Чанти

Чантите и чевлите на политичарките

Ако чантите и чевлите се омилените модни парчиња речиси на секоја же­на, тогаш зошто да не бидат и на македонските политичарки. По три де­на поминати во Собранието, откривме дека на пратеничките, сепак, нај­у­ба­во им одат женските муабети врзани за модата и за стилот. Една сака брен­ди­ра­ни чанти, на друга најважно и е торбата да и собере се, третата ре­ши­ла никогаш да не се симне од високи потпетици... Ако политичките ста­во­ви ги раздвојуваат, она што ги спојува дамите од Собранието се, де­фи­ни­тив­но, најдобрите пријатели на жената - убавите чанти и чевли 

КАТЕРИНА ДИМЕСКА (ВМРО-ДПМНЕ)
Не давам многу пари за чанти

На пратеничката Катерина Димеска од ВМРОДПМНЕ, чантите не и се фетиш. Таа повеќе внимание $ посветува на убавата гардероба.
"Сме­там дека чантата не е толку важна за една жена. Многу по­важ­но е таа да биде соодветно облечена, да има на себе некој моден детаљ, како ма­ра­ма, брош, бисерни обетки или бисерно синџирче. Гардеробата мора да би­де соодветна за работата која ја работиме ние политичарите, и да дава впе­ча­ток на сериозност. Ние сме, сепак, презентери на граѓаните", ни рече Ди­ме­ска.
Димеска вели дека најчесто купува чанти кои и се функционални. Додава оти не носи многу скапи брендирани чанти туку ги ку­пу­ва според нејзините финансиски можности.
"Не давам многу пари за чанти. Си купувам најчесто од 'Мона', но имам и чан­ти кои ми се допаднале од излогот, а не се никаков бренд. Имам само ед­на чанта од познатиот бренд 'Гучи', која си ја купив од Турција, во бор­до боја. Едно време барав и такви чевли, но сфатив дека не мора чантата да ја комбинирам со чевлите", ни открива Димеска.
Ко­га сме кај чевлите, за пратеничката Димеска обувките на висок пот­пе­ти­ци и не се некој избор за во Собрание. Бидејќи секој ден патува од При­леп за Скопје, мора да облече нешто што ќе $ биде комотно, а нај­чес­то тоа се рамни чевли или на малку поткренати потпетици.
"Чев­ли­те мора да имаат добар пад, за да се чувствува удобно. Ги купувам од тука, од 'Пеко' и од 'Баргала'", вели таа. 

ЦВЕТАНКА ИВАНОВА ( СДСМ)
Високи потпетици носам само на примеи

За пратеничката на СДСМ Цветанка Иванова не може а да не се за­бе­ле­жи дека кога доаѓа во Собранието, навистина е дотерана од глава до петици. Таа ни откри дека обожава убави чанти. Но потенцира дека не и се фе­тиш туку ги сака од практични причини.
"Мо­ја­та чанта секогаш мора да има преграда плус, за да можам во неа да ста­вам буквално сè што сум наумила да понесам. Искрено да ти кажам, сме­там дека, на некој начин, убавата чанта како моден детаљ, ја дава сли­ка­та за жената, но, сепак, мене ми е најважно да може да ми го собере то­ва­рот кој го носам", ни открива Цветанка.
Ве­ли дека пред да стане пратеничка, одамна, си купила една чанта од поз­на­ти­от бренд "Прада", но сега веќе не ја носи затоа што $ поминала мо­да­та. Освен што купува чанти од тука, вели дека кога оди на патување, ако има слободно време, си купува и од странство.
И чевлите $ се омилени, ни открива пратеничката. Особено порано, пред да заплови во политичките води, кога носела, како што вели, "убави брен­ди­ра­ни штиклици".
"Се­га веќе не толку. Јас сум по цел ден на нозе во Собрание, па не можам да носам на многу високи потпетици. Не носам рамни, значи чевли со не­ко­ја пристојна висина. Кога има некои посебни пригоди - приеми, све­че­нос­ти, се разбира, дека тогаш носам на повисока потпетица, сепак, така из­гле­да поелегантно. Инаку, чевлите ги купувам од тука, од "Адамс шус" и од "Пе­ко", ни открива Иванова. 

