NBA

Со натпреварот што доцна вечерва ќе се одигра во „Стејпл центарот“ во Лос Анџелес стартува финалната серија во НБА плеј-офот каде ќе се судрат последните два шампиони актуелниот Лос Анџелес Лејкерс и првакот од 2008 година Бостон Селтикс.

Ова ќе биде 12-то финале во кое играат  двата најуспешни тима во историјата на НБА лигата. Досега Бостон има 17 титули, а ЛА Лејкерс 15.

Во досегашните 11 финални пресметки Бостон има скор 9-2 со тоа што ја доби и последната пресметка во финалето од 2008 година со 4:2 во победи. Бројот на вкупно одиграните финални натпревари на двете екипи меѓусебе е 67.

Предноста серијата пред своите навивачи да ја отвори ја има шампионот ЛА Лејкерс и таа ќе се одигра во форматот 2–3–2, што значи дека по првите два дуела во Лос Анџелес, следуваат три во Бостон (ако е потребно) за потоа евентуално шампионот да биде решен со нови два натпревара повторно на теренот на Лос Анџелес Лејкерс.

Синоќа бранителите на шампионскиот прстен, Лејкерси, во својата сала победија со убедливи 89:67 и така ја изедначија серијата на 2-3.

Ова ќе биде 17-ти пат во историјата на најелитното кошаркарско натпреварување во светот тимовите да играат седми натпревар во финалето, а последни кои серијата ја доведоа до самиот крај беа играчите на Сан Антонио и Детроит пред пет години, кога Спарсите од сето тоа излегоа како победници.

Во претходните 11 финалиња Лејкерси и Селтикси четири пати за победникот одлучувале во седмиот натпревар, а интересно е тоа што во сите четири наврати Бостон бил подобар.

Фил Џексон, тренерот на Лејкерси пак, никогаш во кариерата не седел на клупата за време на седми натпревар. Десет пати бил шампиопн, но секој пат неговиот тим работата ја завршувал пред потполната кулминација.
 
Никаква драма немаше околу тоа дали, или не, ќе се игра седмиот натпревар бидејќи Лејкерси веќе во текот на втората четвртина имаа дваесет поени предност, а во продолжението дополнително ја подигнаа предноста против противникот кој очигледно многу брзо ја архивираше шестата и потполно се насочи кон седмата средба.

Клучот на победата кај Лејкерси лежеше во одличната одбрана кои ја обавуваа во текот на целиот дуел, па така Бостон од игра гаѓаше слаби 33 проценти, а за три поени 21 процент. Домаќинот потполно доминираше и во скокот (52-39), и секој параметар замина на страната на тимот на Џексон.

По Гасол беше првото име на победникот со 17 поени, 13 скокови и дури девет асистенции, додека Коби Брајант додаде 26 поени, со 11 скокови и три асистенции.