Коктели

Лошото расположение кое ни го носи есента, избришете го со освежителните и отмени коктели со вино.

Овие пијалаци ќе ви обезбедат совршен почеток за секоја забава, а сигурно и добро расположение.

Цвет од портокал

Потребно е: 20 мл кампари, 20 мл ликер од праска, 60 мл сок од портокал, пенливо вино

Подготовка: Измешајте ги сите состојки, освен пенливото вино, во шејкер или блендер со мраз, па процедете во чаша со една до две коцки мраз. Потоа додадете го пенливото вино и декорирајте со парче портокал.

Харлем блуз

Потребно е: 30 мл виски, 10 мл вермут, 40 мл сок од портокал, 10 мл сок од лимон, шампањ

Подготовка: Помешајте ги сите состојки, освен шампањот, во блендер со мраз и процедете во чаша. Потоа додадете го шампањот. Украсете со парче лимон.

Коктел со јаболка

Потребно е: 300 гр јаболка, 3 парчиња лимон, 2 лажици шеќер, 2 стапчиња цимет, 1л суво бело вино, 300 мл минерална вода

Подготовка: Излупете ги јаболката и исечете ги на тенки парчиња. Наредете ги во кружна чинија и прекријте ги со парчињата лимон. Посипете ги со шеќер, додадете цимет и истурете го виното. Оставете да отстои во фрижидер една ноќ, пред да го послужите додадете минерална вода.

Есенска берба

Потребно: 250 мл бело слатко вино, 250 мл сок од портокал, 250 мл сок од праска, 250 мл газирана минерална вода, коцки мраз

Подготовка: Измешајте ги сите состојки, освен виното, во шејкер и распределете во чаши на кои претходно сте им го протриле работ со лимонов сок и сте ставиле шеќер. Додате го и виното и коцки мраз.