ФЛОРА КАДРИУ (пратеничка од Нова демократија) 
Ништо не и фали ни на имитацијата "луј ви­тон"

Пра­те­нич­ка­та Флора Кадриу од Нова демократија важи за една од дамите со стил во Собранието. Таа е директна, па вели: "Мислам дека на секоја жена чан­ти­те и чевлите $ се фетиш. Па така и мене. А стилот се темели токму на тоа. Чантите и чевлите се неизбежни парчиња кои секоја жена ги са­ка". Ни открива дека најчесто чантите ги купува од странство, затоа што са­мо така може да има уникатно парче, а да го нема некој друг. "Иако не­мам комплекс и да видам некој што носи иста чанта како мојата, ама, се­пак, задоволството на една жена е да има нешто што нема некоја друга", ис­кре­на е Кадриу. Ни откри дека во нејзиниот плакар има по некоја брен­ди­ра­на чанта, но тоа не значи дека таа е подобра од некоја што не е брен­ди­ра­на или поевтина. "Пред четири години од Рим си купив чанта од 'Гу­чи', ама па затоа од Турција си купив фалсификат 'луј витон' и 'роко ба­ро­ко', и токму тие две имитации ги износив повеќе од таа оригиналната. Имам и една од Бали на 'Гес', ама онаа на 'Манго' што ја ку­пив од Малезија, ја износив повеќе од која било друга. Брендираните чанти не се фун­кци­о­нал­ни, а јас сум си задоволна кога носам и најобична чанта во која ќе ста­вам сè", вели Кадриу.
Не можевме да не забележиме дека Кадриу најчесто е на високи пот­пе­ти­ци, за кои вели дека иако ги комбинира со чантата, знае да си даде слобода, па да избега од правилото каква чанта такви чевли. Кога сака да си купи пос­ка­пи чевли, тоа го прави во Турција каде што ја има продавницата "Де­ри­мод". Од Скопје си купува од "Шевињон" и од "Полини" .

РАДМИЛА ШЕЌЕРИНСКА (СДСМ)
Не носи чанти со лого што се гледа

За пратеничката од СДСМ Радмила Шеќеринска не е тајна дека е љу­би­тел на убави и скапи чанти. Таа е една од ретките кај нас што на рамо го има ставено "лансел". Нејзините блиски ни велат дека таа не купувала мно­гу чанти, ама оние што ги купувала, биле и убави и квалитетни, па ги но­се­ла дури по десетина години. Во Собранието, неодамна, на свечената сед­ни­ца ја забележавме со исклучително убава чанта од брендот "Етро", кој важи за еден од поскапите, но како што ни кажаа, пратеничката си ја ку­пи­ла на голем попуст. За неа велат дека не е од типот на жени што но­сат "Луј Витон". Никогаш не носела чанти на кои им се гледа логото. Но на оние што се разбираат, нема да им избега од вид дека таа носи навистина ска­по парче. Дознавме и дека таа чантите ги купува од аеродром, до­де­ка чека меѓу летови, а најскапата чанта $ е од Киргистан. Во Скопје чес­то може да ја видите пратеничката како се подновува со чанта во "Ма­ре­ла" или во "Фурла".
Што се однесува до чевлите, во последниве години Радмила е исклучително на ви­со­ки потпетици. Ретко може да ја забележите во чизми, зашто не $ се оми­ле­ни. Дознавме дека комбинацијата чанта - чевли кај Радмила е рас­пар, таа со чантата секогаш сака да ја разбие монотонијата на ком­би­на­ци­ја­та, па речиси никогаш не ја комбинира со чевлите. Не ретко пра­те­нич­ка­та може да се забележи во "Балдинини" на шопинг на чевли.

