Храната како лек!

Со грашок против остеопороза

Грашокот е богат со витамини и со минерали, со растителни влакна и со белковини. Зелениот грашок е извор на К- витамин, кој го активира остеокалцинот, белковина која овозможува вградување на калциумот во коските. Исто така, извор е и на Б6-витамин и на фолна киселина, кои влијаат врз намалувањето на нивото на хомоцистеинот, молекула која може да го наруши вкрстеното поврзување на колагенот во коските, па на тој начин да ја зголеми порозноста на коските, а со тоа и ризикот за остеопороза. Витаминот Б6 и фолната киселина, заедно со витаминот К, учествуваат во одржувањето на здравјето на кардиоваскуларниот систем така што го регулираат нивото на хомоцистеинот, чиј раст го забрзува развојот на атеросклерозата. Витаминот К, пак, е важен за згрутчување на крвта.
Грашокот е добар извор и на витамините Б1 и Б5 (пантотенска киселина), но и на рибофлавин и нијацин, неопходни за метаболизмот на јаглехидратите, белковините и мастите. Пантотенската киселина игра важна улога во регулирањето на стресот, зашто ја поттикнува работата на надбубрежната жлезда.
Грашокот содржи и витамин Ц, кој е мошне важен за одвивање на процесите со кои организмот се брани од оштетување на молекулите на ДНК, кои се сметаат за претходник на малигните болести.

***

ГРАШОКОТ ГО ПОДОБРУВА ИМУНИТЕТОТ

Зелениот грашок е особено добар извор на железо, минерал чиј недостиг често доведува до анемија, замор и до намалена функција на имунолошкиот систем.

Денес цвеклото се смета за најкорисен и најлековит зеленчук кој лесно се вари, во себе содржи огромен спектар на витамини и минерали, а исто така, извонредно е богато и со белковини и јаглехидрати.

Од витамините кои ги содржи, најприсутни се Б1, Б2, Ц, како и витаминот Б12, кој многу ретко се сретнува во билните плодови.

Црвената боја на цвеклото доаѓа од антоцијаните, кои придонесуваат за обновување на крвта, а исто така, докажано е дека овој зеленчук спаѓа во антиканцерогените плодови.

Како уште едно својство на цвеклото кое е од неизмерно значење е неговата моќ на обновување, односно способност да го поправи поголемиот дел од она што е ошететно во нашиот организам.

Пченката штити од болести

Ако барате храна богата со антиоксиданси, за кои се верува дека штитат од рак и други болести, јадете пченка. Се испоставило дека житарките или брашното од полно зрно, како пченица, интегрален ориз, зобни снегулки или пченката имаат голема антиоксидативна активност, па некогаш дури поголема од овошјето или зеленчукото. Од сите житарки, според стручњаците пченакат има најголема антиоксидативна активност, процената со бројка 181. Зад неа се пченицата од полно зрно (77) и интегралниот ориз (75).

Зелена салата

* Го одржува ткивото еластично
Сите видови салата нема да дозволат да стареете брзо.
* Што содржат:
Има 90% вода, покрај тоа има и влакна, витамин Ц, бетакаротин и минерали. На 100г. имаат 15 калории.
* Зошто е добра:
* Течноста и влакната имаат улога на пречистувачи. Бетакаротинот, кој во организмот се претвора во витамин А, го заштитува видот и ја одржува кожата еластична.
* Им се препорачува на:
Сите луѓе што пијат малку вода.
* Дозволено количество:
50 до 100 г. секој ден.
* Се подготвува:
По нејзиното миење со студена вода, зелената салата ќе ја исечете на помали парчиња или пак тоа ќе го направите со рацете. Подгответе ја со малку маслиново масло и јаболков оцет или сок од лимон.