Само за грешници! Новиот Почеток

Ако си ти најголемиот грешник на светот- на правото место си Овде пишува токму за ТЕБЕ!
Не си случајност. Ти си испланиран уште пред создавањето на светот токму онаков каков што си. Твојот Создател те засакал и ти подарил живот кој по ниту еден основ не го заслужуваш. И покрај сите твои гревови сепак Бог сака да биде твој Небесен Татко, а ти да бидеш Негово чедо. Одлуката дали ќе Го прифатиш тоа е само твоја и никој не може да одлучи наместо тебе.
Најверојатно си мислиш дека си премногу грешен, премногу лош, дека имаш преголем багаж од минатото кое те држи укотвен долу на земјата. Ако мислиш дека не си достоен да погледнеш кон Небото и да Му се заблагодариш на Бог за се- да знаеш дека дури ми е мило што така размислуваш. Бог ги љуби грешниците! Бог те љуби и тебе! Во Неговото Слово- Библијата, Бог вели дека ,,зашто сите згрешија и никој не успеа да ги достигне Божјите возвишени стандарди”(Послание до Римјаните 3:23). Во Божјите очи сите ние сме грешници и заслужуваме пекол. Без разлика дали си најголемиот грешник на светот (дури и да си виновен за нечија смрт, па дури и за смртта на милиони да си виновен) или имаш направено ,,само’’ неколку ,,гревчиња’’- казната е истата. И во едниот и во другиот случај- заслужуваш смрт! Така вели Божјото Слово ,,платата што ја дава гревот е смрт’’(Римјаните 6:23). Само преку вера во Божјата љубов кон тебе и во Христовата жртва со која беше платена ТВОЈАТА и МОЈАТА казна се здобиваме со праведност пред Бога и ти е простено.
Ако мислиш дека си премногу недостоен за сево ова- морам да ти честитам и да ти кажам дека си во право. Лоши луѓе сме ние, пријателе мој, не заслужуваме ништо добро од Бога- само вечна казна во пеколот.
Но, Библијата вели дека Бог те љуби. Толку многу што дури Го даде Својот Син да умре наместо тебе и наместо мене и да ни подари вечен живот.
Сепак и покрај тоа што го знаеш ова најверојатно не можеш тек така самиот да простиш за сите твои грешки со кои си се повредил себеси, твоите блиски и подалечни и Бога. Знам затоа што и јас сум минувал низ истото. Со денешниов текст сакам да ти укажам на твојата вредност во Божјите очи. Сакам да сфатиш дека покрај се што си грешел во твојот живот, мораш да почнеш да се почитуваш себеси. Ако веруваш во Бога Тој не сака да те казни. Поради верата твоја во Него Тој сака да биде милостив кон тебе. Сака да ти прости и сака да престанеш да се повредуваш себеси со обвинувања за старите гревови. Не смееш да одиш во другата крајност и да мислиш дека си совршен- затоа што не си, но не смееш ни да живееш во постојана осуда и страв од казна.
Сите ние живеевме во грев. Се што правевме беше погрешно затоа што го правевме без Бога. Дури и апостолот Павле, еден од највредните Христови апостоли, пишува вака ,,Сите ние порано живеевме така. Се раководевме од нашите телесни страсти, го правевме она што го сака нашата грешна природа, преку телото и умот. Со таквата наша природа ние бевме подложни на Божјиот гнев, како и другите луѓе.’’(Послание до Ефешаните 2:3). Но, тоа не е крајот. Понатаму апостолот, инспириран од Светиот Дух, ни порачува ,,Но Бог е толку полн со милост, толку е голема љубовта што ја чувствува спрема нас, така што уште додека бевме мртви, удавени во нашите гревови, Тој не врати во живот. Со тоа што го воскресна Христос, ни овозможи и нам да оживееме. Вашето спасение е резултат на Божјата благонаклоност, која никој од нас не ја заслужува.’’(Ефешаните 2:4,5).
Не смееме да отидеме во едниот или во другиот екстрем. Мораме да балансираме. Ние сме грешници и не ја заслужуваме Божјата милост, но сепак Тој решил да ни ја подари. Не затоа што ние на некаков начин сме ја заслужиле, туку затоа што Господ сака да не спаси. Значи, грешни сме и недостојни, но поради Божјата благонаклоност кон нас сме спасени. Да бидеме благодарни за тоа.
Создадени сме според Божјиот Лик. Библијата вели вака: ,,И Бог рече: „Да направиме човек во Нашиот лик, според Нашата сличност, и нека владеат над морските риби, над небесните птици и над добитокот – над сета земја – и над сите лазачи што ползат по земјата!”. Бог го создаде човекот во Својот лик, Тој го создаде во Божјиот лик; ги создаде машко и женско.’’ (Битие 1:26,27). Бог не создал поинакви од остатокот на Неговата креација. Не постави високо над другите суштества, до тој степен што не создаде според Неговиот Лик. Да бидеме слични Нему. Таа е Божјата замисла за нас. Сега, откако сме спасени, Бог сака да не направи да бидеме слични Нему. Да живееме животи кои ќе бидат Богоугодни, според Божјата волја. Ако живееме според Неговата волја ние ќе бидеме во можност да ја рефлектираме Неговата природа во овој свет. Иако ние имаме грешна природа која нам честопати ќе не води кон грев, сепак мораме да запаметиме дека Бог е Бог на нови почетоци. И сто пати да паднеш, Бог уште еднаш ќе ти прости. Да не забораваме дека сме Божји чеда, спасени поради Божјата љубов кон нас, откупени преку жртвата на Исус Христос. Да не испуштиме од вид дека Бог не направи поинакви од сите други битија и ни даде можност да бидеме слични Нему. Толку е голема нашата вредност во Божјите очи, што Тој е волен да даде многу за нас. Да Му бидеме благодарни за тоа. Амин.

