СКОПЈЕ 2014 или ЛУНА ПАРК '14

Не се негира дека на Скопје му треба „шминкање“. Градот се уште носи лузни од катастрофалниот земјотрес кој го зафати Скопје во 1963 година кој уништи повеќе од 80% од градот, загинаа повеќе од 1000 луѓе и остави повеќе од 200.000 луѓе на улица.

Но овој проект е повеќе од само подмладување на градот. „Овој проект повеќе се однесува на креирање на македонскиот идентитет- изјавува Ксавиер Пинхарт, генерален менаџер на „Фортон интернешнл“

Оттаму почнуваат контроверзиите. По распадот на Југославија, по Студената војна, Македонија останува заглавена во битката со името со соседите Грција. Постои дел од Грција кој се нарекува Македонија, а грчката Влада не сака македонската нација да го користи тоа име. Секој посетител на Скопје, град од околу 500.000 жители кој некогаш и припаѓаше на Југославија, може да ја почувствува вечната борбата за името на земјата.

Во прилог на конфликтот со името, Македонија се соочува и со внатрешен културен конфликт. Доколку би го посетиле Скопје пред околу една декада, би пронашле земја која е на работ на граѓанска војна помеѓу Православните Македонци и Муслиманското Албанско население. Исто како што македонската православна заедница гради цркви и го потврдува својот идентитет, етничките Албанци се зафатени со градење на нови џамии.

Една деценија Македонија се обидува да го вметне влијанието на хеленската култура. Скопскиот меѓународен аеродром сега е преименуван во Александар Велики. Единствениот хотел со четири ѕвездички во градот се вика Александар Палас. Археолозите копаат длабоко во темелите на градот за да најдат докази дека Александар бил Македонец.

Скопје 2014, како и голем дел од политиката за градење на нацијата е идеја и производ на популистот премиер Никола Груевски, кој бара реизбор во Јуни. Со опозициските социјалдемократи во неред, Груевски изгледа подготвен за победа.

Постои загриженост кај сопствениците на недвижности дека националистичките призвуци на проектот Скопје 2014 ќе ги избркаат странските инвеститори. Но, овие грижи може да се претенциозни. Во последно време, неколку нови, модерни згради се изградени, а има нови инвестиции во трговските центри и хотели.

Gazit-Globe Ltd, голема израелска компанија, гради трговски центар Г-Мол на 322.900 квадратни метри простор.Gazit, исто така, соопшти дека ја разгледува изградба на два деловни центри и еден хотел во Македонија.

Надевајќи се да ја пополни празнината , Marriott International Inc. го гради првиот хотел на Балканот во Скопје. Планира изградба на хотел со 180 соби во близина на историскиот Камени Мост. Marriott вели дека очекува отворање во 2013.

"Шопинг-центри и хотели се најверојатно најпогодна инвестиција во моментов во Македонија, бидејќи не постојат никакви центри или меѓународни хотели во Скопје", вели г-дин Pinchart“- пишува новинарот Вилијам Бостон за најновиот The Wall Street Journal.