Хигиена во приготвување на храната

Храната треба да се приготвува и да се чува на начин кој не го намалува нејзиниот нутритивен квалитет и кој ја ограничува можноста од расипување.
Треба да се избегнува: приготвување на храна подолг период пред нејзината консумација; долго чување на храната на температура која овозможува размножување на микроорганизмите; несоодветна термичка обработка на храната; контаминација и приготвување храна од заразени лица.
За да биде соодветна хигиената во исхраната, треба да се имаат предвид следниве правила:

1. Некои видови храна полесно се расипуваат ако не се термички обработени, како на пример, несвареното млеко, месото...

2. Суровата храна, месото и непастеризираното млеко можат да бидат контаминирани со патогени микроорганизми. Готвењето ќе ги уништи овие патогени микроорганизми доколку храната доволно долго термички се обработува, т.е. во сите делови треба да се достигне температура од барем 70 степени Целзиусови.

3. Кога проготвената храна ќе се излади, во неа почнуваат да се размножуваат микроорганизми, па подобро е веднаш да се консумира по приготвувањето.

4. Ако за одреден вид храна се препорачува да се чува на топло, температурата на која ја чувате не треба да биде помала од 60 степени Целзиусови, а ако треба да се чува на студено, не складирајте ја на температура помала од 10 степени Целзиусови, особено ако се чува повеќе од четири часа.

5. Храната за доенчињата не смее воопшто да се чува. Кога фрижидерот е преполн, храната не може доволно да се излади и ако нејзината внатрешност остане топла подолго време (повеќе од 10 степени Целзиусови), тогаш микроорганизмите брзо ќе се размножат.

Шампињоните како зачин

Шампињоните, со оглед дека содржат ароматични и други мирисни компоненти може успешно да се употребат како зачин за други јадења. Така, тие се незаменлив дел од супите и филовите за месо. Јадењата со месо од претходниот ден, печурките како со волшебно стапче ќе ги претворат во нови. Печурките динстани со кромид, зачинети со мелен црвен пипер и со мајонез, може да се додадат во претходно подготвените шницли од говедско и од свинско месо. Сосот од печурки, заедно сварени со моркови и магдонос, значително ќе го освежат месото во говедската супа.

Овошна напивка

Потребно:

150 г рибизли
150 г боровинки
100 г малини
600 мл ладно соино млеко

Приготвување: рибизлите исчистете ги, па заедно со боровинките и малините измијте ги под млаз вода. Измиеното овошје и добро изладеното млеко од соја ставете ги во блендер и добро испасирајте ги. Оваа освежителна овошна напивка послужете ја веднаш. Ако овошјето е покисело, тогаш може да додадете кафен шеќер.

Вкусно и здраво овошјe  

Јаболката во секое време на вашето мени

Јаболката не содржат масти и холестерол. Едноставно е да си ги понесете со себе како вкусна ужина, имаат малку калории и се природен освежувач на здивот.

Од нутритивна гледна точка, јаболката, кои изобилуваат со влакна, придонесуваат за намалување на холестеролот, го контролираат нивото на шеќер во крвта и помагаат во борбата против вишокот килограми. Можат дури и да спречат одредени типови на карцином.

Не ја фрлајте лушпата бидејќи истата изобилува со витамин Ц. Доколку имате можност, секогаш консумирајте домашни јаболка кои не се прскани со пестициди.

Денес ширум светот се одгледуваат неколку стотина различни врсти на јаболка, од кои некои се слатки, други кисели, некои се подобри за печење, а некои за сурово консумирање.

Нутритивната вредност на едно свежо јаболко со лушпа, со средна големина, се состои од: 81 калорија, 21 грам јаглехидрати, 4 грама влакна, 159 mg калиум, 8 mg витамин Ц, 73 IJ витамин А и 4 mcg фолна киселина.

Секогаш бирајте ги тврдите плодови, односно оние кои не се вдлабнуваат со притисок на прстите.

Јаболката чувајте ги во фрижидер за да останат крцкави. Ако ги оставите надвор, брзо ќе омекнат, а во фрижидер, пак, можат да издржат и до шест недели.

Не ги чувајте јаболката заедно со зеленчукот бидејќи истиот во нивно присуство побргу ќе дозрее и скапе. Морковите ќе станат погорчливи, краставиците ќе пожолтат, а зелената салата ќе добие кафеави дамки.

Ако сакате јаболката да останат свежи и светли и откога ќе ги излупите и исечете, полијте ги со лимонов сок. Ако сакате да ги печете, попрскајте ги со ванилин шеќер, бадеми, цимер, каранфилче, морско оревче или лимон, за да добијат уште подобар вкус.

Пченка-вкусна и здрава

Млада пченка

Во секој период од годината, пченката се користи како гарнир во јадењето, пченкарниот леб, палентата, пуканките, "корнфлексот"... Но, најпоуларна е секако млададта пченка која содржи 7.7 до 10.5 проценти шеќер, кој со дозревање постепено се губи. Инаку 1 грам пченка содржи дури 354 калории, без разлика што не е богат со хранливи состојки. Најмногу содржи скроб, па бетакаротин, магнезиум и мала количнина на цинк. Кога ја купувата младата пченка внимавајте кората да не е темна, може да е само малку на врвовите. Инаку треба да е золто-зелена и мека како свила. Зрнта се повкусни ако се со пожолта боја, поголеми и посочни. Ако при стискање од нив излезе млечен сок, тогаш тоа е гаранција дека ќе бидат вкусни.

Варење и печење

Пченката ставете ја во провриена, малку посолена вода и поклопете ја. Варете кратко, од прилика 5 минути, додека зрнцата не се стврднат. Пченката која сакате да ја печете, излупете ја, намачкајте ја со путер и замотајте ја во алуминска фолија. Така ќе биде повкусна.
Младата, недозреана "млечна" пченка, набрзо ќе почне да го губи шеќерот, веќе еден час по берењето. По 24 часа, чувана на 0 степени, губи 8.12 проценти шеќер, на 10 степени 16.28 проценти, на 25 степени 25.61 проценти, а на 30 степени 50.28 проценти. Значи ако сакате блага пченка, јадете ја брзо по варењето.