Вести

ФИФА денеска ќе ги објави домаќините на мундијалите во 2018 и 2022

За 2018 мислам дека ќе биде Англија ,а за 2022 Катар.

Изменето од емил - 02.Декември.2010 во 12:58

Снајдер: Подготвен бев и да умрам за Мурињо

Несомнено е дека ѕвездените моменти во својата кариера Весли Снајдер ги доживеа под водство на Жозе Мурињо на клупата на Интер.

Минатата сезона заедно стигнаа до шампионските титули во Серија А и Лигата на Шампионите и беа победници во италијанскиот Куп.

Познато е дека Мурињо по успешната сезона се пресели на клупата на Реал Мадрид, кој во понеделникот го забележа првиот пораз, и тоа од Барселона со 5-0, во дваесеттиот меч под менаџерската палка на Португалецот.

Се чини дека Снајдер и понатаму памети какво убаво чувство било да се работи со стратегот кој знае меѓу фудбалерите да ја врати вербата во сопствените можности.

„Еднаш ми рече дека изгледам заморно и ме испрати на одмор во кругот на семејството. Многу тренери во такви моменти говорат за тренинзите, а тој ме испрати на плажа.“

„Заминав на Ибица на неколку дена, а кога се вратив бев подготвен да умрам и да убијам некого за него.“ - изјави Снајдер.

Катар со ултрамодерни стадиони

Воодушевен што неговата држава ја доби честа да ги нагости најдобрите фудбалери на светот во 2022 година владетелот на Катар, шеикот Мохамед бин Хамад Ал Тани, изрази благодарност и истакна дека неговите сонародници ќе ги исполнат сите очекувања.
- Ви благодарам што верувавте во промени, што одлучивте да придонесете за развој на фудбалот и во овој дел на светот и што му дадовте голема шанса на Катар. Можам да ветам дека ќе се гордеете со нас и со целиот Блиски Исток. Што се однесува до претераната горештина, верувајте ми, тоа воопшто нема да биде проблем, ниту бил некогаш, истакна Хамад Ал Тани.

Катар со само 1.7 милиони жители е убелдиво најмалата земја што ќе организира светско првенство, но со годишен приход од дури 83.000 долари по жител е јасно дека со пари е можно да се решат сите проблеми.

Тропските температури домаќинот ќе ги реши со инсталирање клима-уреди на соларен погон што ќе ја спуштаат температурата од околу 50 степени на пријатни од 19 до 22 Целзиусови. Ултрамодерните стадиони и хотели, како и фантастичната инфраструктура што Катар планира да ги направи во наредните 12 години, гарантираат дека подготвен ќе го дочека Мундијалот и големиот број навивачи кои со нив ќе пристигнат на брегот на Заливот.

     
Англичаните понижени што фудбалот не се враќа дома



Во својата кампања Англија вложи 15 милиони фунти, но не успеа да ја реализира мисијата

Тагата е голема во секоја земја што поднесе своја кандидатура за организација на СП 2018 и во СП 2022, но во ниту една не владее толку жал како во Англија која беше убедена дека ќе добие прилика да ги нагости најдобрите светски фудбалски репрезентации.

Кога Сеп Блатер прочита „РУСИЈА“, некои Англичани во првиот момент сакаа да веруваат дека претседателот на ФИФА се збуни бидејќи вистината беше горчлива за нив. Во земјата завладеа разочарување, гнев, а одлуката на ФИФА беше дочекана со солзи во очите.

Англија фигурираше како најдобра меѓу заедничките кандидатури на Шпанија и Португалија и Белгија и Холандија и самостојната на Русија. Сепак, епилогот не беше како што очекуваа нејзините граѓани. Сите британски медиуми излегоа со наслови дека Англија е поразена од Русија во гласањето, но според информациите од Цирих, кандидатурата од Островот не го мина ниту првиот круг. Тоа сега е малку важно за Англичаните, а за овој губитокот на СП некои ќе ги обвинат англиските новинари кои два дена пред гласањето објавија приказна за корупција во редовите на членовите на ИО на ФИФА.

„Слушнавме дека сме испаднале уште по првиот круг. Може само да и' честитаме на Русија која имаше фантастична кандидатура. Тешко е да се проголта сето ова. Момците кои говореа за нашата кандидатура беа чудесни, не можеа да бидат подобри. На крајот денот не беше успешен иако дадовме се од себе“, рече поранешниот англиски напаѓач, Алан Ширер, една од многуте познати личности во гламурозната кампања.

„Сан“, „Гардијан“, Би-Би-Си и многу други пишуваат дека „фудбалот за осум години нема да се врати дома“ и дека во Цирих доживеаја понижување.

Без сомнение, острите британски новинарски пера во деновите што следат ќе бидат насочени кон ФИФА и нејзините членови бидејќи сметаат дека кандидатурата на Англија била подобра од сите останати. Сепак, 15 милиони фунти вложени во кампањата очигледно не беа доволни за радост на најголем дел од Островот.

Nesto otupel spicot na Milito...
Aj, kje bide podobro ponataka...

Nego, informacija koj e proglasen za najdobar fudbaler?

Фудбалерите бараат зимско СП 2022 во Катар

Светското здружение на фудбалери (ФИФПро) смета дека Светското првенсто во Катар во 2022 година треба да се одржи на зима, а не за време на летото, бидејќи тогаш температурите во оваа земја се превисоки.
- Не е разумно да се организира турнир во земја во која во јуни и јули просечната температура е 41 степен, а до пладне, со помош на голема влажност на воздухот, температурата достигнува и 50 Целзиусови, се вели во соопштението на ФИФПро, во кое се додава:
- На туристите им се советува за време на летото да не патуваат во Катар, а жителите масовна ја напуштаат оваа земја во тој период. Поради тоа сметаме дека Катар нема да пружи соодветни услови за фестивалот на фудбалот какво што е Светското првенство.
Претседателот на Светската фудбалска федерација (ФИФА), Сеп Блатер неодамна ја поддржа можноста Мундијалот во Катар да биде во јануари 2022 г.