Малолетни Македонки „принудно“ се мажат во Австралија

Голем број тинејџери, добиваат посебни визи за да се венчаат во Австралија. Само лани за деветмесечен престој биле одобрени 207 визи по повод венчавање, од нив 23 биле за девојки од Македонија, велат податоците на властите во Австралија.

Австралиските власти се загрижени поради сомнежот дека голем број од малолетните девојки се принудени од страна на нивните родители прерано да стапуваат во брак. 

Весникот „Телеграф“ пишува дека токму поради ова Сенатот на Австралија ќе отвори истрага поради сомневањата дека девојките се принудени на брак.

Сенаторката Хелен Крогер за австралиски „Телеграф“, вели дека е загрижена поради сомневањата дека малолетници се носат во земјавата за да стапат во принуден брак.

Освен Македонките, околу сто девојки биле од Либан, 12 од Турција, а останатите кои добиле посебни визи за да се венчаат се од Албанија, Ирак, Сирија, Виетнам и Кина.