Македонската репрезентација

Македонија падна на најновата ФИФА ранг листа

Фудбалската репрезентација на Македонија на најновата ранг-листа на Светската фудбалска асоцијација - ФИФА, објавена денеска падна две места во однос на претходното рангирање и сега се наоѓа на 85. место со вкупно 398 бодови или два помалку од месец март.

Од противниците на Македонија во квалификациската група за ЕУРО 2012, Русија е најдобропласирана на 18.место, Словачка е 27-ма, Република Ирска е на 34.место, Ерменија е 62-ра, а Андора е на 202.место.

На првите десет позиции се наоѓаат: Шпанија, Холандија, Бразил, Германија, Аргентина, Англија, Уругвај, Португалија, Италија и Хрватска.

Следното рангирање ФИФА ќе го изврши на 18 мај.

Јонуз: Со брза игра до трите бода против Република Ирска

Селекторот на македонската фудбалска репрезентација, Мирсад Јонуз денеска го соопшти списокот на играчи за квалификацискиот дуел со селекцијата на Република Ирска што ќе се одигра на 4. јуни на Националната Арена "Филип Втори Македонски" со почеток во 21.30 часот.

На списокот на Јонуз се најдоа:

 

1. Нурединоски Един Етникос ахнас / Кипар
 
2. Богатинов Мартин Карпати / Украина
 
 
3. Грнчаров Бобан АПОЕЛ / Кипар
 
4. Мојсов Даниел Војводина / Србија
 
5. Новески Николче Мајнц 05 / Германија
 
6. Шиков Ванче Етникос ахнас / Кипар
 

7. Лазевски Александар Партизан / Србија
 
8. Шумуликоски Величе Новосибирск / Русија
 
9. Деспотовски Филип Интер Баку / Азербејџан
 
10. Попов Горан Динамо Киев / Украина
 
11. Демири Мухамед Тун / Швајцарија
 
12. Ѓуровски Марио Металург Доњецк / Украина
 
13. Фетаи Бајрам Лингби / Данска
 
14. Хасани Ферхан Шкендија / Тетово
 

15. Стојков Ацо Арау / Швајцарија
 
16. Тричковски Иван АПОЕЛ / Кипар
 
17. Наумоски Илчо Матерсбург / Австрија
 
18. Пандев Горан Интер / Италија
 

Пред средбата со Ирците селекторот Јонуз за официјалниот веб сајт на ФФМ изјави:

"Се наоѓаме на половина од квалификациите и на домашен терен ја пречекуваме репрезентација на Р. Ирска која мислам дека незаслужено не победи на натпреварот во Даблин. За овој натпревар подговотките ќе се одвиваат во Охрид. Направена е анализа на играта на Ирска во гости, која сосема се разликува од онаа на домашен терен. Анализирани се натпреварите против Ерменија (1:0) и Словачка (1:1). Самиот список на играчи за овој натпревар покажува дека нашата репрезентација е доста побрза и во таква игра и двете репрезентации ќе бараат три бода значајни за што подобар пласман во нашата група. Во таков случај играта што ќе ја креираме ќе биде доста брза со многу пас игра со што ќе се отвори доста простор како за нас така и за нив." - изјави Јонуз додавајќи:

"Затоа на списокот се ставени и двајца брзи напаѓачи (Стојков и Фетаи), инаку списокот за овој натпревар е изменет од тактички причини. Фокусот на нашата игра ќе биде освојување на просторот преку точна пас игра создавање на прилики за постигнување на гол, а во исто време очекувам мотив повеќе кај репрезентативците на првиот наш натпревар на новата Арена Филип Втори и огромна подршка од нашите верни навивачи кои се надевам ќе го наполнат стадионот до последно место."

