ДНЕВНО-ПОЛИТИЧКИ настани, вести и актуелности

Отсутните до 12 месеци ќе се попишуваат на жими мајка

Др­жав­ја­ни­те на Република Македонија што од земјава се отсутни најмногу до 12 ме­се­ци ќе се попишуваат на чесен збор на нивните најблиски. На пописот, кој е планирано да се одржи во април 2011 година, граѓаните ќе се попишуваат според пријавеното мес­то на живеење. Попишувачот ќе биде обучен да ги попише и оние граѓани за кои чле­но­ви­те на семејството ќе пријават дека се привремено во странство, но не по­дол­го од една година. На прашањето дали со тоа ќе се добијат веродостојни информации и како попишувачот ќе биде сигурен дека попишаниот не е подолго од една година во стран­ство, директорката на Државниот завод за статистика Благица Новковска рече:
"Јас не би го употребила истиот термин - чесен збор, но ќе кажам дека препораките ве­лат пописот да се направи врз основа на изјавите на попишуваното население. Тоа е основа на препораките".
По­пи­сот ќе го надгледува Агенцијата за статистика на Европската унија "Евростат". Ди­рек­то­рот на оваа агенција Питер Еверерс смета дека пописот мора да биде добро ор­га­ни­зи­ран и испланиран.
"Ние ќе го надгледуваме пописот, кој мора да се изврши според европските стандарди и препораките на ОН, и очекуваме Македонија да ги испочитува бидејќи е земја кан­ди­дат за членство во ЕУ. Многу е значајно тој да биде прецизен и транспарентен бидејќи врз него се базираат државните политики", рече Еверерс.
Но­ва демократија и ДПА бараат пописот да се одржи во јули, а државните институции и претставниците на "Евростат" тврдат дека април е најдобриот месец за по­пи­шу­ва­ње на населението.

Бранко Наумовски на чело на Уставен суд