Фудбалскиот портал Goal.com направи листа на најдобрите десет трансфери во зимскиот преоден рок, кој беше заклучен во понеделник доцна навечер.

Неколку критериуми беа земени во предвид од страна на тимот на goal.com при составувањето на оваа листа. Тоа се квалитетите на играчот, како тој ќе се вклопи во новата екипа и сумата која клубот ја платил за неговиот ангажман.

1. АНТОНИО КАСАНО (од Сампдорија во Милан за се уште непозната сума)

Касано е енигма самиот по себе, но несомнено е дека тој може да биде од голема важност во обидите на Милан да го врати Скудетото во своите витрини. Антонио е способен и да создаде шанса за гол, а и самиот да биде опасен стрелец и во комбинација со Златан Ибрахимовиќ има потенцијал да биде страшен тандем. Поради четирите асистенции во првите четири средби за Милан тој се наоѓа на првото место на оваа листа.

2. ЛУИС СУАРЕЗ (Ајакс - Ливерпул - 26.5 мил. евра)

Иако тоа не го посакуваа фановите на Ајакс, Суарез успеа во својата намера да си замине од Амстердам. Со заминувањето пак на Фернандо Торес од Ливерпул, ангажманот на Суарез е лек за раните на фановите на “црвените“. Секогаш кога преминувал во нова средина Уругваецот играл одлично и иако скокот од Холандија во Премиер лигата не е мал чекор, тој сепак може да ги исполни очекувањата.

3. ФЕРНАНДО ТОРЕС (Ливерпул - Челзи - 58.5 мил. евра)

Без сомнеж еден од најдобрите напаѓачи на светот, а тој не се најде повисоко на оваа листа поради неговата моментална слаба форма, како и големата сума платена за него. Во минатото има покажано дека адаптацијата на новата средина не е проблем за него.

4. ЕДИН ЏЕКО (Волфсбург - Ман. Сити за 32 мил. евра)

Големата сума платена за Џеко е единственото нешто поради кое тој не е на врвот на оваа листа. Доколку тој почне да игра како што знае од самиот старт во Англија, Џеко може да биде еден од најдобрите играчи во Премиер лигата и да го направи овој трансфер еден од најуспешните на сите времиња.

5. ИБРАХИМ АФЕЛАЈ (ПСВ - Барселона - 3 мил. евра)

Сестраниот Афелај ќе додаде нова димензија на играта на Барселона. Иако е млад, тој има богато искуство и би требал лесно да се вклопи во својот нов клуб. За сума од само три милиони евра тој доста ефтино дојде во Каталонија, но многу работи ќе зависат од тоа колку често ќе биде дел од првиот тим.

6. РАЈАН БАБЕЛ (Ливерпул - Хофенхајм - 8 мил. евра)

Доста потценет играч кој, доколку му се пружи вистинска шанса, може да биде еден од најдобрите во Бундес лигата. Многу работи ќе зависат од адаптацијата на играта во Германија.

7. ЏАМПАОЛО ПАЦИНИ (Сампдорија - Интер - 19 мил. евра)

Пацини со само 26 години дури сега влегува во зенитот на својата кариера. Со оглед на тоа дека Интер за него плати 12 милиони евра плус играч проценет на седум милиони, ова  е еден од подобрите трансфери на “нероазурите“. Во своето деби Пацини имаше два гола и беше главен виновник за третиот Играњето покрај одлични играчи би требало да го извади најдоброто од него.

8. СИМАО (Атлетико М. - Бешикташ - 900 000 евра)

Амбицизниот турски тим го ангажираше искусниот Португалец, кој би требал да им даде нова димензија во нападот. Иако има 31 година, Симао се уште е во добра форма. Цената платена за него од страна на Бешикташ го прави Топ 10 трансфер само од економски аспект.

9. ДАВИД ЛУИЗ (Бенфика - Челзи - 25 мил. евра)

Сагата околу трансферот на Луиз во Лондон конечно се заврши во последниот ден од преодниот рок. Но, оние кои од него очекуваат веднаш да биде на високо ниво можеби ќе останат разочарани со оглед на слабата форма оваа сезона за Бенфика. Но, тој несомнено е голем талент и во следните години би можел да биде ѕвезда на Стемфорд Бриџ.

10. ЕНДИ КЕРОЛ (Њукасл - Ливерпул - 41 мил. евра)

Точно е дека е апсурдно да се види Енди Керол како седми најскап играч на сите времиња. Но, исто како и Торес, иако е платено многу за него, тој има голем потенцијал. Ова е ризичиен потег за Ливерпул, но може сериозно да им се исплати на “црвените“ доколку се оди според планот