Мaкедонски комплекс нa понискa вредност

zenmaster напиша: Она што недостасува во локалната приказна се елементи за конституирање на колективното Супер Его. Генерално, во локалнава култура него или го нема или речиси воопшто не функционира. Кога ќе зачнете муабет како никој не ги почитува законите и прописите, тоа е пример за отсуство на колективно супер Его, кое (би) треба(ло) да наложи вредносен систем и соодветна пракса во која ќе се почитува редот и поредокот на едно општество. Не, тоа кај нас го нема, или е толку минорно или маргинално што само како ситуациона отстапка го потврдува правилото за негова отсутност.  Кога ќе спомнете висока корупција, тоа е показен доказ дека нема Супер Его и негови произлезни вредности кои барем во пристојна мера би ги одвратиле или намалиле ефектите од оваа крајно вирулентна општествена појава.  Кога ќе спомнеш леснотија со која политички партии негираат Уставен суд, тоа исто е доказ за нарушено или колабирано Супер Его кое нема никаков ефект на поставување систем кој од повисока инстанца би ја регулирал или координирал општествената реалност. Кога ќе спомнеш верски високодостојници, од сите религиозни провиниенции, како масовно дезертираат од својот духовен Закон за да се нурнат во материјалниот Матрикс, јасно ти е дека и врвниот супра-модел во функција на Супер Его веќе не е доволен за да си ја смениме локалната свест во тој поглед. Кога ќе разгледаш зошто е толку важна улогата на конгломератот „меѓународна заедница“ која ќе извршува улога на Супер Его во одредени фази и ситуации, повторно ни станува јасно дека Супер Егово брату „don’t live here anymore“Кој е лекот за ваквиот супер-его дефицит? Иако не сум трениран психо-аналитичар, можам со сигурност да кажам дека форсирањето наметнати тоталитаризирачки модели како обид за спас на општеството не е решение. О не, никако. Како што покажува и самата реалност, моделот на наметнување, без разлика дали е тој канализиран преку образование, медиуми, административен апарат, надворешен авторитет, и така натаму, само ги реактивира рефлексите на колективот кој ги одбива и пародира овие наметнатости. Лекот е едноставен, нудење модели и нивно постапно природно усвојување од самото општество. А модели колку сакаш, тие никогаш не биле проблем, проблемот бил во тотализирачката логика на културните и општествени вредности.

Ептен лајк   

Ништо ново...одсекогаш си патиме од самите себе...
Трајче дрварчето не биваше тепан од германецот но од преведувачот

zabegan напиша: Како да поседуваме национално супер его, ако оние кои се на врв над народот како да прават се за да го дотепаат тоа его, а пази, истите тие ме убедуваат дека сме требале да имаме огромно его, и да ја игнорираме реалноста и сега, што?

....да ги веруваме...
Сега седнав (по советот на Новаче) и внимателно слушав- го слушав Срѓан Керим. Кажа многу јасно дека нашите главуши од прв ден знаеле дека не смееме да бараме   антиката оти Грција во ЕУ била примена токму заради својата “заслужна античка култура“ и дека ниеден европски научник нема да дозволи да излезе дека згрешиле, дека антиката и припаќа на Македонија. Го знаеле тоа ама цело време не убедувале дека “токму тие ќе не внесат во ЕУ“. Се раскара народот -се подели на патриоти и предавници- колкави ли беа списоците на оние кои беа наречени “грчки платеници“
само затоа што очигледно биле информирани за ова и знаеле дека нема во ЕУ со античка историја, туку САМО со историја од 45 година наваму.
Кој ли е тој синдром што некого го тера другите да ги криви за нешто што не се криви, да ја крие вистината од народот?
Нека знаеше народот за ово факт-па ние пак ќе гласавме-мора да имаме влада, парламент-не влеле во ЕУ или не
Дефинитивно синдром на уништување и разнебитување- ама и синдром на владеење додека се може!

DragancoLeskoec напиша: Мaре Ушковска Денес сакам да дискутираме за нашиот комплекс на пониска вредност, инфериорност и себемразење. Слишнете го говорот на чупето и кажете ми шо мислите.

Не може некој да ја споредува Македонија со Луксембург

Не се живее од природните убавини на Македонија

Животниот стандард на македонците е катастрофален. Не знам зошто министерствата во Мк воопшто не ги интересира економијата во државата, надворешната соработка со другите земји , МАКЕДОНИЈА Е ФИНАНСИСКИ МНОГУ СЛАБА, тука лежи проблемот


А тоа дали била голема или мала држава никој не го интересира.

