Лацио граби кон Лигата на Шампионите

Фудбалерите на Лацио направија голем чекор кон освојување на четвртото место во Сеија А кое води во ЛШ. Со одличната игра во вториот дел тие ја совлада Џенова, која не беше премногу расположена за надигрување и така дојдоа до нови три бода.

Милан пред свои гледачи ја прослави титулата со огномет против Каљари, решавајќи го прашањето на победникот веќе по триесетина минути игра.

Лацио - Џенова 4:2 (1:1)
Биава 7', Роки 52', Ернанес 55', 66' - Паласио 12', Флорес 89'

Милан - Каљари 4:1 (3:1)
Робињо 22', 35', Гатузо 24', Седорф 77' - Косу 38'

Недела, 15. мај:
12.30ч Фиорентина - Болоња
15.00ч Чезена - Бреша
15.00ч Парма - Јувентус
15.00ч Бари - Лече
15.00ч Катанија - Рома
15.00ч Киево - Удинезе
15.00ч Сампдорија - Палермо.

Удинезе во Лигата на Шампионите, Лацио и Рома во Лигата на Европа

Фудбалерите на Бари на најдобар начин се простија од Серија А, откако со  0:4 ја совладаа Болоња. Палермо очигледно со мислите веќе беше насочен кон финалето од Купот на Италија, кое се игра следната недела, па загуби од Киево на свој терен, додека Интер беше сигурен против Катанија.

Џенова со 3:2 ја совлада Чезена во особено интересен меч, додека Бреша и Фиорентина односно Каљари и Парма ги поделија бодовите.

По ремито без голови на мечот со Милан, Удинезе обезбеди квалификации за Лигата на Шампионите, што беше и единственото отворено прашање на вечерашните мечеви од последното коло во Серија А. Бод му беше доволен на Удинезе, додека Лацио и покрај победата над Лече ќе мора да се задоволи со настап во Лигата на Европа. И покрај тоа играчите на Лацио славеа на теренот, а во тоа им се придружија и фудбалерите на Лече кои уште од претходно обезбедија опстанок во друштвото на најдобрите. Рома ја совлада Сампдорија која неславно се прости од Серија А, додека "волчицата" исто така оди во Лигата на Европа. Јувентус одигра само нерешено со Наполи, но поради победата на Рома секако повеќе не можеше да се избори за настап на европска сцена следната сезона.

Болоња - Бари 0:4 (0:1)
Грандолфо 28', 47', 54', Хусеклеп 78'

Палермо - Киево 1:3 (1:1)
Ночерино 15' - Пелисије 41', Констант 67', Пулцети 80'

Интер - Катанија 3:1 (1:0)
Пацини 15', 48', Нагатомо 63' - Ледезма 66'

Џенова - Чезена 3:2 (3:0)
Флорес 6', 17', Паласио 45' - Богдани 49'(пен), Хименез 86'

Бреша - Фиорентина 2:2 (1:1)
Едер 19', Акарди 88' - Варгас 2', Черчи 75'

Каљари - Парма 1:1 (0:1)
Флечер 54'(аг) - Божинов 34'

Лече - Лацио 2:4 (2:2)
Копола 33', Пјати 41' - Роки 6', Зарате 35', 54'(пен), Вивес 62'(аг)

Удинезе - Милан 0:0

Рома - Сампдорија 3:1 (1:1)
Тоти 30', Вучиниќ 70', Боријело 86' - Манини 26'

Јувентус - Наполи 2:2 (0:1)
Киелини 47', Матри 84' - Маџо 22', Лукарели 70'.

Роси сега меѓу Јувентус и Интер

На одличната партија на Роси на мечот со Естонија никој не можеше да остане рамнодушен, а посебно не челниците на Јувентус и Интер. Фактот што Барселона сеуште не постигнала договор со Роси, повторно во прв плас се исфрлија тимовите на Јувентус и Интер. По се изгледа Каталонците повеќе се заинтересирани да го доведат помладиот Санчез. Италијанските медиуми пренесуваат дека Интер е подготвен да понуди 20 милиони евра + Горан Пандев во замена за Роси. Масимо Морати имаше од поодамна пофални зборови за напаѓачот на Виљареал. "Тој е многу важен и интересен играч за Интер". На друга страна, повторен интерес има и Јувентус за услугите на напаѓачот на Виљареал. Новото засилување на Јувентус, Андреа Пирло би сакал Роси да биде негов соиграч. "Би било убаво Роси да игра заедно со мене во Јувентус, тоа играч од светска класа, кој секој клуб би го направил многу подобар" изјави иконата на италијанскиот фудбал

Монтела потпиша двегодишен договор со Катанија

Двегодишен договор со италијанскиот фудбалски клуб Катанија вчера потпиша 37-годишниот италијански тренер Винченцо Монтела.

Минатата сезона, 13-то пласираниот состав од Серија А,Монтела со договор го презеде од Аргентинецот Диего Симоне кој го предводеше тимот од јануари оваа година.

Монтела последните четири месеци ја водеше Рома во своето деби како тренер на сениорите. До тогаш, тој го водеше младиот тим на Рома.

Поголемиот дел од успешната играчка кариера како напаѓач Монтела ја помина во Рома, во чиј дрес се пензионираше во 2008 година.

Дејан Стојановиќ во Болоња

Младиот голман Дејан Стојановиќ по успешно минатите лекарски прегледи денеска потпиша договор со италијанска Болоња. За услугите на Стојановиќ, кој има неверојатна градба за неговата позиција -195 сантиметри и 92 килограми, интерес покажаа неколку италијански клуба како Парма, Интер, Болоња и Сампдорија како и германските бундеслигаши Волфзбург и Хановер, но самиот тој одличил дека Болоња е вистинското место да расте и напредува како играч. Стојановиќ се надева дека соработката со првиот чувар на мрежата на Болоња, Емилијано Вивијано ќе допринесе во голема мера тој да созрева како голман.

Стојановиќ измиантата сезона забележа 23 настапи за австрискиот Лустенау. Неодамна, по неколку повици за настап во националната селекција на Македонија за играчи до 21 година одлучи да го облече дресот со македонскиот грб, но информациите од австриските медиуми говорат дека Стојановиќ кога ќе ја заврши постапката за добивање австриски пасош сепак ќе се определи да застане меѓу стативите од голот на австриската селекција.

Палермо го продава Пасторе за 50 милиони евра

Претседателот на Палермо, Маурицио Ѕампарини, потврди дека во наредните десет дена ќе го продаде Хавиер Пасторе за сума од 50 милиони евра. Иднината на 22-годишниот Аргентинец е предмет на шпекулации подолго време, но Ѕампарини не открива во кој клуб ќе замине тој.
- Вчера имав разговори со голем европски клуб и ми рекоа дека ќе го купат Пасторе за сума меѓу 45 и 50 милиони евра. Од оваа гледна точка, се ќе биде готово за десет дена - изјави Ѕампарини

РОМА ПОРАЗЕНА ВО РИМ ОД КАЉАРИ