено од неколку различни порции

Не очекувајте јадењето да ви биде послужено одеднаш. Традиционалниот италијански оброк е составен од најмалку три различни порции.

Менито се состои од антипасто, вид на предјадење составено од салама и мариниран зеленчук,прими пиати (рижото, тестенини или њоки), главното јадење е секонди пиати кое може да се служи со или без конторно - зеленчуков гарнир. Оброкот се завршува со десерт кој најчесто е турамису, панакота или џелато.

На странците им е чудно да јадат тестенини без месо, прилози и салата, но во Италија порциите не се служат заедно.

3. Појадокот е лесен и сладок

Типичниот италијански појадок колационе се состои од филџан топол пијалак како кафе, капучино, топло чоколадо или црн чај и слатко печиво како бриош леб, кроасан или колаче. Ако сте навикнати на обилен (и солен) појадок, најдобро би било да појадувате во хотел.

4. Гестикулациите се задолжителни

Италијанците не би биле Италијанци кога не би гестикулирале со раце. Туристите тешко ја забораваат глетката на група Италијанци кои гласно разговараат додека рацете им летаат наоколу.

Гестукулацијата Италијаните ја наследиле од далечното минато кога грците дошле да го колонизираат Непал. Тогаш Италијанците почнале меѓусебно да комуницираат со гестови за да не ги слушнат непријателите и така почнала традицијата која сè уште постои во италијанската крв.

Сакате да научите како невербално да комуницирате со Италијанците? Ако нешто ви се допаѓа, спојте ги прстите и бакнете ти. Некој ве нервира? Поминете со задниот дел од прстите нагоре по вратот и преку брадата. Но, сепак, внимавајте со последната гестикулација, Италијанците се многу темпераментен народ.

5. Децата се главни

Странците за многу кратко време забележуваат дека на Италијанците семејството им е на прво место. Децата им се најважни во животот, тие се смислата на нивното постоење.

Децата во Италија имаат поголема слобода од нивните врсници низ светот и им се дозволува да прават сè што сакаат во јавност. Тие се добредојдени во сите ресторани, дури и во најелитните, и никој не е изненаден од глетката на разиграни деца кои се бркаат околу масите додека гостите јадат.

6. Италијанците возат како луди

Размислете двапати пред да седнете зад волан во Италија и осигурете се дека ќе може да возите покрај лудите (иако вешти) италијански шофери. Да, тие нема да држат растојание, постојано ќе се обидуваат да ве претекнат и воопшто нема да ги почитуваат сообраќајните знаци. 

Сè ова е сосема нормално во Италија и затоа воопшто не изненадува податокот дека секоја година последователно ги прогласуваат за најлоши возачи во цела Европа.

Ако сè уште сакате да изнајмите автомобил во Италија, возете со самодоверба и научете неколку италијански пцовки, верувајте дека ќе ви требаат.

7. Личен простор, што беше тоа?

За Италијанците сосема е нормално да застанат блиску (односно да се „залепат“) до личноста со која разговараат, како и тоа постојано да го допираат соговорникот за рака и дланка. Што се однесува до Италијанците, близината и телесниот допир се задолжителен дел од вербалната комуникација.

8. Продавниците затвораат на пладне

Однапред планирајте си го денот со внимание бидејќи во Италија продавниците затвораат во периодот од 12:30 до 15:30. За разлика од шпанската „сиеста“, Италијанците не спијат туку времето го користат да одат дома, да зготват нешто и да одморат пред да се вратат на работа.

9. Кафето има различна цена во зависност дали ќе седите или стоите

Додека сте во Италија, искористете го времето да уживате во неповторливиот вкус на вистинското еспресо, капучино, макијато, кафе лате, кафе фредо... Кафето во Италија се пие во посебен „кафе бар“ но немојте овие италијански барови да ги поистоветувате со нашите во кои се точи алкохол.

Тука ќе влезете, ќе најдете слободна каса, ќе платите, ќе и се придружите на колоната бучни Италијанци и кога ќе дојде вашиот ред, ќе порачате кафе.

