Сладолед за кучиња

Кривење кај кучињата

Кривењето кај кучињата може да се јави од која било причина што предизвикува болка во нозете. Секое намалување на способноста на животното да ја носи својата тежина, односно да ја оптоварува ногата или, пак, намалување на подвижноста и функцијата на нозете претставува куцање или кривење. Куцањето може да биде исклучително суптилна, тешко забележлива појава или, пак, длабоко, јасно изразено кривење на едната или повеќе нозе. Може да биде повремена или постојана, полоша во утринските часови или прекуноќ, исто така може да се влоши по одморање или по прошетка. Кривењето на кучињата не е поврзано со расата, полот, возраста. Може да се јави како резултат на повреда или да се јавува постепено како резултат на тумор на коските или околното ткиво. Основните причини за кривењето можат да бидат опасни за животот на кучето или, пак, можат да влијаат на квалитетот на животот, кој ќе биде проследен со повремени или постојани болки, како што е случај кај дисплазијата или артритисот. Симптомите се очигледна невозможност да оди или да трча нормално, цвилење при придвижување кое укажува на болка, неволност да изведува нормална активност, движење нагоре-надолу по скали, одбивање да ја оптовари болната нога со сопствената тежина. Историјата на болеста и ортопедскиот преглед овозможуваат лоцирање на болното место и понатамошен правец на дејствување. Доколку се лоцира промената, се врши радиографски преглед. Не секое кривење претставува ортопедски проблем. Доколку ветеринарот се сомнева на 'рбетниот мозок или нервите, се врши невролошко испитување. Во зависност од причините, третманот може да биде обично неколкудневно одморање од активности или ортопедска или невролошка хируршка интервенција, како, на пример, дисплазија на колковите или акутно интервертебрално истиснување на дискот. Кривењето кај кучињата како резултат на механички повреди е честа појава и сопствениците мораат да бидат внимателни при дневните активности на своите миленици.

Социјализација на кученцата

Во првите три недели од животот кучињата имаат основни животни потреби: храна, вода, загревање и рефлексна стимулација на уринирање и дефекација. И кучката инстинктивно реагира со лижење на кученцата, лежење настрана за да овозможи подобар пристап за доење, реакција при пискање на кученцата и др. Главен приоритет на сопственикот треба да биде да не ги вознемирува кучката и нејзините малечки. Во првата фаза по породувањето, кучката бара место за кое смета дека е соодветно за неа и нејзиниот пород. Тие најчесто избираат мали, затворени и топли простори, кои треба да бидат затемнети и изолирани. Со навршување на две-три недели старост, состојбата со однесувањето на кученцата се менува. Од моментот кога почнуваат да слушаат и да гледаат тие се истражуваат себеси и околината. Во овој период кучињата интензивно играат и го вежбаат инстинктивниот репертоар од социјални однесувања. Доколку кученцето се оттргне од леглото со шест недели или порано, во подоцнежниот живот може да манифестира неадекватен однос кон останатите кучиња. Ако кучето е многу поголемо или помало од останатите во леглото, може да се предизвика чуство на доминантност или покорност во понатамошниот живот кај другите кучиња, па дури и луѓе. Во периодот на социјализација мајката поминува сè помалку време со своето легло. Кученцата кои од својата трета недела старост имаат контакт со возрасни луѓе и деца, во подоцнежниот живот се многу подоверливи кон нив за разлика од оние што немаат или имаат ограничен контакт. Затоа е и важно во овој период тие да бидат дел од семејството на одгледувачот или сопственикот на кучката. Оние, пак, што се одгледувани во средина каде што не можат да ги запознаат околината и звуците и предметите што ќе ги опкружуваат во животот, обично покажуваат страв во подоцнежниот живот. Често пати ова е причина и за намалена способност за учење и примање команди. Се смета дека тенденцијата за истражување е најизразена во периодот од пет недели, па затоа е и најважно овој период на социјализација на кученцата да се искористи адекватно.

