Социјализам или капитализам?

   Пак бегаш од твојата констатација во првиот пост.
Марсовец,не може да споредуваш тоталитарен режим како Нацизмот кој просперира во капитализам со капитализам во државите од типот на САД,Англија и Франција,тие две категории се неспоредливи.

Читам скоро секој твој пост збориш за Демократија,таа не иде со тотална слобода па било каде и да ја има во неограничени количества.
Демократијата во вистинска смисла никаде нема да постои,ни постои а ни постоела.
Единствено може да се приближи до тој процент еве од 100,само и само ако постојат ригорозни но праведни закони и почитување на истите.
Не може да има ДЕМОКРАТИЈА без поставен граници кои ќе ја кочат човечката желба за доминација над другиот.

За било што да функционира исправно,мора да му поставиш граници во кои ќе функционира и следствено секое непочитување на истите треба да се казнува.

Социјализмот во Источна Европа се распадна најмногу поради Национализмот и поради стегите на доминација кои еден џин СССР им ги наметнуваше на останатите,а некаде и поради Религиски и Културни разлики меѓу луѓето како пример во Југославија.

ДемОкратијата исто така во огромен процент се подкрепува на САМОСВЕСТА на ЧОВЕКОТ,секако треба да е исправна и на прав пат за да ја поддржува ДЕМОКРАТИЈАТА,која секогаш стои на слаби нозе и е привидна,но се одржува со помош контрола на истата со протокот на РЕСУРСИ И МАТЕРИЈАЛНИ ДОБРА кои се основата на се во Капитализмот.

За да има Демократија исто така треба да секој поединец научи дека треба да се бори за својот живот со помош на учење,сопствено развивање и надградување на прво сопствените морални вредности а потоа и на моралните вредности на останатите,и што е најважно треба да е чесен и да работи онолку колку што може,ни повеќе а ни помалку.

Остави ги Јакобинците и Буржоаските револуции,збориме за системи во 20 век.
Социјализмот како систем е добро поставен и осмислен,но поради алчноста на човекот кој го води тој систем пропадна поради непочитувањето на законите од таа мала група на водачи и нивното мислење дека се богови,и кои никој не ги контролираше,секако и поради национализмот и религиските разлики,мрзеливоста и неработењето.
Само една паралела ќе ти направам.
Македонија за само еден век има сменето три системи на управување.
Директно од Феудализам оди во Социјализам па во Капитализам.
Во кој од тие системи е направено најголемо изградување на нас како држава?
-Одговорот е одма јасен и единствен,а тоа е Социјализам,и тоа само за 40 години,а може и помалку сме се изградиле како држава,прв пат во современиот свет.
Но како сме се изградиле е прашањето?
-Сме се изградиле само и само единствено со почитување на строги закони,строги и праведни(огромен процент праведни и правилно донесени,но и мал процент неправедни и неправилни за жал,но ништо не е ни ќе биде совршено) и ништо повеќе,во кои имало слобода и просперитет скоро за секој кој работел и имал средства за да јаде,пие,одмара,мирно да прошета навечер,да работи и да не набројувам веќе,а денес што имаме погледајте.
Еднаш на еден клип на Јутуб прочитав една изјава од некој средовечен човек кој вели,ќе парафразирам
-Менувам било каква Демократија која се развива во Капитализам за Социјализам од типот на Југословенскиот,само да можам да спијам мирно кога ќерка ми е излезена навечер да прошета со другарките.

Погледај само што мисли една паметна,здрава и реална свест на еден човек искажана во предходната парафраза.
На таа индивидуа му недостасува единствено безбедност која ќе му ги реши најголемите стравови,а се постигнува само со почитување на строги закони,кои ќе доведат до СЛОБОДА на сите,и воедно демократија.

Темава е огромна и претерано обемна за дискусија,и доста интересна за мене и огромен процент на Македонската популација.
Секој систем има и позитивни и негативни страни,и многу е тешко да се споредува едно со друго.
Па пишувајте

Внеси реплика	страница <1 21 222324 25 61 >
Tweet