Јунајтед го надигра Челзи, Барса броеше до пет

Манчестер Јунајтед и Барселона се изборија за предност во четвртфиналните битки од Лигата на шампионите, откако ги добија натпреварите со Челзи, односно со Шахтјор.

Потешко до победата и тоа минимална 1:0, стигнаа избраниците на Фергусон, кои благодарение на Вејн Руни по 9 години од „Стемфорд бриџ“ си заминаа со кренати глави.

Одлучувачкиот момент се случи во 24-та минута, иако во самиот финиш судијата Маленко не досуди пенал по кој „Сините“ ќе имаа шанса да ја анулираат негативата.

Затоа пак, се однапред беше јасно во мечот на Пиринеите. Барселона демонстрираше класа прегазувајќи го солидниот Шахтјор од Доњецк со 5:1.

Каталонците побрзаа со отворањето на резултатот, уште во 2-та минута реализираше Иниеста. За 2:0 мораа да почекаат до 34-та, овој пат стрелаше Алвеш.

По одморот Пике успеа да се запише во листата на стрелците зголемувајќи на 3:0, а по еден час игра конечно гол запишаа и Украинците. Погоди Ракитскиј.

Сепак, веќе во следниот напад, Кеита го совлада Пјатов поставувајќи го резултатот 4:1. А конечниот резултат го постави Чави на неколку минути пред крајот.

Синоќа  Манчестер  го победи  Челзи.......

Првото полувреме за Нојер, второто за Јунајтед

Шалке - Манчестер Јунајтед 0:2 (0:0)
Гигс 67', Руни 69'

Фудбалерите на Манчестер Јунајтед го направија веројатно одлучувачкиот чекор кон пласман во финалето од Лигата на Шампионите, откако првиот полуфинален меч во Гелзенкирхен против Шалке го добија со 0:2.

Чуварот на мрежата на германската екипа, Мануел Нојер правеше чуда во првите 45 минути, бидејќи својата мрежа ја сочува дури седум пати, од кои барем три топки "веќе беа видени" во голот. Сепак, неговите соиграчи не покажаа речиси ништо во првите 45 минути, а ништо поагилни не беа  ни во продолжението.

Од друга страна Манчестер од средината на второто полувреме конечно почна да ги користи своите бројни можности, па прво Гигс по одличното додавање од Руни го доведе Јунајтед во водство, за само две минути подоцна Ернандез да го пронајде Руни за уште еден погодок

