Ватерполо

Македонија избори трето учество на Европско првенство во ватерполо

Македонската ватерполо репрезентација со победата од 12:4 постигната синоќа на Олимпискиот базен во Скопје избори трето учество по ред на Европските првенства. 

Нашите ватерполисти во реванш баражот ја декласираа Франција со 12:4 (4:1;3:1;1:1;4:1) и успеаја да ја надополнат негативата од два гола од првиот дуел.

- Во ваква атмосфера едноставно моравме да победиме, за пласман на Македонија на Европското првенство беше коментарот на ватерполистите.

Повеќе од 1.000 гледачи во текот на целиот натпревар ја даваа потребната подршка за македонската репрезентација, која целиот натпревар го одигра на високо ниво и перфектно во одбраната, а „триколорите“ од 13 ситуации на играч повеќе постигнаа само еден гол.

- Бевме фантастични во одбраната, а во модерниот спорт се тргнува од добрата дефанзива. Честитки за играчите, но и за одличната публика, рече селекторот Игор Гочанин по завршувањето на натпреварот.

Мирослав Ранџиќ постигна четири гола, Саша Мишиќ три, Данијел Бениќ два, а по еден гол дадоа Иван Вуксановиќ, Милан Петровиќ и Борис Летица.

Покрај Македонија преку баражот пласман на Европското првенство изборија и Грција, Романија, Турција и Германија.

Грција и во реваншот ја победи Словачка како гостин со 9:3 (13:7 прв натпревар), Романија по вторпат ја победи Грузија со 18:6 (11:5), додека Турција и Словенија одиграа нерешено 9:9 (9:7).

Досега се познати 11 репрезентации кои ќе учествуваат на ЕП меѓу кои се Хрватска (европски шампион), Италија, Србија, Унгарија, Црна Гора (пласирани од 2-5.место на ЕП 2010), Германија, Македонија, Грција, Романија, Турција и домаќинот Холандија.

Последниот учесник ќе биде познат утре по одигрувањето на реваншот Шпанија – Русија. Шпанија на првиот натпревар победи со 13:6.

Извлекувањето на групите ќе се одржи на 11 ноември во Ајндховен. 

Честитки до нашите репрезентативци. Натурализира, домашни какви и да се наши се , ги бранат боите на Македонија и заслужуваат најголемо внимание и почит. Ги удавија Французите и се пласираа на трето европско првенство.БРАВО!!!

Па да се видиме на плоштад во Јануари...