Majkl напиша: DragancoLeskoec напиша: Мaре Ушковска Денес сакам да дискутираме за нашиот комплекс на пониска вредност, инфериорност и себемразење. Слишнете го говорот на чупето и кажете ми шо мислите. Мислам дека ораторката си го презентира своето его, и тоа прилично неубедливо. Како да имитира некој од нашиве политичари... Од тоа нема да произлезе некое будење. mamamd и zenmaster добра анализа направиле на целиот говор. Би додал дека е пропуштено да се објасни: како тоа да си излезат од тој комплекс на пониска вредност - синдромот на македончето? Многу странци кои живееле подолго или живеат во Македонија ми рекоа исто мислење: Македонија географски гледано има свои убавини, има добра кујна, клима и сл. но голем дел од народот е некако бескарактерен(ова нема врска со националната самосвест! сите се удираат во гради дека се македончишта). Освен ставот дека се македонци и големиот став на очекување другиот да им заврши сè, повеќето и немаат некој друг јасен став.

Жити се, дали значи и ти си безкарактерен?!

zenmaster напиша: Platenik напиша: Majkl напиша: DragancoLeskoec напиша: Мaре Ушковска Денес сакам да дискутираме за нашиот комплекс на пониска вредност, инфериорност и себемразење. Слишнете го говорот на чупето и кажете ми шо мислите. Мислам дека ораторката си го презентира своето его, и тоа прилично неубедливо. Како да имитира некој од нашиве политичари... Од тоа нема да произлезе некое будење. mamamd и zenmaster добра анализа направиле на целиот говор. Би додал дека е пропуштено да се објасни: како тоа да си излезат од тој комплекс на пониска вредност - синдромот на македончето? Многу странци кои живееле подолго или живеат во Македонија ми рекоа исто мислење: Македонија географски гледано има свои убавини, има добра кујна, клима и сл. но голем дел од народот е некако бескарактерен(ова нема врска со националната самосвест! сите се удираат во гради дека се македончишта). Освен ставот дека се македонци и големиот став на очекување другиот да им заврши сè, повеќето и немаат некој друг јасен став. Жити се, дали значи и ти си безкарактерен?! Каков е овој начин на коментирање? Со овакви членови форумот нема да стигне далеку! Ова е класичен пример за комлекс на пониска вредност но со мала доза на свесност. Платеник е свесен за својот ментален хендикеп , он прочитал нешто шо не му се допаѓа но умствено не е во состојба да одговри на ништо И следува....навреда , класика.

Благодарам за безплатната психоанализа. Меѓутоа јас само поставив прашање, а мислам дека истото е издржано.

Јас можам да зборувам само за себе и оние кои се во мојата непосредна околина, оние кои лично ги познавам. Мето лично искуство го покажува баш спротивното од она што некој сака да му го припише на македонскиот народ дека истиот е безкарактерен и со комплекс на пониска вредност. Незнам можеби сум среќен, но јас сум опкружен со луѓе, зборувам за Македонци, кои се полни со енергија, ентузијазам и самодоверба. Луѓе кои се подготвени да превземат ризици и ја отфрлат медиократијата како норма. Луѓе кои се подготвени да ја платат цената, пред се да си ја подобрат својата духован и материјална состојба. Луѓе кои лесно не го виткаат р’бетот.

За жал ваквите луѓе се малцинство во македонската средина, како што се малцинство и во било која друга заедница. Не зборувам теоретски, туку искуствено.

Една работа е да се дискутира за аномалиите кои ги поседува една група на луѓе, а сосема друга работа е да се плука и гази се што таа група на луѓе ги прави засебни, различни од другите.

Никој нема мандат или експертиза, да калификува еден цел народ како безкарактерен. Прости, ама јас лично и сите оние кои имаат контакт со мене, неможам да речам дека се безкарактерни. Према тоа сите тие неосновани инсинуации неможе да бидат прифатени на ниеден друг начин сем како навреда.

Кога нешто мене ми пречи ја се трудам да најдам решение за проблемот на еден сеопфатен, прагматичен начин.

Дали плукачите по сопствениот народ ќе се задоволуваат само дијагностицирање, констатации и генерализации или навистина нешто ќе сторат, ако не за Македонија барем за себе?! Никој никому ништо не му должи или дава без причина. Време е да се сфатат правилата на игра во новите демократски услови..

