Трпезарија

  Кој е вашиот тип на трпезарија? 


Трпезаријата е место за конзумирање на јадењето и дружење со семејството. Таа прави мост помеѓу веселата забрзаност во кујната и слаткото опуштање во дневната соба. Изборот на трпезарија зависи од вашиот вкус и стилот кој го преферирате, а кој е идеалниот стил за вас - откријте сами
МОДЕРНО НА СКАНДИНАВСКИ НАЧИН
Вие сте: за урбанофилите и модерните градски шминкери скандинавскиот стил е најдобар избор. Ако сте и еколошки освестени тогаш со право влегувате во тој одбран круг. Сакате се што е природно, но и естетски на високо ниво бидејќи вашите погледи на свет се глобално ориентирани.
Стил: органски облици на мебел, едноставни линии и природни материјали се она што најдобро го опишува овој тип на трпезарија. За сето ова да добие и доза на елеганција најдобро е да се користити малку црна боја во деталите како рамките на ѕидот или лустерот. Не се потребни никакви додатоци бидејќи во овој стил важи правилото "помалку е повеќе"!

КАНТРИ СТИЛ
Вие сте: авантурист кој во животот не се грижи многу за материјалните нешта и стандарди. Опуштениот пристап кон животот и поврзаноста со природата е она што го одредува просторот во кој живеете. Селскиот начин на живот во потполност ве задоволува и исполнува. Вие ги познавате вистинските вредности во животот!
Стил: Во дрвената колиба се наоѓа вашиот мебел од соништата. Штици на подот и дрвени греди наместо ѕидови се идеални за создавање на ваков стил. И расклатените столици како и лимените чинии или рачно изработени пешкири заедно со црвено-белиот кариран дезен, дополнително ќе го нагласат селскиот впечаток во просторијата.

ТРАДИЦИЈА ПРЕД СЕ
Вие сте: семејна личност која ја сака традицијата и своевидната класика во својот ентериер. Постојаната убавина за вас е нешто што ве исполнува со сигурност и сила, па таков е и мебелот кој ве опкружува. Сакате семејни дружења покрај масата и за вас трпезаријата е една од омилените простории.
Стил: Класичниот но вечен дизајн е она што ве привлекува. Дрвената маса е задолжителна бидејќи со неа одговара секој стил на столици. Елеганција без премногу блескавост е она што го карактеризира овој стил. Овој тип на трпезарија е наменет токму за тоа во него да се чувствувате сигурно и удобно, а почитта кон традицијата се чувствува во деталите. Одличен додаток се семејните фотографии.

или ова


или пак ..ова