Ваша поезија

ЦРВЕНО ИЗГРЕЈСОНЦЕ

Еј , ај да те обојам одбери боја ,

да ти помогнам,

потемните се ладни,

топлите се светли,

одбери која?

Бела?

мислиш крем , млечна ,

хм , баш бела ,

како снег на Северен Пол

како платното која Биљана го белеше ?

Може жолта?

како поле со сончогледи,

како погачава тркалезна,

како мојот календар

денови што брои?

Велиш само бела?

како лицето на  Снежето со пет плус две  џуџиња,

како фустанот на Пепелашка на минут до дванаесет,

како капата  на Калимеро

неправди  што  брои?

И  Би  бела боја ,

како кралица на сите бои и нијанси,

како облак околу изгрејсонце,

кој убав ден ветуваше,

среќа и спокој во душа ?

Од никаде створен ,

неочекуван ветар дувна,

спокој во немир се претвори,

облакот бел црвено сонце го стори,

силно светна ден !!!

.

ништо не е совршено

освен моментите

во кои веруваш дека постои ангел

кога ја споредуваш беспрекорната слика

со ништо

и тоа е совршено, совршено ништо

.

ништо не се совршено

освен недостаток на глас

кога веруваш дека било кој збор

ќе ти ја претвори беспрекорната слика

во нешто

а нештата, знаеме не се совршени

.

(секој совршен прост број дуплирај го и додади 1, пак ќе добиеш совршен прост број кој не можеш да го поделиш со ништо и никого)

.

(а некој за овоа лани увалил 104.6 милиони долари)

.

му недостасува моментот кога и‘ ја трга косата од очите

кога ќе се насмее, знаејки дека тоа воопшто не било потребно

освен како доказ дека постојат

а денес титу таа остана без коса, ниту раката му е пократка

просто, само се подалеку од допирот

многу подалеку и од хоризонтот

а не му е потребен нов доказ дека постојат

го испил новото, сега старо кафе

и си помислил

да стисне ли ?

.

чудно, никогаш во животот не стиснал желба

а ги имал безброј

.

(некој шлакнат и за оваа нешо демек слика дал 150 милиони долари)

- тие две дела , слика и скулптура се најскапо увалени дела на светот, па нека им е на здравје

а пингвините??? ги боле стапов за пингвините, шо се врста на изгинуенје!

.

ќе се сретнеме, некаде, на пола реченица

точно таму кај, конечно неизговорениот збор

.

а можеби, некаде, при крајот на прекрасен филм

кога истовремено ќе помислиме- за ово вреди да се живее и умре

.

а замисли, ќе се сретнеме во некој друг живот

запознавајќи се во некоја песна, од некаде нам позната

.

ќе се сретнеме на местото каде желбите умираат

тие стари, испрошени, исполнети

.

а и на местото каде желбите се раѓаат

тие нови, млади, збунети

.

а најверојатно ќе се сретнеме во најромантичната слика,

која некогаш беше насликана, од некој друг
(штом ние не знаеме да ја насликаме)

ТВОЈАТА ПЕРНИЦА

Вечерва не ја сакам твојата перница,

некако е многу тврда , ладна и згмечена,

вечерва  нема да спијам од лева страна,

сакам грбот да ми остане ладен…

Вечерва ќе ја фрлам твојата перница,

подалеку колку можам за да не посегнам по неа,

вечерва нема да те стегнам и галам,

сакам сон кошмар да се стори…

Вечерва  ќе ја фрлам твојата перница,

ќе ја тргнам целата постелнина,

новиот снег мразулка нека ме стори,

сакам мразот мојата топлина да ја изгори…

Вечерва ќе ја фрлам твојата перница,

ете , само немирен сон ќе имам ,

а денес цел ден сонце грееше,

беше цели + 3 целзиус степени, а снег белеше…