Мостови

Кина на 1 јули официјално го отвори најдолгиот поморски мост на светот, кој тие го нарекоа “Jiaozhou Bay”. Се простира од источното поморско гратче Квинкдао до полуостровот Хуангдао и е долг точно 42,5 километри! Скоро 5 подолг од досега најдолгиот – “Lake Pontrchartrain Causeway” во Луизијана.

Оваа грандиозна градба е широка 33,5 метри, а ги чинеше кинезите околу 1 милијарда фунти и 4 години работа. Се потпира на над 5,000 столбови низ заливот, составен е од два моста кои се движат паралелно еден до друг, а го крати патувањето од едното до другото место за околу еден час патување.

Интересно е што мостот е граден од две групи на работници кои започнале со работа секоја на почетокот од кејот на различните градови, за на крајот да се сретнат на сред море каде што двата дела се соединуваат во еден мост.

Тие велат дека токму поради тоа, работата им била напната, бидејќи и неколки сантиметри можеле да бидат фатални, но и покрај тоа што компјутерски се било во ред, тие едвај го дочекале моментот кога двата дела се споиле и се било во ред.

Сепак, инжињерите на “Jiaozhou Bay” ќе можат да се радуваат кратко на овој рекорд бидејќи веќе во изградба е друг, нормално кинески, кој ќе се простира по морето вкупно 50 километри, а ќе биде готов до 2016 година!

Како плус за идниот рекордер е тоа што ќе биде отпорен на земјотреси со јачина до 8 степени на Рихтер, на силни тајфуни и удар од брод тежок 300,000 тони. Што ли уште ќе создадат кинезите што ќе не остави со подзинати фаци?