Праз­нич­ни со­ве­ти за ку­чи­ња­та

Си­те са­ка­ме прет­стој­ни­те праз­ни­ци да ги ми­не­ме во доб­ро рас­по­ло­же­ние, а не со ит­ни по­се­ти на ве­те­ри­нар. Хра­на­та и ук­ра­си­те што го по­доб­ру­ва­ат на­ше­то рас­по­ло­же­ние мо­жат да би­дат опас­ни за здрав­је­то и жи­во­тот на на­ши­те ми­ле­ни­ци. Хра­на­та бо­га­та со мас­но­тии, ка­ко со­ко­ви­те од пе­че­но ме­со и мас­та, мо­же да пре­диз­ви­ка раз­лич­ни проб­ле­ми, од бол­ка во сто­ма­кот до вос­па­ле­ние на пан­кре­а­сот, што, пак, пок­рај дру­го­то, пре­диз­ви­ку­ва пов­ра­ќа­ње на хра­на­та и де­хид­ра­ци­ја. Ку­чи­ња­та со се­ри­оз­на сос­тој­ба мо­жат да би­дат под­ло­же­ни на бол­нич­ки трет­ман. Ал­ко­хо­лот мо­же да пре­диз­ви­ка се­ри­оз­ни ин­ток­си­ка­ции кај ку­чи­ња­та. Ос­та­ве­ни­те по­луп­раз­ни ча­ши со ал­ко­хо­лен пи­ја­лак се нај­чес­ти­от на­чин на кон­такт. Чо­ко­ла­ди­те, ка­фе­то и ча­јот со­др­жат ксан­тин, кој во по­го­ле­ми ко­ли­че­ства е ток­си­чен за ор­га­низ­мот, пре­диз­ви­ку­вај­ќи нер­вни рас­трој­ства и сти­му­ла­ци­ја на ср­це­ви­от мус­кул. Осо­бе­но тре­ба да се обр­не вни­ма­ние на чо­ко­ла­ди­те за гот­ве­ње, кои со­др­жат нај­го­ле­ма кон­цен­тра­ци­ја на ксан­тин. Кос­ки­те од ри­ба, ме­со­то, ис­то та­ка, мо­жат да пре­диз­ви­ка­ат проб­ле­ми, осо­бе­но до­кол­ку се не­со­од­вет­но при­гот­ве­ни и со нес­раз­мер­на го­ле­ми­на. Ос­три­те де­ло­ви чес­то­па­ти мо­жат да ги ош­те­тат цре­ва­та или да пре­диз­ви­ка­ат пер­фо­ра­ци­ја. Ци­га­ри­те и до­гор­чи­ња­та, до­кол­ку се про­гол­та­ат, мо­жат да пре­диз­ви­ка­ат тру­е­ње во рок од пет­на­е­сет ми­ну­ти до еден час. Ова тру­е­ње е прид­ру­же­но со воз­бу­да, ли­га­ве­ње, пов­ра­ќа­ње и про­лив. Рас­те­ни­ја­та што се упот­ре­бу­ва­ат за ук­ра­су­ва­ње на до­мот при прет­стој­ни­те праз­ни­ци, ка­ко зе­ле­ни­ка­та или бо­жи­ко­ви­на­та, ис­то та­ка, мо­жат да пре­диз­ви­ка­ат тру­е­ња, кои по­не­ко­гаш се фа­тал­ни. До­кол­ку се про­гол­та­ат, иг­лич­ки­те од но­во­го­диш­на­та ел­ка мо­жат да пре­диз­ви­ка­ат ме­ха­нич­ки пов­ре­ди на цре­ва­та. Де­ко­ра­тив­ни­те ук­ра­си на ел­ка­та се пре­диз­вик за се­кој ми­ле­ник, та­ка што е не­оп­ход­но ел­ка­та да се изо­ли­ра од кон­такт, а на ми­ле­ни­кот да му се да­де не­го­ва­та оми­ле­на иг­рач­ка или но­ви­от по­да­рок, кој ќе му го от­трг­не вни­ма­ни­е­то од ел­ка­та.

Велат дека лепотата зависи од очите на оние кои те гледаат, а тоа го потврдува и овој случај. 14-годишниот Јода победил на натпреварот за нагрди кучиња кој се одржал во Калифорнија.
Победникот изгледа ја доби титулата нпоради своите кратки влакна, специфичниојжт јазик и долгите нозе на кои нема влакна.

Госпоѓата Никол Шумахер чиј миленик е Јода, го пронашла на улица и посакувала да побегне што подалеку од него, но го сожалила и го присвоила.