Сите оние кои бараат излез од лошата состојба во Македонија само преку неконструктивна критика, линија на помал отпор или идентификувајќи се со некои “карактерни“ народи (како и иницијаторот на оваа тема), можам само да кажам дека на таквите луѓе македонската кожа им е тесна. Тие лесно можат да се продадат и постанат Бугари, Срби, Американци, Канаѓани..... дај што ќе дадеш, само ако во нивната перцепција она што се нуди е повеќе од она што може да им го понуди Македонија.

Да, специфични сме, а тоа треба да не прави радаосни од причина што тие специфики не прават различни од другите.

Затоа драги форумџии, ако навистина нешто ви пречи засукајте ракави и почнете да ги решавате сопствените фрустрации. Небарам да ги решавате моите или фрустрациите на луѓето околу мене, за кои сметам дека итекако имаат карактер.

Мислам дека непостои друг народ на светов кој отворено и на своја штета дебатира за своите аномалии во еден јавен домен, како што е и овај форум. Кои се тие кои ги палсираат овие деструктивни разговори и која е нивната цел?

Народе Македонски свести се неспиј ти..... недозволувај да подлегнуваш на инсинуациите кои имаат за цел ја подгреваат оваа тема и разнишуваат вашата самодоверба.    

Изменето од Platenik - 31.Јануари.2011 во 14:34

zenmaster напиша: Ти се обраќаш со прашање во вид на констатација ! "Значи и ти си без карактерен" e заклучок со прашалник на крај. Мајкл само пренесе мислење на странец и НЕГОВИОТ став за нас е непознат затоа шо се нема изјаснето но тоа не е битно. Упоследно време сум алергичен на лепење етикети. Ако некој критикува нешто немора да значи дека плука по истото ! И очигледно за подржувачите на вмро секоја критика е неконструктивна и чувството за вина и одговорност за сопствените грешки е непознат поим. Секоја дебата за сопствените аномалии е корисна оти тоа е единствнен начин да се надминат истите. Тешко на тој народ чија самодоверба може да биде разнишана од било каков самокритичен муабет.

Да повторам:

Мислам дека непостои друг народ на светов кој отворено и на своја штета дебатира за своите аномалии во еден јавен домен, како што е и овај форум. Кои се тие кои ги пласираат овие деструктивни разговори и која е нивната цел?

Незнам од каде сега овај спин на темата?! Како дојде до заклучок дека сум подржувач на ВМРО и зошто воопшто се вклучува ВМРО во разговоров?

Едно е да се плука по политичката платформа на некој политчка алтернатива, а сосема друго е да се плука по “безкарактерноста“ на цел еден народ. Тоа нема никаква врска со самокритичен муабет.

Моето искуство не е исто со она на Мајкал. Никој странец не изјавил дека македонскиот народ е безкарактерен, ниту пред мене, ниту пак јавно. И да го мислат, од чиста к*ртуазија, нема да ти го кажат. Се си мислам е до перцепцијата за самите себе, која перцепција некој, само ради нему познати интереси, ја експлоатира.

Ние Македонците сме “избрани“ да бидеме лидери во светот по самокритика, а карактерите на останатите да ги идеализираме.

Кога македонската кожа ќе престане да ни биде тесна?!

И пак ќе повторам, не зборувам теоретски, туку искуствено. Незнам ти со колку странци се имаш сретнато, но засебе знам, со многу.

Да, според констатацијата на странецот на Мајкл и јас сум ставен во кошот со сите безкарактерни Македонци.

Би сакал да поразговрам со некој таков странец, кој в лице ќе ми го каже тоа. Биди сигурен дека таквиот ќе има прилика да добие поинаква претстава за македонската “безкарактерност“.

Една мајка имам, каква и да е не се срамам од неа. Како ќе ја организраме таа наша мајка зависи од нас, а не од странците. Никој не е вечен, па ние ВМРО. Само тие на кои не им одговара стратегијата која ја спорведува ВМРО ќе треба да се организраат подобро, а богами и да понудат нешто повеќе од досега виденото.

Безкарактерниот народ ќе има прилика повторно да избира, па нека победи подобриот, поточно онај за кој народот ќе смета дека е подобар.

Вака како стојат работите, гледано одстрана, разлика меѓу к*рто и Мурто нема.





Изменето од Platenik - 01.Февруари.2011 во 02:51