Ќе забележите дека најголемиот дел од мештаните стојат додека пијат кафе, тоа е сосема нормално во Италија. Но, ако сте навикнати да седите додека пиете кафе бидете подготвени дека ќе мора да доплатите ако сакате да ве сместат на некоја од масите.

10. Италијанците доцнат, и тоа многу!

Нешто што многу ги изненадува туристите е сознанието дека Италијанците, кои важат за многу динамичен народ, всушност се многу опуштени. Обидете се да не се фрустрирате додека чекате, но Италијаните се озлогласени по тоа што многу и постојано доцнат.

-------------
Јакиот човек има само една слаба страна-жената што ја сака!

Во посета на прекрасното гратче Спело, Италија

http://www.crnobelo.com/zivot/patuvanje/35183-23-raboti-koi-ne-smeete-da-gi-propustite-koga-ke-ja-posetite-italija" rel="nofollow - 23 работи кои не смеете да ги пропуштите кога ќе ја посетите Италија .

Понекогаш од премногу убавини може да заборавите клучни и суштински работи, па затоа вреди да си ја понесете оваа листа со себе следен пат кога ќе отпатувате до Италија.

Затоа што овие 23 работи не смее да ги пропуштите кога сте веќе таму:

1. Возете се со бротче по крајбрежјето на Амалфи. Останете ноќ или две во шармантното селце, Позитано кое е како излезено од разгледница.

2. Разгледајте ги колоритните куќи во Изола ди Бурано.

3. Пловете низ Blue Grotto пештерата во Капри, каде има магично сино светло кое се рефлектира во водата.

4. Шетајте низ калдрмата на Cinque Terre и истражете ги малите околни селца.

5. Пробајте таљатели ал рагу, со болоњезе сос, во Болоња.

6. Возете се со бротче околу езерото Como, едно од најубавите во Италија.

7. Свртете круг низ лавиринтот од урнатини на Римскиот форум.

8. Ако имате можност, скијајте по терените на Доломитите. Попатно истражете го и селцето Cortina d'Ampezzo.

9. Уживајте во највкусната пица во светот во Неапол.

10. Пловете по Lago di Garda, најголемото италијанско езеро.

11. Искачете се на врвот на Етна во Сицијлија, највисокиот и најактивен вулкан во Европа.

12. Вратете се назад во времето и истражете ги урнатините  од храмот Конкорд и театарот на Таормина во Сицилија.

13. Мирно прошетајте низ тивките и спокојни ренесансни градини Villa d'Este во Тиволи.

14. Изгледајте настап во La Scala, светски познатата оперска сала во Милано.

15. Наточете чашка вино директно од лозјата во Тоскана.

16. Нурнете се во природните бањи Saturnia во Тоскана, каде топлите извори постојано течат слободно.

17. Фрлете паричка во фонтаната Trevi, и легендата вели дека сигурно повторно ќе се вратите во Рим.

18. Истражете го средовековниот град San Gimignano, обиколен со тврдина во Сиена.

19. Уживајте во сонцето и песокот на некоја од плажите во Римини.

20. Ѕирнете ја познатата тераса на Јулија во Верона.

21. Пловете со гондола низ каналите на Венеција.

22. Искачете се на врвот на Duomo во Фиренца за спектакуларен поглед на градот.

23. И јадете џелато... Насекаде!

http://www.crnobelo.com/zivot/patuvanje/38233-italija-zemja-vo-koja-odnovo-kje-se-pronajdete-sebesi" rel="nofollow -

Италија – земја на убавите жени, виното, тестенините, модата и што уште не. Има нешто апсолутно магично во неа кое никој не може да го објасни.

Оваа магична држава има моќ да ве замисли додека се шетате низ древните улички по тосканското сонце, со сладолед од страчатела во раката. Дали има нешто поубаво во животот од тоа? И навистина, има ли?

И сами знаете зошто треба да ја посетите, но дали знаете кои се придобивките од нејзиното посетување?

1. Ќе научите да се пробиете низ хаотичниот свет

Во земја каква што е Италија, можат да се случат многу непланирани нешта – па затоа многу-многу не се потпирајте на вашите планови. Ресторанот во кој сакате да јадете може ненадејно да затвори, можеби ќе чекате ред за да купите карти за Милано кои ги резервиравте 3 месеци претходно само за да сфатите дека сите луѓе пред вас се обидуваат да се качат на истиот воз затоа што тој е последниот.

