Вести

Мурињо е најдобар тренер за 2010

Тренерот на Реал Мадрид Жозе Мурињо беше прогласен за најдобар светски клупски тренер во изборот на Светската федерација за фудбалска историја и статистика, и тоа по третпат во неговата кариера, по 2004 и 2005, овојпат со предност од повеќе од сто поени.
- Генијалниот 47-годишен Португалец уште еднаш ги потврди своите извонредни способности, со Интер ја освои тројната круна и, во меѓувреме, го врати Реал Мадрид на патот на успехот. Шеесет и три земји го ставија Жозе Мурињо на првото место - пишува на интернет-сајтот на ИФФХС.
Ланскиот лауреат Пеп Гвардиола, исто така, имаше забележителни резултати во 2010. Неговата Барса демонстрираше начин на игра и филозофија што ги освои симпатиите на навивачите, па Шпанецот го освои второто место во изборот.
Третото место му припадна на Луј ван Гал од Баерн Минхен, откако со германскиот гигант стигна до финалето на Лигата на шампионите. Кике Санчес Флорес, тренерот на победникот во Лига Европа Атлетико Мадрид, е четврти на листата на ИФФХС.
Во топ-10 се уште: Карло Анчелоти (Челзи), Алекс Фергусон (Манчестер јунајтед), Арсен Венгер (Арсенал), Челсо Хуарес Рот (Интернасионал), Рој Хоџсон (Ливерпул/Фулам) и Ламин Н'Даје (Мазембе).
Жозе Мурињо ќе ја прими наградата на церемонијата Светска фудбалска гала 2011.

Драматичните завршници со изведување на пенали би можеле да бидат минато, судејќи по ФИФА и Sepp Blatter.

Првиот човек на Меѓународниот фудбалски сојуз - ФИФА, Sepp Blatter, изјави дека ја разгледува можноста за укинување на казнените удари, како последно решение на натпреварите од нокаут фазата.

ФИФА веќе формираше одбор кој ќе бара помалку груб крај по завршување на регуларниот дел на натпреварот од изведбата на пеналите.

"Во ФИФА веќе некое време разговараме за тоа натпреварите да не се одлучуваат со пенали", изјави Blatter.

"Лудо е некоја екипа да победи на среќа, а другата да стане жртвено јагне поради таквиот пораз и ние мораме да најдеме алтернативно решение", додава Blatter.

Во последните неколку децении натпреварите во рамките на ФИФА - Светско првенство, Европско првенство и Лигата на шампионите завршуваа со пенали.

На оваа тема се спроведени повеќе анкети, според едни овој начин е највозбудлив за завршување на драмата, а според други изведувањето на пенали не е фер решение за победникот на натпреварот.

Блатер: СП 2022, најверојатно, во јануари

Светското првенство во 2022 година во Катар, најверојатно, ќе се одржи во јануари, место во традиционалниот тремин во јуни и јули, соопшти претседателот на Светската фудбалска федерација (ФИФА), Сеп Блатер. Летните температури во Катар можат да достигнат и до 45 степени, додека зимските се сосема прифатливи за еден успешен мундијал.
- Мора сериозно да го разгледаме ова прашање. Има уште 11 години до Мундијалот, но мора да одлучиме кој е најадекватниот период за одржување на СП, што, со оглед на условите во Катар, би значело во јануари - изјави Блатер.
Во кандидатурата за СП, Катарците предложија решение за тропските температури, со тоа што би вградиле специјални системи за разладување на стадионите. Сепак, јануарските температури од 20 до 30 степени се идеални, а единствен проблем се поголемиот дел од националните лиги, кои се во полн ек во тој период.
- Мислам дека можеме да најдеме заеднички јазик со националните федерации околу промена на распоредот на лигите. Сепак, и во нивни интерес е да се заштитат играчите и навивачите од несакани последици од тропските горештини - додаде Блатер на состанокот на ФИФА во Катар.