 barca-    uaaaaaaaaa............tikvari kralski shutevi 

 aaaaaaaaa tuka ni kralot nemozhe da pomogne

Барселона и Манчестер повторно во финалето

Барселона и Манчестер јунајтед ќе се сретнат на 28 мај на "Вембли" во Лондон во финалето на Лигата на шампионите. Исто беше пред две години, кога со головите на Самуел Ето и Лео Меси, Барселона триумфираше во Рим. Прва во годинашното финале се пласираше Барса, која славеше со 2:0 кај Реал Мадрид, а на "Камп Ноу" одигра 1:1. Јунајтед, пак, двапати славеше во полуфиналето против Шалке (2:0, 5:1). Според историјата на двата тима и нивните меѓусебни дуели, тешко може да се избере јасен фаворит.
ПРЕТХОДНИ СРЕДБИ
Јунајтед и Барселона досега се сретнале десет пати, двата тима имаат по три победи, со четири нерешени. Ова ќе им биде втора пресметка во финалето на Лигата на шампионите, а во финалето на Купот на победниците на куповите во 1991 година, Алекс Фергусон го освои својот прв европски трофеј со Манчестер, совладувајќи ја токму Барса со 2:1. Херој за "црвените ѓаволи" беше поранешниот напаѓач на Барселона Марк Хјус, кој двапати го совлада голманот Карлос Бускетс, таткото на сегашниот дефанзивец Серхио. Засега, ниту еден тим не победил на два дуели во низа.
"ВЕМБЛИ"
Манчестер, нормално, е добро запознат со најпознатиот англиски стадион, каде што освоија девет трофеи во ФА купот, но "Вембли", исто така, и е останат во убаво сеќавање на Барса. Двата тима таму ги освоија своите први титули во Купот на европските шампиони: Јунајтед во 1968 година, кога славеше со 4:1 над Бенфика, а каталонскиот гигант во 1992 година, со победата од 1:0 над Сампдорија. Тренерот на Барса, Пеп Гвардиола, тогаш беше во стартните 11-мина.
ЕВРОПСКО ПЕДИГРЕ
Двата тима имаат по три титули и се надеваат дека годинава ќе се израмнат со Ајакс и Баерн Минхен, кои имаат по четири. Само Ливерпул, Милан и Реал Мадрид имаат повеќе трофеи во ЛШ. Јунајтед имаше 100% учинок пред финалето во 2009 година, совладувајќи ги Бенфика (1968), Баерн (1999) и Челзи (2008). Барса, пак, има три победи на шест средби. Победи против Сампдорија (1992), Арсенал (2006) и Манчестер (2009) и загуби од Бенфика (1961), Стеауа (1986) и Милан (1994).
ФЕРГУСОН ПРОТИВ ГВАРДИОЛА
Пеп Гвардиола имаше само седум години, кога 36-годишниот Алекс Фергусон го имаше својот прв настап во европските купови како тренер на Абердин во 1978/79. Она што следуваше во кариерите на двајцата е добро документирано, а ако неговиот тим победи на "Вембли", тоа ќе биде трета титула за Шкотланѓанецот, со што ќе се изрмани со својот сонародник Боб Пејсли. Гвардиола, пак, е еден од само шестемина кои имаат триумф во Лигата на шампионите како играч и тренер. Останатите се Мигел Муњос, Џовани Трапатони, Јохан Кројф, Карло Анчелоти и Франк Рајкард.
АНГЛО-ШПАНСКИ ФИНАЛИЊА
Досега имало 15 финалиња во натпреварувањата на УЕФА помеѓу шпански и англиски тимови и Англија има осум победи, една повеќе од Шпанија. Тотенхем ја почна серијата со победа од 5:1 над Атлетико Мадрид во 1963 година во КПК. Англичаните победија на шест од првите осум финални пресметки, вклучувајќи го триумфот на Ливерпул над Реал Мадрид во КЕШ во 1981 година. "Црвените", исто така, славеа во драматичното финале на Купот на УЕФА против Алавес со 5:4 дваесет години подоцна. Затоа, пак, Шпанците беа подобри на последните неколку дуели.

р: Раул се простува како најдобар стрелец

Реваншот од полуфиналето против Манчестер јунајтед, веројатно, беше последен натпревар во Лигата на шампионите за шпанската легенда Раул Гонзалес. Напаѓачот на Шалке застана на 142 натпревари и 72 гола, што го прави најдобар стрелец во историјата на елитното европско клупско натпреварување. Покрај тоа, тој има три трофеи, освоени во дресот на Реал Мадрид.

н: Фергусон ќе бара совети од Мурињо

Алекс Фергусон, тренерот на Манчестер јунајтед, најави дека ќе зборува со својот колега од Реал Мадрид, Жозе Мурињо, за неговата анализа на Лео Меси и останатите играчи на Пеп Гвардиола.
- Ќе ги земеме тие информации, бидејќи Жозе може многу да помогне. А, и ние, како да не сме ги виделе претходно. Само сезонава ги гледавме многу пати - изјави Фергусон по триумфот над Шалке.

Фергусон: Тешко ќе биде да го изберам составот за Барселона

Шкотскиот фудбалски стратег додаде дека неговата потешка задача е да ги одбере играчите кои ќе останат надвор од теренит за оваа сабота, односно оние кои нема да истрчаат на Вембли во финалето.

„Не е лесно да се избере еден состав, особено не за големо финале, бидејќи треба да се усогласат и човечките вредности.“

„Сите играчи напорно работеа за тимот во текот на целата сезона. За жал, постои само еден човек кој треба да им каже дали спаѓаат во екипата или не, а тоа сум јас.“

„Имам многу тешка задача пред мене, но истата треба да биде завршена затоа што сакаме да победиме на овој натпревар. Сите го знаат тоа.“ - изјави Фергусон.