Кучиња

Најскапото куче вреди милион евра

Црвениот тибетски мастиф стана најскапиот пес на светот откако е продаден за милион евра.

Тибетските мастифи се големи кучиња кои се однесуваат заштитнички кон своите сопственици. Во минатото ги чувале номадските кампови и манастирите во Тибет.

Се смета дека овие кучиња се најстарата раса на светот, а легендата вели дека Џингис Кан и Буда исто така имале вакви кучиња. Се верува дека овие кучиња се чиста кинеска раса која е особено ретка надвор од Тибет, по што се разликува од останатите кучиња. Цената на овие кучиња во последните пет години порасна од 500 на неколку стотина илјади евра.

Според неговиот сопственик Лу Лианг, кучето Хонг Донг е старо 11 месеци, високо 90 сантиметри и тешко повеќе од 80 килограми.

- Тој е совршен примерок на својата раса. Поседува неверојатни гени и ќе биде добар за натамошно одгледување на овие кучиња. Кога започнав со оваа работа пред 10 години, не ни можев да замислам дека овие кучиња ќе бидат толку скапи, вели Лу, кој одгледува тибетски мастифи во Лаошан, кинескиот град Квиндао.

Лу не сакаше да открие повеќе детали, но истакна дека кучето го продал за милион евра на еден мултимилионер од северот на Кина, кој е сопствен на рудник за јаглен

- Морав да проверам дали навистина сака куче, инаку немаше да му го продадам. Купувачот ми рече дека тоа е добра инвестиција, бидејќи кучето ќе може да се изнајмува за парење, па со секое изнајмување ќе заработува по 11.000 евра. Вложените пари ќе ги врати за неколку години, вели Лу.

Кучето Хонг Донг јаде само пилешко и говедско месо, зачинети со егзотични слатки, како што се морски краставици. Според Лу, високата цена на кучињата е сосема оправдана затоа што треба многу да се вложи во нивното одгледување.

Пред продажбата на Хонг Донг, најскапото куче во светот беше тибетскиот мастиф Јангеце Река Број Два, кој во 2009 година е продаден за 440.000 евра. На патот кон својот нов дом, Јангце Река Број Два одел во поворка од 30 лимузини, што предизвика критики ширум Кина.

Кинески мелез најгрдото куче во светот

 - Кратките локни на Јода, нејзиниот истакнат јазик и долгите оголени нозе беа доволни таа да ја добие титулата најгрдо куче на светот на саем во Северна Калифорнија.
Четиринаесетгодишното куче кое е мешавина од кинеска кикиришка и чивава ја освои титулата на 23. Годишен натпревар на саемот "Сонома Марин".
Сопственичката Тери Шумахер од Ханфорд, Калифорнија, изјави дека го пронашла кучето, тешко 0,9 килограми, напуштено и само зад зградата во која живее. Шумахер најпрвин помислила дека несреќното куче е стаорец.
Минатата година титулата на овој натпревар ја понесе едноока чивава по име Принцеза Еби. Во 2008 година кинеска кикиришка со педигре ја освои титулата, а во 2007 година друго куче од расата на Јода.
Во изминативе години сопственикот на победникот добива парична награда од 1.000 долари

Велат дека лепотата зависи од очите на оние кои те гледаат, а тоа го потврдува и овој случај. 14-годишниот Јода победил на натпреварот за нагрди кучиња кој се одржал во Калифорнија.
Победникот изгледа ја доби титулата нпоради своите кратки влакна, специфичниојжт јазик и долгите нозе на кои нема влакна.

Госпоѓата Никол Шумахер чиј миленик е Јода, го пронашла на улица и посакувала да побегне што подалеку од него, но го сожалила и го присвоила.