Девојките бираат до 25 год?

Младоста е периодот кога се забавуваме, грешиме, мислиме дека сме најпаметни. Созреваме полека, учејќи од грешките и речиси секогаш на ум ни се момчињa. Но, не мора сите лекции да ги почуствуваме на сопствената кожа, постојат неколку универзални вистини, кои едноставно мора да се прифатат како такви. 

Девојките кои ги поминаа дваесетите години од својот живот ве советуваат...

Забавувајте се со згодните, но не ги игнорирајте фините момци. Дур се забавувате, со едното око внимавајте да не се појави некое фино момче, на крајот од денот ќе сакате со него да го поминувате времето (кога „фраерот“ ќе го снема).

Однесувај се како да имаш дечко. Кога нема – нема, ама кога има – преку глава ми се. Колку пати сте го помислиле ова? Или само што почнете врска, неколку симпатии ве бараат за излегување? Размислете, кога сте сами (и во потрага) постојано има некаков притисок во односите со момчињата (колку пати ги мозгате зборовите и постапките?), а кога веќе имате врска и не сте во потрага по момче сте покул и се однесувате природно. Воздржаноста и природноста ќе ги привлече момчињата, а не „прогонувањето“.

НИКОГАШ, ама баш никогаш не смееш да ти биде страв да раскинеш само затоа што мислиш дека нема да најдеш подобар! Подобро има и ти заслужуваш да бидеш со некој што ќе те прави среќна.

Дечко и најдобар другар. Успешните љубовни врски се најчесто оние каде покрај љубовта и страста, партнерите се и најдобри другари. Станува збор за врска која е на поинакво ниво, партнерите се забавуваат заедно, има голема почит и разбирање и можат да бидат најприроди (како што сте пред другарките).

Дали има сестра или не. Искуството им покажало на некои девојки дека дечковците се однесувале подобро доколку имаат сестра, особено ако таа е 1-2 години постара од нив.

Фокусирај се на себе, да станеш поинтересна личност. Никој не сака да биде со личност што нема никакви интереси, нема хоби и нема активности што ги сака и ги прави сама, без  да го малтретира партнерот. Во ред е да се прават работи заедно, но на индивидуалните активности гледај како на твое посебно време и сигурно ќе се чуствуваш посреќна

Прифати и продолжи понатаму! Момчињата во 20тите колку и да се прикажуваат како созреани (секоја чест на исклучоците!) се плашат од отворен и искрен разговор и конфронтации. Доколку го нема определен период, помири се дека е завршено и не си ја мачи главата со анализи, само продолжи понатаму.

„Не знам“, „Пааа.. можеби“, „Што знам, ај ќе се договориме“ …. а ВИЕ предлагате средба?Планирајте нешто друго одма, нема зошто да го оставите вашиот календар отворен во случај ако на типот не му се појави поинтересен план.

Научете билјард, или следете фудбал… или правете друга активност што се смета за главно машка активност (а и не морате!). Машките сакаат девојки со кои можат да ги прават работите кои обично ги прават со своите другари.

Немој да се замараш (или преправај се дека не се замараш)!

Биди храбра, покани ти момче да излезете. Ако прифати – супер, ако не – ќе преживееш.

Запознај се себе си, сакај се себе си, знај што ти треба од врската. Кога си среќен сам со себе и кога знаеш што сакаш, ќе можеш да бидеш среќен и со друг човек.