Откриен клучот за животот на Марс?

Научниците од Универзитетот во Нотингем веруваат дека црвите од видот Caenorhabdi elegans (C. elegans), кои биолошки се многу слични на луѓето, можат да ни ја откријат тајната на преживување во Вселената и со тоа да помогнат во населување на другите планети, како на пример на Марс.

Во декември 2006-та, научниците пратиле 4.000 црви во Вселената со спејс-шатлот Discovery и од тогаш го следат нивниот развој.

За време на истражувањата, чии резултати се објавени во листата Interface на британското Кралско друштво, научниците откриле дека нивните црви нормално се развиваат од јајца до возрасна доба и се подеднакво исти во Вселената како со тие на Земјата.

Поради тоа, видот C. elegans е идеален за експериментот со кој ќе се истражуваат потенцијалните ефекти на долготрајниот престој во Вселената на човечкиот организам.

C. elegans е прв повеќеклеточен организам чија генетска структура е комплетно мапирана. Добар дел од неговите 20.000 гени имаат исти функции како и човечките гени.

Многу експерти, вклучувајќи го и прославениот астрофизичар Стивен Хокинг, веруваат дека опстанокот на човечкиот вид зависи од неговите способности за колонизирање на други планети.