Македонската ватерполо репрезентација го потврди учеството на олимписките квалификации, откако за настап во Едмонтон (Канада) се откажа Нов Зеланд.

Квалификациите ќе сe одржат од 1-ви до 8-ми април, а извлекувањето на групите ќе биде на 19. февруари во Лондон. Македонија ќе биде рангирана во шестиот шешир.

Пласман на квалификациите од Европското првенство во Ајндховен, од Европа изборија репрезентациите на Црна Гора, Германија, Грција, Шпанија и Романија. На квалификациите ќе учествуваат уште: Канада (домаќин), Бразил и Куба од Пан-Американските игри и Кина и Јапонија од Азиските игри. Место на квалификациите добија и Холандија и Македонија по отказот на други репрезентации.

На олимписките квалификации ќе настапат 12 репрезентации, а пласман на Олимписките игри во Лондон ќе изборат четирите првопласирани.  

ИЗВЛЕЧЕНИ ГРУПИТЕ ЗА КВАЛИФИКАЦИСКИОТ ТУРНИР ВО ЕДМОНТОН

Вчера 19.02. во Лондон, Велика Британија, беа извлечени групите за квалификациониот турнир за Олимписките игри во 2012, кој ќе се одржи во Едмонтон, Канада од 01-08 Април.

Ждребката не беше многу поволна за нашата ватерполо репрезентација бидејки во групата А во која беше извлечена Македонија ќе се натпреваруваат многу квалитетни европски репрезентации меѓу кои Европскиот вицешампион Црна Гора, потоа Германија, Грција, Романија и Холандија, сите добро познати од неодамнешното ЕП кое се одржа во Холандија.

Во групата Б беа извлечени повеќето од преставниците на другите континенти, а се очекува како најквалитетни да се покажат репрезентациите на Шпанија и Канада.

Изгледот на групите по извлекувањето:

ГРУПА А     ГРУПА Б

1. MNE - Црна Гора     1. VEN -Венецуела

2. GER - Германија     2. TUR - Турција

3. GRE - Грција     3. ESP - Шпанија

4. MKD - Македонија     4. BRA - Бразил

5. ROU - Романија     5. ARG - Аргентина

6. NED - Холандија     6. CAN - Канада

Натпреварите ќе се одигруваат според следниов распоред:

Прва рунда –  1-ви април, 2012

1. MEN – NED 3. GER – ROU 5. ESP – BRA

2. GRE – MKD 4. VEN – CAN 6. TUR – ARG

Втора рунда – 2-ри април, 2012

7. CAN – BRA 9. VEN – TUR 11. ROU – GRE

8. ARG – ESP 10. NED – MKD 12. MNE – GER

Трета рунда –  3-ти април, 2012

13. MKD – ROU 15. GRE – MNE 17. TUR – CAN

14. GER – NED 16. BRA – ARG 18. ESP – VEN

Четврта рунда – 4-ти април, 2012

19. CAN – ARG 21. TUR – ESP 23. MNE – MKD

20. VEN – BRA 22. NED – ROU 24. GER – GRE

Петта рунда –  5-ти април, 2012

25. GRE – NED 27. MNE – ROU 29. BRA – TUR

26. MKD – GER 28. ESP – CAN 30. VEN – ARG

Четирите највисоко пласирани репрезентации во секоја група се квалификуваат за четврт финалната рунда во која најуспешните четири репрезентации ќе се пласираат на Олимписките игри 2012 кои ќе се одржат во Лондон од 29-ти јули до 12-ти август.