Во етнички и верски судири во Нигерија вчера загинаа 11 луѓе, на муслиманскиот север од земјата и пет луѓе на христијанскиот југ, јавуваат агенциите.

Осум луѓе загинаа кога муслиманските екстремисти отвориле оган во еден бар на северот на Нигерија, а во одвоени инциденти непознати вооружени напаѓачи убиле тројца селани во христијанско село на север.

Се верува дека позади овие напади стои исламистичката група Боко Харум, која и сама презеде одговорност за повеќе напади над христијаните во тој дел на Нигерија во последните две недели.

Во исто време Нигерија денес влегува во третиот ден од генералниот штрајк поради двојно зголемување на цената а бензинот кога владата на претседателот Гудлак Џонатан ги укинал сибвенциите за тој енергенс.