Најубави хотели

Луксуз, комфор, релаксација... Овие модерни, штотуку отворени хотели ширум светот ги освоија срцата на светските туристи, кои за своите задоволства си дозволуваат да издвојат малку поголем буџет.

Edition Hotel - Истанбул, Турција

Во луксузниот хотел Edition Istanbul поставен е аквариум во лобито во должина на целиот ѕид, но тоа е само едно од неколкуте генијални дизајнерски решенија во овој објект кој има 78 соби и еден „Златен бар“, во кој вреди да се напиете некој скап пијалок.

Цената за двокреветна соба по ноќевање изнесува 344 долари.

Fierro – Буенос Аирес, Аргентина

Хотелот Fierro има 27 соби со одлична опрема, од LCD телевизори и специјално дизајнирани теписи, до купатила заради кои нема да сакате да се мрднете од хотелот и да одите на разгледување на градот.

Но, не се само собите во овој хотел прекрасни. Хотелот е познат по извонредната кујна, каде што главен готвач е самиот сопсвтеник на хотелот. Имено, станува збор за светски познатиот готвач Хернан Џипони, за кого се вели дека каде и да готви, тоа место е прогласено за место со најдобра кујна. Тој го отворил овој хотел кога се вратил во родниот Буенос Аирес. Со совршените јадења од кујната на Џипони, не го пропуштајте ни виното од хотелската винарска визба.

Одлична релаксација нуди базенот сместен на седмиот кат, кој исто така не смее да се пропушти.

Цената за двокреветна соба по ноќевање изнесува 170 долари.

Mondrian Soho – Њујорк, САД

Последното изградено творештво во центарот на Големото јаболко е штотуку отворениот хотел Mondrian Soho, чиј дизајнер, Бенџамин Нориеж Ортиз, бил инспириран од цртаниот филм на Дизни, „Убавицата и ѕверот“.

Оваа зграда има 270 соби со совршено убави врати и лустери. Секако, во скоро сите имиња на апартманите вклучени се зборовите „крал“ и „кралица“, што, покрај цената, доволно говори за совршенството.

Цената за двокреветна соба по ноќевање изнесува 389 долари.

Brown Hotel – Тел Авив, Израел

Минатата година во Израел постојано се зборуваше за хотелот Mamilla. Оваа година, пак, резервирана е за телавивскиот Brown Hotel, чија внатрешност ја краси црн мермер, кој библиотека со кожни каучи и неверојатен поглед на Средоземното море. Како што гласи самото име, во хотелот доминира кафената боја, созавајќи комфорна и интимна атмосфера. За сите „ловци“ на хотелски крпи - само два збора: египетски памук.

Цената за двокреветна соба по ноќевање изнесува 158 долари.

Leela Palace - Њу Делхи, Индија

Во дипломатскиот дел на градот изграден е модерен хотел со 260 соби. Од кога е отворен, во октомври минатата година, се вели дека станал број 1 во Индија, така што тука престојуваат индиски и светски политичари, најпознатите светски ѕвезди... Всушност, овој објект повеќе прилега на кралска палата, отколку на хотел.

Цената за двокреветна соба по ноќевање изнесува 550 долари.

Хотелот има само 19 соби, секоја со оригинален декор. А погледот на Тиренското море и фактот што хотелот е на неверојатна близина до Рим го прават навистина уникатен.

Уживајте во традиционална италијанска кујна во ресторанот “Cesar”, каде оброците ќе ви бидат спремени од зеленчуци, овошје или тревки од приватната градина на хотелот.

Искусете неверојатен третман во спа центарот на хотелот, по прошетка по медитераснкиот брег или многуте блиски историски места.