Тепачката на "Максимир" увод во распадот на Југославија

Малкумина би се противеле дека фудбалот е најпопуларниот светски спорт. Милијарди од Багдад до Буенос Аирес го сакаат и мразат, гледаат, играат, и се расправаат за него, како за никој друг спорт на планетата. Фудбалот се користи и како средство за покажување на доминација на нациите, и за воведување на ред во државите. Аргентина го направи тоа на СП 1978, кога владата помогната од успехот на репрезентацијата успеа да воведе ред и лојалност кон режимот кој претходно беше отфрлен.
Во историјата се одиграле натпревари кои биле центар на огромни социјални и политички промени, а Си-Ен-Ен ги одбра петте мечеви што го променија светот.
ПРВИОТ ОФИЦИЈАЛЕН МЕЧ (1864 г.): Кога 22 мажи се собрале во паркот Батерс во Лондон во зимата 1864 година, никој не можел да претпостави дека тоа ќе биде првиот официјален фудбалски меч според правилата на Англиската асоцијација. Правилата се уште биле примитивни. Немало пречки, офсајдот бил далеку од воведување, а правилникот бил ограничен на 13 главни точки.
ЗАПАДНА ГЕРМАНИЈА-УНГАРИЈА (1954): Растргната од Втората светска војна, Германија се наоѓаше во тешка состојба, но тогаш се случи "Чудото во Берн" на СП во Швајцарија. И покрај тоа што загуби 8:3 во првиот меч со Унгарците, Западна Германија стигна до финалето на СП против истата екипа и успеа да слави иако беше составена од аматери за разлика од моќната Унгарија.
РЕНЏЕРС-БАКС (1966): Островот Робен стана познат по популарниот затвореник Нелсон Мандела, но затворот во Јужна Африка влезе во историјата и по организирање на фудбалскиот меч со екипи составени од затвореници. Затворениците почнаа да играат фудбал во обид да ја разбијат монотонијата, по што ја основаа лигата Макана. Се уште нема доказ за одигрувањето не мечот помеѓу Ренџерс и Бакс.
ДИНАМО ЗАГРЕБ-ЦРВЕНА ЗВЕЗДА (1990): Југославија беше на прагот на војна, а во тоа време се одигра историската средба помеѓу Црвена Звезда и Динамо Загреб на "Максимир". За време на мечот идната ѕвезда на Милан и хрватски капитен Звонимир Бобан удри полицаец кој нападна загребски навивач. Веднаш настана тепачка помеѓу навивачите на двете екипи, што беше увод во распадот на Југославија и петгодишната војна.
ИРАК-САУДИСКА АРАБИЈА (2007): Овој натпревар направи тоа што политичарите не беа во можност да го постигнат. Пред одигрување на мечот имало дури 1.700 напади само во Багдад кои веднаш биле преполовени. Ирак победи, по што илјадници излегоа на улиците на Багдад да прослават.

Силекс се засилува со Срби

 Милан Николиќ (28) и Саша Стојановиќ (19) се првите зимски засилувања за Силекс. Двајцата играчи за врска викендов се приклучија на ростерот на кратовскиот прволигаш. Николиќ доаѓа од Слога Петровац, а Стојановиќ од Јагодина, а за неколку дена се очекува да пристигне уште еден класичен напаѓач од Србија.
-Дојдовме да му помогнеме на клубот да избори опстанок во лигата. По само неколку дена во Кратово, забележавме дека клубот е добро организиран и дека не згрешивме што кариерата ја продолжуваме тука - ни рекоа двајцата Срби.
Тренерот Ане Андовски на тренинзите ги има сите фудбалери, освен напаѓачите Ангеле Нацев и Ѓорѓи Заревски, кои деновиве треба да се приклучат.
- Подготовките ги реализираме без проблеми. До 2 февруари остануваме во Кратово, а потоа се селиме во традиционалната база во Охрид. Засега имаме начелен договор за контролни средби со Осогово, Цементарница и Хајдук Кула - ни откри Андовски.