Гвардиола во Катар од 2013. за 36.000.000 годишно

Пеп Гвардиола би можел да стане селектор на катарската фудбалска репрезентација од 2013 година за плата од 36 милиони евра годишно, пренесува "Марка". Според шпанскиот весник, тренерот на Барселона почнач да размислува за својата иднина и во својот најблизок круг пријатели сугерирал дека веќе има планови за следните неколку сезони.
По три сезони на клупата на Барса и десет освоени титули (три во Примера, две во Лигата на шампионите, два Суперкупа во Шпанија, едно Светско клупско првенство, еден европски Суперкуп и еден Куп на Шпанија), Гвардиола има намера да остане на "Камп Ноу" уште една сезона, колку што му останува од договорот и потоа да земе една сезона одмор.
По паузата, популарниот Пеп би можел да ја исполни желбата на Катарската фудбалска федерација и да ја продолжи тренерската кариера како селектор на таа земја. Тренерот на Барса од поодамна е желба на Шеикот Амад бин Калифа бин Амад ал Тани, кој веќе му понудил 36 милиони евра годишно на Шпанецот. Неговото ангажман би почнал од сезоната 2013/14.
Катар не е непозната земја за Гвардиола, кој одигра две сезони за тамошниот клуб Ал-Ахли (2003-2005) и за време на неговиот престој таму тој имаше добар однос со Катарската фудбалска федерација. Тоа доведе до поддршка на Барселона за кандидатурата на Катар за организација на СП 2022.

Дидие Дешамп стави точка на бројните шпекулации и потврди дека и следната сезона ќе биде тренер на фудбалерите на Олимпик Марсеј. Дешамп има договор со Олимпик за уште година дена и има намера истиот да го одработи до крај.

Францускиот стратег најчесто се споменуваше како наследник на Карло Анчелоти во Челзи, а претходно и како замена за Луиџи дел Нери во Јувентус, но "старата дама" во меѓувреме го доведе Антонио Конте

Интер одби 500.000 евра од Андерлехт за Трајковски

Ниту половина милион евра отштета не беа доволни белгискиот фудбалски гигант Андерлехт да го ангажира македонскиот суперталент Александар Трајковски (19). На неколку спортски портали осамна информацијата дека раководството на хрватскиот клуб Интер Запрешиќ ја одбило понудата, надевајќи се дека во најскоро време ќе пристигнат уште подобри понуди.
Цената на младинскиот репрезентативец рапидно расте на трансфер-берзата, откако пролетва имаше забележителни настапи во дресот на Интер и на македонската репрезентација до 21 година. За него јавноста разбра пред повеќе од една година, кога скаутите на Челзи го тестираа на пријателскиот меч со бразилско Ботафого, на кој Трајковски постигна погодок. Неодамна, и Динамо Загреб пројави интерес да го ангажира, но Трајковски изјави дека нема намера да ја продолжи кариерата во Хрватска

Поранешниот македонски селектор, Драган Канатларовски, го превзема кормилото на бугарскиот прволигаш Локомотив Пловдив. Канатларовски на тренерската позиција доаѓа на местото на Атанас Џамбазки.
 
Канатларовски извесен период беше без тренерски ангажман, а според бугарските медиуми популарниот Цапар со клубот од Пловдив потпишал договор на 1+1 година.

Канатларовски и претходно седеше на клупата на Локомотив и тоа во 2008 година, од каде замина во екипата на Раднички од Крагуевац.

Нов тренер на Порто е Витор Переира, кој потпиша двегодишен договор со шампионот на Португалија и освојувачот на Лига Европа. Переира на клупата на португалскиот шампион ќе го наследи Андреа Виљаш-Боаш кој го раскина договорот и во следните неколку дена ќе го превземе Челзи. 43-годишниот Переира и порано беше член на стручниот штаб на Порто и според зборовите на преседателот на клубот, Пинто да Коста неговото именување е логични и било планирано уште од поодамна. Переира во својата кариера уште беше тренер и на Еспињо и Санта Клара

Игњовски пред потпис за Вердер

Срп­ски­от младински репрезентативец со македонско потекло Александар Игњовски е многу блиску до трансфер во германскиот прволигаш Вердер, откако минатата се­зо­на ја помина како отстапен играч од ОФК Београд во Минхен 1860. Дваесетгодишниот иг­рач од средниот ред наскоро би требало да потпише четиригодишен договор со бун­дес­ли­га­шот, а неговиот ОФК Београд би добил отштета од милион евра.
- Ги поминав прегледите во Вердер од Бремен и сè беше во ред. За жал, не потпишав до­го­вор и очекувам преговорите да продолжат - напиша Игњовски на својот профил на Твитер.
Иа­ко настапуваше за младите репрезентации на нашиот северен сосед, Иг­њов­ски сè уште има можност да го избере македонскиот национален тим