Хуманост или предавство?

„Видов како убиваат деца...“



Српска полиција на Косово 1999 (архива)
Системот на заштита на сведоци на воени злосторства во Србија, во најмала рака - не функционира. За тоа говори и случајот на тројца полицајци-инсајдери, кои се осмелиле да зборуваат за воени стравотии на кои биле сведоци

„Едноставно, не можев веќе да живеам со тоа дека бев очевидец на различни случувања, разни убиства, грабежи, разни силувања. Гледав, гледав како убиваат, видов, едноставно видов, не сум виновен што сум видел...На мое место можел да биде и некој друг“, сведочи Јован Голубовиќ, поранешен припадник на специјалните единици на српската полиција, денес во пензија, кој дал исказ во Обвинителството за воени злосторства уште во 2006 година, а потоа влегол во програмата за заштита на сведоци.

Но, наместо заштита, како што велат Голубовиќ и двајца негови колеги, кои се исто така несудени заштитени сведоци, тие доживеале да им биде откриен идентитетот речиси истиот момент кога ги дале исказите во кои обвиниле конкретни, се‘ уште активни полицајци, за злосторства сторени на боиштата на поранешна СФРЈ. Тие за откривањето на идентитетот обвинуваат одделни обвинители за воени злосторства.

Единица за заплашување сведоци


Специјалниот суд во Белград
„Животите ни‘ се страшно загрозени, постојано. Уште кога дадов првпат изјава во Обвинителството за воени злосторства, веднаш ми фрлија бомба врз локалот и куќата. Имам и записник, до ден-денес не е откриено кој го сторил тоа. Сега само чекаме кога ќе стигне тој славен к*ршум“, раскажува Слободан Стојановиќ, полицаец кој денес е исто така во пензија.

Бојан Златковиќ, поранешен припадник на Специјалните антитерористички единици, добил отказ од полицијата. Тој тврди дека тоа се случило поради тоа што сведочел за злосторствата и смета дека Единицата за заштита на сведоци е всушност „единица за застрашување сведоци“.

„Тоа не е програма на заштита, туку програма на застрашување, на тешко застрашување. Две години моето семејство и јас ја поднесуваме тортурата на таа Единица за заштита на сведоци, со намера да ме одврати од натамошно сведочење“, наведува Златковиќ.

Кои се херои, а кои предавници?

Полицајците што овие тројца полицајци ги обвиниле за воени злосторства биле држени во притвор 90 дена, а потоа се пуштени да се „бранат од слобода“, само што судењата никогаш не почнале. Бојан Златковиќ наведува дека тие полицајци денес се „воени херои“, а тој и неговите колеги „српски предавници“.

„Јас сметам дека не е предавство да се откријат убијци, да се откријат луѓе кои извршиле злосторства, кои пред мои очи убивале деца со к*ршум в чело, деца што немале повеќе од 13 години. Тоа се луѓе што силувале жени, убивале цивили по наредба на повисоки по чин старешини, кои потоа метеорски напредувале“, вели Златковиќ.

Голубовиќ, Стојановиќ и Златковиќ велат дека за нив и нивните семејства животот во Лексовац и Власотинце е неподнослив, затоа што околината ги игнорира поради наводно предавство, а тие, како што велат, само поверувале во демократијата во Србија и сакале да покажат дека само мал број српски полицајци вршеле злосторства на боиштата.

По ваквите искуства, се поставува прашањето - кој друг полицаец ќе се осмели да сведочи за непоимливите злосторства сторени во име на таа иста полиција?
---------------------------------------------------------
http://www.time.mk/read/NONE/c081aef3e0/index.html

Изменето од Buggyman - 02.Октомври.2011 во 17:41

Messenger напиша: A shto ima novo na ovaa balkanska crna dupka ?

Ништо, се трудиме да бидеме поцивилизирани но некако слабо ни оди.

Zeksi71 напиша: Буги, Не можам да разберам што сакаш да кажеш со темава, која ја започнуваш.

Јас лично ништо не сум искоментирал но затоа самиот наслов на темата има значење. Вакви случувања има на балканот, има и низ целиот свет но кога се случуваат злосторства, дали треба да молчиме? дали треба да се "ситиме" и прикриваме ако некој направил нешто нецивилизирано, нечовечки.
Жолтата куќа сеуште е нистражена, каде се сите добронамерници да го откријат злосторникот кој ја раководел целата операција.