ЦЕНА МАТЕВСКА (ВМРО-ДПМНЕ) 
Немам брендирани парчиња

Пра­те­нич­ка­та од таборот на ВМРО-ДПМНЕ Цена Матевска скромно вели дека са­ка убави чанти, ама да не се скапи. Дома немала ниту една брендирана чан­та, а оние што ги купува се од продавниците во Скопје, Крушево и во Би­то­ла. "Си го купувам она што ќе ми се допадне и онолку колку што ми доз­во­лу­ва џебот. Обично моите чанти се еднобојни и со нормални цени", ни от­кри­ва Матевска. И чевлите кои ги носи, претежно ги купува од Ма­ке­до­ни­ја, најчесто од "Бијана шус". Вели дека многу внимава да но­си каква чанта такви чевли. "Гледам така да се искомбинирам, црна чан­та, црни чевли, кафена чанта, кафени чевли. Кога патувам во странство, мно­гу ретко ми се случило да си купам нешто од таму", ни рече пра­те­нич­ка­та од ВМРО-ДПМНЕ. 

ЛИЛЈАНА ПОПОВСКА (ДОМ)
Чанти од Аеродром

Лил­ја­на Поповска, пратеничката на ДОМ, вели дека нема никаков фетиш, па ниту чантите и чевлите. Иако, додава таа, сака да носи убава чанта ко­ја, во исто време, ќе $ биде и практична.
"Ку­пу­вам чанти од тука, и тоа претежно од 'Мона', но најчесто чантите ми се од странство, и тоа кога сум на Аеродром. Не сум купила досега некој поз­нат бренд, а оние кои ги имам, гледам да ми бидат практични да можам сè да ставам во нив, знаеш како е со женските чанти, пак никогаш не мо­же сè да се собере во нив", ни рече Поповска.
И за чевлите вели дека сака да $ бидат функционални. Иако порано но­се­ла исклучително чевли на многу високи потпетици, сега веќе ретко, ос­вен за некоја пригода, може да ја видите со такви обувки.
"Ко­га си на високи потпетици, тогаш телото не е во природна положба, а јас цел ден сум надвор, и не би можела да издржам. Чевлите ги купувам од тука, ги комбинирам со чантата, и не ми е важно дали се бренд. Не ве­ру­вам во тоа дека оваа или онаа чанта е подобра од другата само затоа што е бренд. Квалитетот значи и висока цена, но не знам дали вреди да се да­де за чанта толку многу пари", вели Поповска. 

СИЛВАНА БОНЕВА (ВМРО-ДПМНЕ) 
Чантата мора да ми собере сè

Сил­ва­на Бонева од ВМРО-ДПМНЕ ни открива дека иако сака убави чанти, за неа не е пресудна убавината. Кога избира чанта, внимава да $ биде практична за да може во неа да ги стави сите материјали, несесерот со козметиката, те­ле­фо­нот..."Ги купувам од тука, од 'Мона', но кога сум во странство, се слу­чу­ва, ако имам време, да си купам некоја и од таму, и тоа претежно на ае­род­ром, меѓу летови. Но немам некоја чанта од познат дизајнер", вели Бо­не­ва.
И чевлите кои ги носи, вели дека не $ се со највисока потпетица туку малку пот­кре­на­ти. Ги комбинира најчесто со чантата, но кога ги купува, гледа да $ бидат, пред сè, комотни за да може цел ден да издржи во нив.
И за нив вели дека, освен оние од "Бата" и од "Пеко", нема купено од некој поз­нат и скап бренд. 

ВЕСНА БЕНДЕВСКА (СДСМ)
Прескокнете ме, јас сум конзервативна

Пра­те­нич­ка­та Весна Бендевска не беше расположена да разговара со нас. Ни рече дека таа не била за весели теми, и ако може да ја прескокнеме. "Јас сум конзервативна личност, не сум за муабети за чанти и чевли", ре­че Бендевска.
Кон­зер­ва­тив­на­та Бендевска дента носеше црвена чанта, а следниот дена ко­га бевме повторно во Собранието носеше кусо здолниште над ко­ле­на и чевли на високи потпетици во виолетова боја.