Ваша песна,состав или што било напишано

     Сеќавања

Сеќавањата што ги имаме јас и ти
Спомените на нас и средбите
На сонцето,дождот,среќата,тагата....
Ме пречека понизно,срамежливо
Барајки само една сенка ,
Иако знаеше дека и таа ќе исчезне
Со последниот сончев зрак.

Се сеќаваш на дождот?...Ти и јас...мрак.
Или да напишам вака:
“Надвор е мрак,
Светилка во светилка,
Пат во пат в далечина се свива.
Во сив одзрак од златести крила,
Сети се пеперутке дека тука си била.
Нек дождот непробоен биде,
Нек студот брзо ни мине.
Неми двајца под лист од лијан,
Чекајки сонце,се боревме живи да сме.
Се сакавме свои да сме,
Се љубевме вечни да сме.”

Се сеќаваш...нели....
Јас знам дека сладок умор
Трепки ми галеше,
Нежен поглед тело ми милуваше,
Две фенерчиња полни љубов
Сонот ми го осветлуваа....
Подарувајќи ми ја
Песната на твоите песни,
Ми ја подари ноќта на моите ноќи.

Додека се трудеше да ми објасниш Што сме
Полека се роди Сонцето
Ти мој Буднику нестварнику
Кој знаеш да речеш Не сум јас
Ти се роди пред очи едно Пеперутче во едно Утро над ....
Со мирисот на Јоргованот заедно Бараме
Живот.....живот....цел.....
Незнаејќи дека се еднаш веќе добивме.

Ти благодарам и ти посакувам среќна и инспиративна 2011

Новогодишен пакет

Дали тоа беше само сон

дали тоа беше само мисла

дали тоа беше само желба

дали тоа беше само посакување ???

Дали прелетав десет гори

дали видов плаво снежно небо

дали бев јас пакет  во неговата санка

дали тој ме фрли низ оџакот???

Дали тоа над мене елка украсена стои

дали тоа се илјада сијалици и лампиони

дали е црвена машната што  ми ги стега градите

дали тоа е оган од камин или од срцето  мое ???

Дали тоа е моја или негова желба

дали тој ќе ја одврзе црвената машна

дали јас ќе бидам  новогодишен дар

дали ќе останам само врзан пакет???

***

фуууу фуууууу  фууууууууууууу

дувна тој…

..may your wish come true..

[    КЛИКНИ ОВДЕ    ]   !!!

ДИЈАЛОГ


И реков:
Влези едноставно.
баш така како кога влегуваш в банка
со стуткана заштеда за стари дни.

Ме праша:
ако ти дозволам да бидеш банкар
на моите чувства
ќе ги орочиш ли трајно
со камата од милион магии на ден?

Реков;
Прекрасна моја,
јас не сум волшебникот што може да ти направи сонце
од куп измислени зборови,
љубејќи те тајно цел живот
јас немав време за читање бајки.

Заплака.

СЕ УМИРА СЕКАДЕ

Се умира на улица,
во проданица,
на пазар,
се умира во кино
во редица за леб,
се умира секаде -
зошто не и во нечие срце...

Се умира во сон,
во туѓ роман,
во воздишка на нељубена жена,
се умира на боиште,
се умира...
се умира еднаш,
се умира стопати -
и цел живот може да се умира...

Се умира во кафеана,
на фудбалски натпревар,
се умира со песна,
со книга во раце,
со тежина во душата,
со неостварена желба
во највисок лет -
но само јас знам како се умира среќен
и преполн со убавина
со глава легната на твоите гради...

КОБНАТА ДИПЛОМАТИЈА НА ЧУВСТВАТА

Ако се вљубам во твоите очи
и ги ги наречам езера во мојата песна
зар ќе биде важно дека не се сини.

Ако ме крунисаш за твој принц
а јас те прогласам за моја магепсана принцеза,
зар ќе биде важно другите што мислат за нас.

Но јас никогаш не се вљубив во твоите очи
и никогаш не бев принц на магепсана принцеза-
ох колку проклето важно ми беше мислењето на другите!

БЕЗ ТЕБЕ


Да сакаш до бескрај
е исто како да го гледаш
во далечниот хоризонт
златниот сјај на зајдисонцето.

Да љубиш усни кои те сакаат
е исто како да си го допрел
прекрасниот сјај на виножитото
после летен дожд.

Да преболиш болка во душата
е исто како да си изгубил дете неродено,
неподарено на светов земен,
а во исто време подарено на Бога.

Да умираш во себе од немири
е исто како да пружаш рака
за да ја дофатиш месечевата светлина
а неможеш ни да стигнеш до неа.

Да се живее без тебе
е исто како да не се дише,
исто како да нема крв во вените,
исто како да нема срце во градите.


Изменето од butterflyM55 - 12.Јануари.2011 во 10:54