Здраво Тетратка,

Прости вака, ама стварно не те разбрав баш што сакаш да кажеш со твојот коментар. Ако сакаш биди појасен да можам да сфатам :-)

Поздрав до тебе

Не нè спасува верата во Христа сама по себе, туку делата. И тоа оние дела кои се во склад со Неговото учење за висока етика и морал(Беседа на Гората):

”24 И така, секој, кој ги слуша овие Мои зборови и ги исполнува, ќе го споредам Јас со благоразумен човек, кој ја изградил својата куќа на камен.
25 И заврна пороен дожд, и надојдоа реки, и дувнаа ветрови и навалија на таа куќа, но таа не се разурна, зашто беше заснована на камен.
26 И секој, кој ги слуша овие Мои зборови, а не ги исполнува, ќе биде спореден со безумен човек, кој ја изградил својата куќа на песок.
27 И заврна пороен дожд, и надојдоа реки, и дувнаа ветрови и навалија на таа куќа, и таа падна, и нејзиното паѓање беше големо.” (Евангелие според Матеј 24:7)

Изменето од Majkl - 15.Јули.2011 во 13:58

ти штом реформатор си се крстил сгурно си грешник

Ochebijnoto, barem za mene, e shto do Pavle uchenjeto e od Hrista, a so Pavle i onie posle nego uchenjeto e za Hrista.

Majkl напиша: Reformator напиша: Всушност, спасението е само преку вера. Апостолот Павле пишува вака: ,,Зашто по благодат сте спасени, преку верата, и тоа не е од вас самите - тоа е Божји дар! Не од делата, за да не се фали некој.’’(Послание до Ефешаните 2:8,9). Но, не секоја вера е спасоносна. Спасоносна вера е онаа вера која раѓа дела. Верата без дела е мртва вера ,,Како што телото без дух е мртво, така и верата без соодветни дела е мртва."(Послание на Јаков 2:26). Значи, да заклучам. Спасението е само и само преку вера, но не преку секој вид вера туку исклучиво преку вера која се манифестира низ дела. Тогаш ти повеќе му веруваш на Павле кој не го познавал Исуса, отколку на Исус Христос.

Мајкл, му верувам и на Исус и на Павле. Во нивните зборови воопшто нема контрадикција. Нема тука избор или-или. Верувам во Бога, верувам во Библијата и не гледам дисхармонија во Божјото Слово.

Poznato mi e toa.