Зекси, едноставно кој згрешил да си плати, да се осуди максимално а тоа е доживотно во робија да не види бел ден, ако им се прости на таквите дивјаци (кој било да е)тогаш очекувај дека следен конфликт каде и да е ке се појават повторно таквите болни дивјаци кој во мирнодобски времиња биле овци а во време на конфликт ке изигруваат "лавови" со маса луѓе позади нив и наоружани до заби. Што е најтрагично, истите такви дивјаци ке се иживуваат на цивилите. Како и да е, ме потресуваат вакви теми, сепак убивање на деца, жени и силувања не оставаат човек да е рамнодушен сем некој кој е самиот дивјак ќе му е сеедно.
Е тоа сакам да кажам Зекси, да не криеш и ти нешто?

Изменето од Buggyman - 03.Октомври.2011 во 18:19

Зекси ти си толку глупав шо рецепт за омлет да прочиташ нема да го разбереш .
И покрај тоа шо несфаќаш има доволно безобразност во тебе да побараш `одма да раскрстиме` со Јохан.
Ова е со единствена цел да пробаш да укапираш во кој правец се движи разговорот....многу е едноставно ако е ЗА Јохан е Ок ако е против тогаш сигурно е ПРЕДАВНИК.
За мене Јохан не претсавува хуманист пошто до сега не сум прочитал некаде дека Јохан се занимавал со хуманитарни акции.

Во врска со темава....
Мое мислење. Ако полицајците не се поштени тогаш кој би бил. Прикривање од обична кражба во трафика па до најтежок чин на криминал како убиство те прави соучесник и по таа линија ти не си подобар во ништо од сторителот.
Од друга страна , кога носиш унифрома и особено ако дејствуваш во проблематични региони или извршуваш воени дејствија во кој ти е загрозен животот и зависиш од луѓето кои се околу тебе и непишаниот закон за колегијалност има многу силна тежина врз карактерот .

За разлика од тебе ЈАС на оваа тема имам свое мислење и став А тоа ме прави различен од амеби како тебе .

Zeksi71 напиша: Не ти е лош обидот, признавам малку ме затече со темава, не очекував ваква тематика на македонски форум, ама во ред. Ќе ја тераме темава, барем јас сум за. Одма сакам да раскрстиме нешто, кој е твојот став за Јохан??? Според тебе, што тој претставува, хуманист или предавник?

Осуденик.

Почнав со прашањето кое е поставено кон мене дали е праведно осуден или не, тој самиот си знае и доказите кој се собрани против него.

Мојот став за Јохан,

АКО навистина има елементи на воено злоторство, како дозволил такво нешто да се случи и казната е праведна но пак ако НЕМА докази прашањето е КОЈ дозволил невин човек да отслужува казна од толку години!


Сепак ќе забележам дека по дефолт темите ги мешаш и скоро никогаш не дискутираш (ако веќе сакаш да дискутираш) за поставената тема туку емотивно ги поврзуваш темите. Темата е едноставна, дали е ХУМАНОСТ да разоткриеш дела кој некој вешто ги крие или стануваш ПРЕДАВНИК ако сакаш да си ЧОВЕК кој знае да расудува.

Зарем човекот не се разликува од животното поради совеста, ХУМАНОСТА, цивилизираноста, моралните вредности....и.т.н.

zenmaster напиша: Во врска со темава.... Мое мислење. Ако полицајците не се поштени тогаш кој би бил. Прикривање од обична кражба во трафика па до најтежок чин на криминал како убиство те прави соучесник и по таа линија ти не си подобар во ништо од сторителот. Од друга страна , кога носиш унифрома и особено ако дејствуваш во проблематични региони или извршуваш воени дејствија во кој ти е загрозен животот и зависиш од луѓето кои се околу тебе и непишаниот закон за колегијалност има многу силна тежина врз карактерот .

Јас само би те дополнил дека за да и полицајците бидат чесни, треба и судиите да бидат такви и правосудството во една држава треба да биде поставено на здрави основи. Ниту еден полицаец не би си дозволил повеќе од она што го дозволуваат законите, доколку знае дека може да биде обвинет на суд, па да заврши в затвор. Пример за тоа се војниците на САД во Ирак. Таму истотака имаше дејствување во проблематични региони, загрозен живот и примена на непишан закон, но дел од оние кои ги вршеа злосторствата беа осудени на казна затвор во траење од дваесет и повеќе години.