Фолатите го намалуваат ризикот од колоректален канцер

Задолжителни продукти на женското мени

Знаете ли кои продукти не смеат да недостасуваат на менито на жените - без оглед на годините? Тоа се петте задолжителни: Брусница, ореви, грав, риба и домати

БРУСНИЦИ
За првото место на скалата пет задолжителни може да заблагодарат на фактот дека помагаат во спречувањето на инфекциите на уринарниот систем - доволно ќе биде секој ден да пиете по 100 мл сок со кој можете да подготвите и млечна напивка.

ОРЕВИ
Богати се со масните киселини омега-3, помагаат при ублажувањето на воспаленијата и го зголемуваат количеството на добриот холестерол. Исто така, делотворни се и при депресија, но и го намалуваат ризикот за настанок на Паркинсоновата болест.

ГРАВ
Оваа благотворна мешунка штити од болестите на срцето, богата е со магнезиум, калиум и фосфор. По две раце грав препорачливо е да се јадат шест пати неделно, во салати или во чорби.

РИБА
Во вашата чинија би требало да ја има барем два пати неделно ако сакате да ги заштитите срцето и крвните садови. Особено се препорачува риба од ладните мориња, на пример лосос и туна.

ДОМАТИ
Благодарение на антиоксидантот ликопен, се намалува ризикот од настанок на рак на дојката за дури 50 отсто. Исто така, доматите се непријател на високиот крвен притисок и на лошиот холестерол.

Правила во исхраната

1. Наместо путер, свинска маст и павлака, во храната додадете маслиново масло.
2. Секојдневно изедете најмногу 10 мл масло од житарки, најдобро во салати.
3. Внесувајте го разумно дневното препорачано количество на маснотии: една мала порција торта со слатка павлака содржи исто или дури и повеќе заситени масни киселини како и една голема порција месо кое побрзо заситува, а содржи и други хранливи состојки (белковини, железо).
4. Јадете сирење два до три пати неделно. На постарите лица им се препорачуваат само мали количества на млечни производи. Ако имате зголемен холестерол, тогаш јадете исклучиво немасни видови на сирење, но многу ретко.
5. Предност дајте му на белото месо пред црвеното, зашто содржи помалку заситени масни киселини.
6. Јадете многу риба, барем два до три пати неделно, зашто рибата е богат извор на омега-3 масните киселини, а не содржи многу заситени масни киселини.
7. Јадете мали количества на салами: ако изедете само пет до шест грама салама, тогаш тоа уживање можете да си го овозможите речиси секојдневно. Ако, пак, не можете да им одолеете на саламите, тогаш обидете се да ги јадете оние кои се помалку масни. Не јадете сланина.
8. Секогаш отстранувајте ја целата видлива маснотија од месото, шунката, пршутата...

Ладни супи за топлите денови

Макробиотичката исхрана препорачува дека во врелите летни денови најдобро ќе ве освежи ладна супа од сезонски зеленчук, на пример краставици. Краставиците, млекото (овесно, соино), оцетот (умебоши) и маслото од кикиритки испасирајте ги во соковник, а густината нека биде по вкус. Разладете и изедете.

* Брза супа: Ренданиот зеленчук прелијте го со врела вода, додајте малку сос од соја или мисо (паста од ферментирана соја).

* Овошен сок: Според макробиотичките правила, најбалансиран е сокот од јаболко. Доволно е само да го иситните и да го испасирате. Комбинирајте по вкус, но внимавајте киселото овошје да биде во согласност со благото овошје. Пожелно е сезонското овошје карактеристично за нашето поднебје (јаболка, круши, лубеници, боровинки, малини). Макробиотичката исхрана го избегнува јужното овошје, значи, што е можно помалку банани, киви, папаја, па дури и портокали.

* Овошно фрапе: Овошјето по избор, на пример диња со средна големина и една банана - здробете ги (најдобро е рачно, но може и во соковник) па засладете по желба. Додајте млеко, најдобро она од зоб или соино, а за подобар вкус се препорачува масло од оревести плодови и капка етерично масло од портокал. Се добро измешајте и уживајте.

* Чаеви од житарки
Во загреана тава ставете лажичка од две измиени и исцедени житарки (ориз, овес, јачмен) пропржете ги на благ оган, потоа додајте литар вода и варете 15 минути. Процедете и по вкус додајте лимонов или јаболков сок, јаболков оцет...

* Чаеви: најдобро освежува чајот од нане, малини, капини. Пијте ги млаки.

* Компоти: Кратко проварете го овошјето во малку вода со сосема малку сол, а по желба засладете. Рецептите на нашите баби исто така можете да ги примените, но шеќерот заменете го со слад.