Занимливости околу исхраната

Новите Јужно Корејски студии покажуваат дека јадењето ориз овозможува човечкиот организам да издржи физички напор и до 50% подолго отколку кога се јаде леб, а воедно е и  поефикасен во смалувањето на холестеролот.

Корејскиот институт за храна објави резултати од нивните неодамнешни истражувања за здравствените ефекти од корејската сортирана храна.

Истражувачите тестирале колку долго можат да вежбаат студентите откако ќе јадат ориз односно леб.

Тие кои јаделе ориз можеле да вежбаат во траење од 456 секунди (со грешка во маргината 58,3 секунди), во споредба со оние кои јаделе леб  311 секунди (со грешка во маргината 41,9 секунди).

Истражувачите истовремено  испитале и како оризот и лебот влијаат врз нивото на холестерол кај хрчаци кои имаат  хиперлипидемија.

После осум недели, групата која јадела ориз имала намалено ниво на  холестерол во крвта.Освен што ги намалиле мастите тие го зголемиле нивото на излачување жолчна киселина, која делува при разложувањето и варењето на мастите.

Мајоранот ја смирува нервозата

Мајоранот најчесто се употребува во кулинарството како зачин при подготвување печено месо (свинско и јагнешко), за разновидни сосови и, измешан со сок од лимон, како прилог на похуваните јадења, варените и пржени компири и мешунки. Помалку е познато дека овој зачин има и лековити својства - ги смирува грчевите во мускулите, цревата, стомачната нервоза, кашлањето, главоболката и го подобрува расположението.

Научниците открија нова форма на „ултра лош“ холестерол, кој го зголемува ризикот од болести на срцето и полесно се лепи за ѕидовите на артериите. Новиот тип холестерол воглавно може да се најде кај повозрасните лица и оние со дијабетес од типот два.

Ова истражување го спроведоа научниците од Универзитетот Ворвик во Велика Британија, проучувајќи различни форми на штетен холестерол или липопротеин со мала густина (ЛДЛ). Ултра лошата форма на холестерол, која научниците ја открија се вика МГмин-ЛДЛ и има слатки молекули кои се помали и погусти од оние нормалните ЛДЛ.

Изменетата форма на нормалните молекули на холестерол лесно се лепат за ѕидовите на артериите, со што се отвара патот за за лепење на опасни масни наслаги, односно за брзо собирање на крвните садови и потежок проток на крвта. На крај тие можат да пукнат што би предизвикало создавање на крвни згрутчувања, кои предизвикуваат срцев удар или мозочен удар.

Научниците ја создале човечка молекула МГмин-ЛДЛ во лабораторијата за да испитат како се однесува во допир со другите молекули во организмот. Тие додале екстра шеќерни група во ЛДЛ, со цел да добијат екстра леплива форма на холестерол. Ова истражување е објавено во списанието „Диабетес“, а работата на овие научници појаснува и зошто широко употребуваниот лек за дијабетичари метформин, изгледа го намалува ризикот од срцев удар.

Метформин е познат како лек кој го намалува нивото на шеќер во крвата, а може да ја блокира и трансформирацијата на нормалните ЛДЛ во оние кои се многу поопасни за здравјето и кои научнциите ја открија - МГмин-ЛДЛ.

-Многу сме среќни што гледаме дека нашето истражување доведе до подобро разбирање на овој тип на холестерол што би можело да ни помогне да ја отркиеме причината на срцевите удари кај дијабетичарите и повозрасните лица, изјави лидерот на истражувањето др. Наила Рабани.

Денес цвеклото се смета за најкорисен и најлековит зеленчук кој лесно се вари, во себе содржи огромен спектар на витамини и минерали, а исто така, извонредно е богато и со белковини и јаглехидрати.

Од витамините кои ги содржи, најприсутни се Б1, Б2, Ц, како и витаминот Б12, кој многу ретко се сретнува во билните плодови.

Црвената боја на цвеклото доаѓа од антоцијаните, кои придонесуваат за обновување на крвта, а исто така, докажано е дека овој зеленчук спаѓа во антиканцерогените плодови.

Дали навистина пченката и морковите се полни со шеќери? Треба ли да ги избегнуваме компирите, бар ако сакаме да ослабеме? Размислете уште еднаш и погледнете ги фактите за плодовите кои многумина ги избегнуваат.

Свежото и необработено овошје и зеленчук секако дека не може да ви наштети. Одредени озлогласени плодови всушност се полни со витамини, минерали, фитохемикалии, нудејќи различни бои и вкусови кои ќе го збогатат вашиот оброк.

1. Белиот компир дебелее...

Еден печен компир со средна големина содржи 160 калории и нуди 4 грама заситени масти. Освен тоа, оладениот варен компир содржи облик на скроб кој помага за губење на килограми.

Научниците знаат дека компирот е полн со различни витамини и фитохемикалии, а неговата лушпа е богата со ратителни влакна. Компирите се добри за срцето и телото во целина, бидејќи го зголемува имунитетот. Содржат и хемикалии кои го намалуваат крвниот притисок, а со лушпата од еден плод се задоволуваат 20 проценти од дневната потреба за калиум.

2. Морковите се преполни со шеќри...

Една шолја сецкани моркови содржи 52 калории и 12 грама јаглехидрави. Половина од јаглехидратите се од природни шеќери, па според тоа содржи помалку шеќери отколку една шолја млеко или отколку овошки од средна големина.

Не треба да се заборави дека шеќерот од морковите е пропратен со витамини, минерали и растителни влакна. Влакната и бета-каротените од морковот помагаат за стабилизирање на нивото на шеќер во крвта. Богати се и со фалкаринолом, фитохемиказија која штити од рак на цревата. Покрај тоа, морковите се и познати чувари на видот.

3. Целерот не е многу корисен...

Древните народи го користеле целерот при лечење на низа болести. Навидум неугледниот плод крие единствена комбинација на витамини, минерали и фитохемикалии кои штитат од разни болести.

Целерот го намалува крвниот притисок со тоа што ги опушта крвните садови. Апигенините, вид на фитохемикалии кои ги содржи, штитат од рак бидејќи ја спречуваат мутацијата на гените. Целерот содржи малку калории и доволно растителни влакна, па со тоа претставуваат идеален оброк за оние на диета.

4. Пченката содржи само јаглехидрати...

Секако дека пченката содржи јаглехидрати, но станува збор за најдобриот вид на јаглехидрати кои се висококвалитетни и комплексни. Од пченката, по индустриски пат, се прави пченкарен сируп, кој останува без хранливите состојки и влакната, па нуди многу фруктоза. Но, овој сируп нема никаква врска со пченката консумирана обарена или потпечена. Еден кочан пченка задоволува 15 проценти од дневната потреба за растителни влакна на организмот.

Пченката му помага и на срцето бидејќи содржи фолати и витамини од Б групата, кои ја прочистуваат крвта од штетните материи. Додека, пак, зеакстанинот и лутеинот кои ги содржи ги штитат очите и спречуваат настанување на дегенеративни процеси.

Празот е идеален пролетен продукт за чистење на организмот. Тој е одличен диуретик - го поттикнува излачувањето на мочта, им помага на пациентите со камен во бубрезите и со поголем процент на уреа во крвта. Етеричното масло од празот го поттикнува излачувањето на желудочните и на цревните сокови, а растителната слуз поволно дејствува врз органите за дишење. Поради ова второто, им се препорачува на болните од бронхитис и на болните кои имаат воспаление на дишните органи. Единствената мана му е големото количество целулоза, која ги дуе цревата