Рамно сечените кроеви на фармерки и понатаму остануваат помодерни од кратките и ѕвонести. Истражувањата направени врз навиките на потрошувачите покажуваат дека најмногу се купуваат „bootcut“ модели.

Од три милиони фармерки кои биле продадени онлајн во Америка во последните година дена околу 800 илјади се токму со рамно сечен крој. Веднаш зад нив е продажбата на фармерките со тесен крој додека сосема последни се оние со ѕвонести ногавици. Интересот за кроевите со ниска половина е значително опаднат, што се должи на фактот што оваа сезона се враќаат моделите кои го покриваат стомакот.

- Популарноста на широките модели е во тоа што може да ги носат дами со различна висина и се своевидна класика. Ги носат и младите и старите, а добро се прилагодуваат на секоја телесна градба. Ниту жените со широки колкови немаат никаков проблем. Одлично им прилегаат и на оние кои се малку во хипи фазон., истакнува Андреа Линет, моден директор во eBay која додава и дека посебните трендови во дизајнирање на фармерки поминуваат брзо, а жените секогаш најмногу го преферираат рамниот крој кој е безвременски.