Одлично деби за Трајковски: Постигна два погодоци за Варегем

Младиот македонски фудбалер, Александар Трајковски се претстави во најдобро можно светло на својот деби настап за Зулте Варегем.

Во пријателскиот меч против КВК, кој заврши со резултат 5:0 за белгискиот состав, Трајковски два пати се запиша во листата на стрелците. Првиот погодок за својот нов клуб го постигна во 49., а вториот во 67. минута.

"Убаво е кога веднаш на деби настап за новиот клуб ќе постигнете два погодоци. Мојата цел е што повеќе да играм и да постигнувам погодоци" - изјави Трајковски по мечот.

Потсетуваме, овој поранешен играч на Интер од Запрешич и на скопска Цементарница, кој се поврзуваше со Челзи, минатата недела потпиша за Варегем за отштета од милион евра, а се чини дека ќе ги оправда своите квалитети и во новиот клуб.

Канаваро се збогува со фудбалската кариера

Фабио Канаваро, освојувачот на ,,Златната топка“ и титулата најдобар фудбалер на светот во 2006-та година и долгогодишен капитен на италијанската репрезентација објави дека става точка на кариерата. 38-годишниот Канаваро обелодени дека причина за крајот е повредата на коленото.

Фабиот Канаваро пред 5 години ја предводеше репрезентацијата на Италија до титулата светски шампион на првенството во Германија и вкупно одигра 136 натпревари во дресот на азурите со што го држи рекордот.

„Многу сум тажен бидејќи фудбалот е мојот живот“ рече Канаваро при објавувањето на веста за крај на кариерата.

Одлуката е донесена на препорака на неговиот личен лекар. Канаваро е роден во Неапол каде што ја почна професионалната кариера, подоцна премина во Парма каде што играше 7 години и стана репрезентативец. Настапуваше и за Интер, Јувентус и Реал , а минатата сезона играше за Ал Ахли од Дубаи.

Продадена најстарата книга со фудбалски правила

Ристиќ кандидат за Гинис

Стевица Ристиќ, напаѓачот претплатен за голови во деби-настапите за своите клубови, традицијата ја продолжи и во дресот на корејскиот Сувон Блувингс. Откако пред една недела дебитираше со погодок, викендов и во вториот настап стрелаше прецизно за минимална победа против Инчон.
- Останав верен на традицијата, еве и во шестиот клуб во кој се преселив, постигнувам гол во премиерниот настап. Така беше пред осум години во дресот на Силекс, продолжив во корејските Чонбук и Поханг, не прекинав ниту во Бунјодкор и Амкар, и еве ми се повторува истото во Сувон. Ако на ова додадам дека постигнав погодок и на дебото за фудбалската репрезентација против Албанија, тогаш веројатно сум кандидат и за Гинисовата книга на рекорди. И да не заборавам дека пред четири години во дресот на Чонбук го постигнав најбрзиот погодок во историјата на К-лигата, во 30-тата секунда против Гвангжу - вели голгетерот.
Популарниот Риле има постигнато и пет погодоци на еден меч во дресот на Силекс, но овој рекорд го дели уште со Зоран Бошковски, Саша Ќириќ, Ванчо Мицевски и Александар Толески

Оливер Недановски чека повик од Бабунски

Желбата на Македонецот од Шведска, 20-годишниот Оливер Недановски, да го облече дресот на македонската фудбалска репрезентација очекува да се исполни оваа година. Играчот од средниот ред на шведски Остерс, за кого во овој преоден рок се заинтересира и еден шпански клуб, верува дека, ако биде повикан, ќе ги исполни очекувањата на селекторот на младата репрезентација, Бобан Бабунски.
- Имам голема желба да играм за Македонија. Иако сум роден во Шведска, имам македонски пасош, бидејќи по потекло сум од битолскиот крај, од каде што е татко ми. Следам се што се случува во македонскиот фудбал, особено настапите на репрезентацијата. Се радувам на секоја победа, а тагувам на секој пораз на Македонија. Ми се допаѓа како игра Пандев - вели Недановски, кој игра за шведскиот второлигаш Остерс.
- Настапувам за Остерс, со кој договорот ми завршува во ноември. Претходно, имав подолга пауза бидејќи бев повреден. Инаку, играм со бројот "10", односно како полушпиц. Што се однесува до моите натамошни планови, најверојатно, ќе заминам од Остерс. Сакам да играм во некоја посилна лига. Може да се случи да се преселам во Шпанија, каде што мојот менаџер преговара со еден тамошен второлигаш - вели нашинецот од Шведска, Оливер Недановски

Najdobriot, hm, golman go postignuva svojot 100 gol

Ова пред неколку месеци беше ама интересна работа. А да, носи дрес со број 0I, како 10ка одпозади гледано, зошто одпозади игра, голман.

Како вест, Работнички е на праг на влез во Евро Лигата, а воедно и на праг на продажба на 4-5 свои играчи чив трансфер ќе се реализира после реваншот со Анортозис.

Изменето од pecok - 29.Јули.2011 во 23:04

Потврдено: Стекеленбург е нов голман на Рома



Холандскиот репрезентативен голман Мартен Стекеленбург постигна договор со екипата на Рома каде ќе остане до 2015 година.

28-годишниот голман откако ги договори личните услови со “волчицата”, успешно ги мина лекарските прегледи и потпиша четиригодишен договор.

„Горд сум што ќе бидам дел од Рома. Многу ми се допаѓа клубот. Немав време се уште да го посетам стадионот, но сум изненаден со тренинг капацитетите. Разговарав со тренерот Луис Енрике за неговите планови со клубот и можам да кажам дека имавме пријатен разговор“, изјави Стекеленбург.

Финализирањето на трансферот и официјалното претставување на Стекелнбург во дресот на Рома ќе се случи во понеделник