Капути, јакни, сакоа, мантили,бунди и слично

    

Капути по избор на дизајнерите

Зимата е веќе на прагот, а вие сè уште не сте си купиле капут. Можеби колекциите на дизајнерите за  оваа сезона есен/зима ќе ви помогнат при изборот.

Армани колекцијата за 2010/2011 е препознатлива по едноставната елеганција. Капутите од кашмир кои ги предлага оваа модна куќа се со средна должина и се наменети за деловни жени, но и за сите оние жени кои сакаат префинетост. Боите се топли и се движат во распон од кафена до боја на мед.

Модната куќа „ Enrico Coveri“ акцентот го стави повеќе на боите отколку на формата. Доколку уживате во интензивни бои оваа колекција е како совршена за вас. Можете да се обидете и со „Dior“ кој креираше модели со впечатлив волумен, необичен крој и силна боја.

Крзнените детали се препознатливи за колекцијата на Chanel која изобилува со гламурозни капути, принтови и везови. Оние кои сакаат уникатен и препознатлив имиџ во оваа колекција би можеле да пронајдат мошне интересни парчиња облека.