"Единствен проблем за нас е тоа што на одредени играчи првенствата им се завршени и во договор со нив им дадов неколку слободни денови а потоа ќе се приклучат на тренинг со некоја домашна екипа се до прозивката за репрезентација. Последни на собирот ќе се приклучат Пандев, Попов и Деспотовски, кои сосвоите екипи играат финале на националниот куп во Италија, Украина односно Азербејџан. Доколку се случи некоја непредвидена повреда во периодот до прозивката, ќе биде повикан играч од младата репрезентација." - смета Јонуз.

Со офанзивна игра и тројца напаѓачи по голот на Ирците

Селекторот на македонската фудбалска репрезентација Мирсад Јонуз најави офанзивна игра против Ирска во квалификацискиот натпревар на 4 јуни во Скопје.
- Ирска е различен тим кога играш дома и на гости. Направивме конкретни анализи и мислам дека имаме вистинска тактика. Ќе играме офанзивно, со тројца напаѓачи бидејќи ни требаат голови -, изјави Јонуз на вчерашната прес конференција во Охрид, каде што националниот тим ќе се подготвува до петок.
По откажувањето на Фетаи, Јонуз нема да може да смета ниту на Ацо Стојков, кој ја повтори повредата на аддукторот
- Повредите се составен дел од фудбалот, но во нашиот состав имаме доволно добри играчи и не стравуваме од Ирците. Мислам и на младиот Стефан Ристевски и верувам дека можеме да го искористиме и неговиот квалитет- , додаде Јонуз.
Горан Попов е под надзор на лекарскиот тим но се очекува да настапи во сабота.
За дефанзивецот Ванчо Шиков ова е најважен натпревар во овој квалификациски циклус.
-Дуелот со Ирска е мног важен за нас. Немавме среќа во Даблин, но може да се каже дека немавме среќа и во целиот квалификациски циклус. Со победа се враќаме во живот и борба за првите три места во групата

Новиот стадион е дополнителна мотивација

Македонскиот репрезентативец Марио Ѓуровски жали што што останавме со празни раце на гостувањето во Даблин за првиот квалификациски дуел за ЕП 2012 против Ирска. Затоа, тој очекува на утрешниот дуел во Скопје да им се реваншираме на Ирците со иста мерка.
- Како и секогаш, јас размислувам само позитивно и навистина очекувам да победиме. Кога ќе се вратам наназад месец дена и ќе го погледнам дуелот во Ирска, сметам дека имавме големи шанси да земеме барем бод, можеби и сите три. Затоа, од утрешниот натпревар очекувам добра партија, доста навивачи, убава атмосфера и победа на Македонија - вели Марио Ѓуровски.
Утрешната средба со Ирска ќе биде прва за нашиот национален тим на новиот стадион "Филип Втори", што значи дека ќе се игра пред повеќе од 32.000 гледачи.
- Тоа е навистина голем мотив. Знам дека во нашиот тим има доста играчи, кои играле на големи стадиони, но, не има и нас што не сме играле често на вака добар и убав стадион, така да тоа ќе биде еден дополнителен мотив. Не ни преостанува ништо друго, освен да излеземе на теренот и да уживаме во фудбалот - додаде играчот од средниот ред на Металург Донецк.
Благоја Тодоровски, замената на Ацо Стојков, вчера и се приклучи на репрезентацијата, која се подготвува во Охрид веќе пет дена, а Горан Попов поради повреда се уште тренира со намален интензитет.
Последниот тренинг на "Билјанини извори" ќе се одржи денеска во 16 часот, а веднаш потоа фудбалската експедиција се враќа во Скопје, каде што утре (10ч.) ќе одржи тренинг на "Филип Втори". Ирската селекција требаше да пристигне синоќа, а за денеска има закажано тренинг во 18 часот. УЕФА го делегираше Германецот Флоријан Маер да ја дели правдата

Aj na fudbal...

Тоа пеналот требаше да се изведе уште еднаш затоа што Шумоликовски прерано втрча во шеснаесетник

http://img268.imageshack.us/img268/3061/penal1.jpg

А еве тука и еден Ирец му мафта на судијата да се преизведе пеналот:

http://img840.imageshack.us/img840/7294/penal2.jpg