Фудбалерите на Ренова остварија минимална победа на домашен терен во првиот меч со Гленторан од С. Ирска во рамките од првото елиминациско коло од Лигата на Европа. На Националната Арена „Филип Втори“ во Скопје, Ренова славеше со 2:1 против полупрофесионалците од Белфаст, кои средбата ја завршија со 9 играчи на теренот, поради две исклучувања.
 
Ренова поведе во 14. минута, откако Јанчевски беше прецизен од белата точка. За стартот кој беше санкциониран со пенал, МекГоверн заработи и исклучување. Во финишот на првиот дел, по уфрлена топка од корнер во 45. минута Никсон успеа да погоди со глава и да го израмни реузлтатот на 1:1.
 
По одморот, Ренова и покрај предноста во однос на бројот на играчи  се до 87. минута на успеа да постигне гол за водство. Три минути пред истек на регуларниот дел од мечот Бајрами ги постави конечните Ренова - Гленторан 2:1. Непоредно пред последниот судиски свиреж, во 91. минута црвен картон доби уште еден гостински фудбалер, Морис.

Се очекува реваншот во Белфаст до донесе неизвесен и интересен дуел.

Тетекс останува прволигаш

Тетекс и следната сезона ќе се натпреварува во Првата фудбалска лига, реши Второстепената комисија при Фудбалската федерација на Македонија. На вчерашниот состанок на комисијата беше прифатена жалбата на тетовскиот клуб, откако пред една недела Одделението за лиценцирање при ФФМ одлучи да не му даде лиценца за настап на Тетекс, поради ненавремено плаќање на задолжителната котизација. Во меѓувреме, додека траеше рокот за жалба, Тетекс ги уплати потребните 12.000 евра, плус средства за жалбената постапка.
- Тетекс останува прволигаш. Средствата беа уплатени и нашата жалба беше прифатена. Сите детали ќе бидат познати уште викендов, а првата прозивка ќе се одржи в понеделник - изјави Стево Алампиоски, првиот човек на Тетекс

Шкендија - Металург 2:1
Мустафи (п) 6', Сали 84' - Стевановиќ 90'

Фудбалерите на Шкендија се победници на првото Супер куп финале во македонскиот фудбал, откако денеска на Националната арена "Филип Втори Македонски" во Скопје, пред околу 2.000 гледачи со 2:1 славеа против тимот на Металург. 

Актуелниот фудбалски шампион на Македонија, до триумф во првиот историски Супер Куп, кој според најавите би требало да прерасне во традиција, дојде благодарение на погодоците на Мустафи од пенал во 6. минута и убавиот погодок со полуножички на Сали во 84 .минута. За Металурзи почесниот погодок, и тоа од слободен удар од околу 20. метри беше дело на Стевановиќ.

Фудбалерите на Шкендија, во првиот дел беа поконкретни, на самиот старт од натпреварот дојдоа во водство, а веднаш потоа имаа можност да зголемат и на 2:0, но лоб ударот на Емини заврши над гредата од голот на Металурзите. Сепак, можност да го израмни резултатот пред одморот имаше Баже Илиоски кој го погоди само дирекот на противникот. Во вториот дел, монотоните случувања на теренот, пресврт добија во самиот финиш од мечот. Најпрво во 84. минута, по одлучниот центаршут на Цуцули, Сали веднаш на прва, ја испрати топката во мрежата на тимот од скопската наслеба Автокоманда, зголемувајќи на 2:0. Во продолжение Металург многу поконкретно тргна кон голот на шампионот. Најпрво Симоновски промаши сто отстотна шанса, откако сам излезе пред противничкиот голман, за во 90. минута Стевановиќ со евро гол од слободен удар да намали на 2:1. Во судиското продолжение поради офсајд беше поништен голот на Љамчевски, додека Илиоски непосредно пред последниот судиски свиреж во казнениот простор на тетовскиот тим се најде во дуел со голманот на Шкендија, контакт неспорно имаше, но делителот на правдата Мечкаворски остана нем.

Фер и коректните случувања на теренот, сепак не минаа без провокации од трибините. Навивачите на Шкендија, популарните "Балисти", ја исфиркаа македонската химна, а скандирањето на недоличните фрази најверојатно ќе предизвика многу работа за дисциплинските органи при националната фудбалска куќа.

На крајот пехарот во трајна сопственост и преоден пехар во рацете на фудбалерите на Шкендија беа доделени од страна на претседателот на ФФМ, Харалампие Хаџиристески.

ПМФЛ: МЕТАЛУРГ И НАПРЕДОК СО МАКСИМАЛЕН УЧИНОК

Работнички е хит на почетниот дел од фудбалската сезона

Последниот македонски фудбалски тим кој се уште игра и на европскиот фронт со 3-1 го совлада актуелниот шампион Шкендија на арената „Филип Втори“, во одличен натпревар кој за Романтичарите беше совршен тест во пресрет на големиот дуел со Лацио во четврток.

ИДНО 12. КОЛО (29.10.2011 - САБОТА) 14 Ч
ТЕТЕКС - МЕТАЛУРГ
ШКЕНДИЈА - ХОРИЗОНТ Т
ВАРДАР - 11 ОКТОМВРИ
БРЕГАЛНИЦА - РАБОТНИЧКИ
СИЛЕКС - НАПРЕДОК
ОХРИД - РЕНОВА

ИЛИЈА НЕСТОРОВСКИ НАЈНОВОТО ЗАСИЛУВАЊЕ НА ФК МЕТАЛУРГ.

Младинскиот репрезентативец Илија Несторовски (21) е најновото засилување за екипата на Металург.

После напорните преговори со екипата на Словачко, конечно е постигнат договор за отстапување на Несторовски во редовите на Металург и се очекува тој осетно да ја засили конкуренцијата во нападот.

Покрај Несторовски, нов член на Металург е и Србинот Нинослав Карапанџиќ, играч за врска, а од претходно потпис на договорите ставија Христијан Димовски и Филип Митревски, кои дојдоа од редовите на Охрид.

По првиот дел од подготовките, што се одвиваше во Негорски Бањи, екипата е во Скопје, во очекување на вториот дел, во Охрид.

Во меѓувреме, за утре (вторник) во 13 часот закажана е пријателска средба со екипата на Локомотива, на нивното игралиште во населбата Карпош 3.