Наоми Кемпбел за роденден доби чудо од куќа

Славната манекенка Наоми Кемпбел ова живеалиште кое го дијазајнирал шпанскиот архитект Луис Де Гаридо го има добиено како роденденски подарок, пренесува хрватскиот портал  “Net.hr.”

Куќата со стаклена купола има 25 соби, а што се однесува до изворите на вода и енергија оваа куќа е во потполност еколошка. Покрај останатото, оваа куќа содржи и преубави внатрешни тераси во горниот дел кои придонесуваат за регулирање на микроклимата во внатрешноста.

Архитектот Де Гаридо мислел на се, па така куќата е изградена од челик и стакло за да има постојан проток на воздух, со што се избегнува создавањето на неугодна влага. Исто така има и природно светло и греење кои можат да се регулираат по потреба. Прецизно е осмислен и системот за водоснабдување. Покрај веќе постоечкиот, конструиран е и специјален систем за искористување на отпадните води преку нивна биолошка обработка.

Наоми Кемпбел е последната во иизата се поголем број ѕвезди кои градат еколошко прифатливи куќи на островите, како куќете на соларен погон на Џони Деп на Бахамите.