Италија не функционира по ничиј часовник, освен по сопствениот – а тоа може да биде многу фрустрирачки за сите кои се опседнати со планирање и точност. Но, знаете што? Фала му на бога што постои. Ти благодариме Италија затоа што нѐ потсетуваш дека ние не сме центар на светот и дека без разлика колку мислиме дека го заслужуваме, убавиот живот најдобро се живее без очекувања.

2. Ќе се чувствувате подобро поради милозвучниот јазик

За разлика од другите европски јазици, учењето и зборувањето на само неколку клучни италијански фрази може да ги восхити дури и оние најнервозните продавачи. Токму затоа што италијанскиот јазик ретко се зборува надвор од нејзините граници, локалните жители ќе бидат восхитени од странецот кој се обидува да го зборува нивниот јазик, отколку да го побара тоа што му треба на англиски.

Вашиот италијански може да биде катастрофа, но срамежливиот обид скоро секогаш е добредојден и придружен од благодарна насмевка, слатка смеа и нежна корекција, ослободувајќи ве од стравот дека звучите смешно. На сите ни е потребно малку охрабрување за да се соочиме со стравовите и да престанеме да се грижиме околу совршенството и да пробаме нешто. А Италија е најдобриот избор за тоа.

3. Ќе ги забележите секојдневните нешта

Ако не одвоите барем 5 минути да пробате буфала моцарела полиена со маслиново масло и свежо исечкана пиперка, тогаш многу пропуштате. Пропустот кој Италија го има со временската точност го надополнува со прецизноста на вкусови кои се наоѓаат во наједноставните состојки.

Понекогаш не ви е потребен луксуз – доволно ви е да видите бакарни парички како тонат во водата од фонтаната, мирис на лимони кој ве придружува додека се шетате во топлото попладне, звукот на тишината додека седите на некоја убава клупа... во Италија ќе научите важна лекција околу тоа колку малку ви е потребно за да бидете навистина среќни. А, ако не можете да го научите тоа таму, дали навистина можете да го научите на некое друго место?

4. Ќе ја гледате историјата на еден поинаков начин

Како што шетате низ музеите, градините, палатите, а дури и низ малите селца, сѐ подобро ќе го сфатите вашето место во светот. Денес, историјата не е само предмет кој ви е потребен за да матурирате, туку служи за да ве потсети каде пиете кафе, каде повикувате такси и што постоело претходно. Низ камените улици ќе го слушнете ехото од нераскажани приказни, ќе ја почувствувате тежината на мермерните столбови кои ја носат тежината на годините.

Во Италија ќе научите да ја цените историјата и да развиете трпение за старите работи. Таа ви дава шанса одблиску да го видите она што претходните векови го оставиле во наследство, учејќи нѐ дека сите приказни на луѓето се споени. Каква трага сакате да оставите? Кој сакате да бидете кога ќе се вратите дома?

5. И најважно, ќе заборавите да го проверувате телефонот на секои 5 минути

Кој сака да гледа Фејсбук кога шетате низ прекрасните улици на Рим? Додека се возите со брод или кајче по езерото Комо? Кога го гледате прекрасното изгрејсонце во Бари? Шармот на Италија се крие во запирањето на времето – или можеби тоа поминува без да забележите. Сите треба повеќе да се восхитуваме на убавините околу нас, наместо да зјапаме во екраните 24/7. Затоа, оставете сè да се одморите и да се детоксицирате од работните обврски, да забавите со животот и одново да ја пронајдете смислата на сопствениот живот.

Накратко, ќе сфатите дека животот е едноставен, во Италија – и на сите други места во светот. Хранете се добро. Љубете лудо и секогаш семејството и пријателите нека ви бидат на прво место. Патувањето до Италија ќе ви даде јасна перспектива врз вашиот живот, а перспективата е најдоброто нешто од кое можете да почнете ако сакате да бидете подобра личност. 

-------------
Јакиот човек има само една слаба страна-жената што ја сака!