Кари-компир
Потребно:
800 г компир
6 лажици масло
2 лажици кари во прав
2 жолти пиперки
2 зелени пиперки
2 главици кромид
сол и бибер
2 лажици сечкан лупен бадем
малку вода
250 мл јогурт
2 лажици сечкан магдонос


Подготовка:
Измијте го компирот па варете го во солена вода околу 15 - 20 минути, па потоа излупете го. Кромидот исечкајте го на тенки листови, а пиперката на помали коцки.
Загрејте 3 лажици масло во поголема тава па пропржете го компирот. Додадете кари и сол, па кратко продинстајте се заедно. Извадете го компирот, а тавата избришете ја.
Загрејте го преостанато масло и продинстајте ги коцките пиперка. Додадете го кромидот и динстајте се заедно. Потоа додадете ги бадемите и биберот, налијте со вода и динстајте уште 10 - 15 минути.Додадете го јогуртот и компирот во мешавината од пиперки и загрејте го. Посипете го кари-компирот со сечкан магдонос и послужете.

пробајте ....

СОЛЕНА ТОРТА ОД КОМПИР

            Потребно: 1,2 кг. компир, 100 гр. путер, 100 гр. шунка, сол и црн пипер

            Излупете го компирот и исечете го на тенки тркалца. Со путер добро намачкајте ја тавата, наредете ги тркалцата компири на дното од тавата, потоа преку првиот ред наредете го вториот, но компирот ставајте го во спротивен правец. Кога дното сте го покриле со компири, посолете, ставете парченца путер и шунка насечена на коцки. Потоа наредете друг ред компири и така продолжете додека не го потрошите материјалот, но да завршите со парченца путер.

            Покријте ја тавата со алуминиумска фолија, ставете ја во рерна загреана на 180 степени да се пече околу 40 минути.

Kомпири со џигер

250 телешки или јунешки дроб, главица кромид, црн пипер, едно јајце, млеко, маст, сол. Излупете ги компирите, измијте ги, обарете ги и внимавајте да не се преварат. Извадете ги, исечете ги на половина и со лажичка издлабете ги. Извадената средина изгмечете ја со вилушка или пропасирајте ја. Дробот измијте го и сомлете го на машина за месо. Кромидот исечкајте го ситно и испржете го, додајте го мелениот дроб и иситнетиот компир пропржете го малку а потоа ставете црн пипер, сол и ставете го јајцето. Се убаво измешајте и полнете ги вдлабнатините на компирите, наредете ги во подмачкана тава, налејте го со млеко и така компирите ќе бидат облеани и попрскајте ги со растопена маст. Печете ги во рерна се додека да се вцрват.

Изменето од Valerija - 15.Февруари.2014 во 16:13

Компир-хармоника

Потребно:

* 4 компири, приближно со иста големина
* 50 г сланина
* масло
* зачинал

Приготвување: сварете ги компирите во солена вода (не сосема) и оставете ги да се изладат. Излупете ги и засечете ги на тркалца, но не докрај. Во секој засек ставете малку зачинал и мало парче сланина. Така подготвени, ставете ги компирите во намастено тавче еден до друг за да не се расцветаат, па печете ги во загреана рерна на 200 степени додека не се вцрват.

Полнети компири со кашкавал и печурки

СОСТОЈКИ
• 8 компири со иста голе­мина
• 200 гр шампи­њони или вргањ
• 100 гр кашка­вал (еда­мер или друг пого­ден за топење)
• 1 гла­вица кро­мид
• маг­до­нос, лук, сол, бибер
• беша­мел сос

ПРИГОТВУВАЊЕ
Излу­пете ги компи­рите и ста­вете ги да се варат. Кога ќе бидат малку омек­нати (дово­лно за да можете да ги издла­бите), исе­чете ги на поло­ви­нина и на сре­дина издла­бете ги со лажица.

Во меѓу­време, исец­кајте и издин­стајте го кро­ми­дот, сѐ додека не добие златно-кафена боја. Потоа, дода­дете ги исец­ка­ните печурки.

Посебно напра­вете беша­мел сос со мар­га­рин, бра­шно и млеко, или можете да ста­вите само хопла за готвење. Дури е уште топол беша­ме­лот, дода­дете ги сите состојки. Со сме­сата напо­лнете ги компи­рите, зачи­нете по ваш вкус и ста­вете ги да се печат во огно­от­по­рен сад.

Печете 20 минути, дури не доби­јат зла­те­ста боја.

Печени компири со зачини

Порции

4 лица

Состојки

800 гр. компири
2 лажици маслиново масло
5 лажици сецкан свеж магдонос
2 лажици копар, ситно сецкан

Прелив

1 лажица вински оцет
2 лажички мед
2 лажички сенф
50 мл. маслоново масло

Подготовка

Загрејте ја рерната на 220 степени. Излупете ги компирите и исечете ги на крупни парчиња. Во еден длабок сад измешајте ги компирите со масло и зачинете со сол и бибер. Префрлете ги во плех и печете ги 35-40 минути додека да добијат светло кафеава боја. Повремено промешајте ги и превртете ги во плехот.

Потоа извадете ги од рерна и оставете ги 20 минути да се изладат. Во меѓувреме подгответе го преливот. 

Во еден сад измешајте оцет, мед, сенф и масло. Зачинете со сол и бибер и добро промешајте ја смесата. Можете да употребите и блендер. 

Ставете ги компирите во длабок сад и измешајте ги со магдонос и копар. Одозгора додадете го преливот од мед и сенф. Послужете ги веднаш. На здравје!

Печен млад компир

Состојки

• 1 кг млади компири
• 50 гр сусам
• по желба кари или куркума
• по желба чили
• ладно цедено сончогледово или сусамово масло
• малку копар
• зачин по желба
• сол по вкус

Подготовка

Убаво измијте ги младите компири не лупете ги, пресечете ги на половина и наредете ги во плех. Залијте ги со малку вода. Врз нив полијте малку од маслото, наросете ги со чили, куркума, копар, сол, зачин и на крај сусам. Ставете ги да се печат во загрена рерна околу еден час. Послужете ги со некаков сос, сирење или како прилог.

• 
•