Вести

Афелај ќе го напушти ПСВ

СПОРТ
ТУРСКАТА ЛИГА ДОБИ ГОЛЕМО ЗАСИЛУВАЊЕ

Ален Ајверсон се договори со Бешикташ

Еден од најдобрите шутери во НБА, ветеранот Ален Ајверсон, кариерата ќе ја продолжи во Бешикташ. Контроверзниот Ајверсон преку својот менаџерски тим долго време преговараше со тимот од Истанбул и на крајот успеа да договори преселба во Турција и потпишување на двегодишен договор со кој ќе заработи четири милиони евра. Договорот може да биде прекинат но не смее Ајверсон да се врати во НБА лигата.
Се очекува тој да пристигне до крајот на оваа недела и да им се приклучи на новите соиграчи. Со него Бешикташ ќе биде конк*рентен на Ефес Пилсен и Фенербахче кои се фаворити за титулата во Турција.
Ален Ајверсон настапуваше во НБА цели 14 години за Филаделфија, Денвер, Детроит и Мемфис, но не успеа да ја освои титулата. во НБА тој остави просек од 26,7 поени, а во 2001 година со Филаделфија играше во големото финале.

Швајнштајгер ќе го менува Сколс во Јунајтед

Големите европски клубови се поинтензивно се интересираат за услугите на германскиот репрезентативец Бастијан Швајнштајгер. Еден од најупорните во моментов е Манчестер Јунајтед, а според различни извори на германски и англиски медиуми Алекс Фергусон неодамна на Баерн му понудил 40 милиони евра за потписот на искусниот играч од средниот ред. Уште повеќе, Швајнштајгер би требало да биде замена за ветеранот Пол Сколс, кој веќе има 35 години и неговиот договор истекува на крајот од оваа сезона по што би можел да ја заврши кариерата.

Од Баерн засега не сакаат да се разделат со својата голема ѕвезда.

"Швајнштајгер не е за продавање, кој и да дојде да праша за него, нема да го дадеме", изјави спортскиот директор на Баерн, Кристијан Нерлингер.

Самиот Швајни тврди дека во Баерн му е добро, но и пред почетокот на оваа сезона најави дека би сакал да се обиде во странство, а како негова следна дестинација се спомнуваше Реал Мадрид.

"Не сум оженет за Баерн", изјави тој по Светското првенство во Јужна Африка.

Сегашниот договор на Швајнштајгер истекува на 30 јуни 2012 година, а неговата вредност се проценува на 35 милиони евра. Тоа значи дека Фергусон е подготвен да плати и повеќе од оваа сума, а со цел да се ослободи од притисокот на Интер, Реал Мадрид и Челзи. Колку значаен дел од тимот на Баерн е во моментов Швајнштајгер најдобро докажува податокот дека неколкупати се најде во улога на спасител и му донесе многу значајни бодови на актуелниот германски првак. Меѓу другото, Швајнштајгер ги постигна двата гола при пресвртот во дуелот со Вердер во рамките на 1/16-финалето од Купот на Германија.

Пред два дена англиските медиуми открија дека Манчестер Јунајтед планира да го продолжи договорот со уште еден фудбалер од сегашниот играчки кадар. Станува збор за бекот Патрис Евра, кој во следните четири години би добивал неделна плата од 100 илјади фунти место сегашните 70 илјади.

АКО СЕ РЕАЛИЗИРА БОГАТАТА ПОНУДА

Ветераните на Манчестер се селат во Емиратите

Легендата на Манчестер јунајтед Рајан Гигс ќе добие понуда вредна 200.000 фунти неделно да ја заврши својата кариера на Блискиот исток. Неговите соиграчи Пол Сколс и Гери Невил, исто така, можат да очекуваат богати договори од клубови од Дубаи.
Најголемите клубови од Обединетите Арапски Емирати веќе разговарале околу трансферот на ветеранското трио лседното лето.
- Рајан е легенда во Јунајтед и се уште е важен дел од тимот, но, исто како Сколс и Невил, тој не може да продолжи засекогаш. Тој секогаш одбивал понуди, но оваа е многу привлечна за крај на кариерата. Истото важи и за Сколс и Невил - открива изворот на "Сан".
Договорите на Гигс (36), Сколс (35) и на Невил (35) со Јунајтед истекуваат следното лето. Невил дури и има имот во Дубаи, а Гигс неодамна беше на одмор таму. Минатото лето, светскиот првак од СП 2005 Фабио Канаваро потпиша за Ал Ахли доби неделна плата од 110.000 фунти ослободени од данок, што е еднакво на 200.000 фунти во Велика Британија.

Српски и руски хулигани најавија пресметка со Торцида

Хулигански банди од Србија се заканија дека в четврток, заедно со колегите од Санкт Петербург ќе предизвикаат нереди во Сплит и ќе се пресметаат со "Торцида" за време на гостувањето на рускиот Зенит на Пољуд во натпреварот од четвртото коло од Лигата на Европа, јавуваат српските и хрватските медиуми.

Според информациите, Србите хулигани наводно се договориле со бандите од Русија и уште неколку националистички организација да допатуваат во Сплит и да се судрат со навивачката група на Хајдук Торцида. Хрватската полиција ги презема сите мерки за безбедност со цел да се избегне голема трагедија во Сплит.

"Не е тајна дека нашите православни браќа пред заминувањето во Сплит ќе дојдат во Белград. Очекуваме денеска или утре да ги пречекаме и заедно одиме во Сплит. Не откривам детали, освен дека ќе бидеме во доволен број да го срушиме и запалиме Сплит", стои во белградскиот таблоид к*рир изјавата на припадник на една белградска навивачка група.

Меѓутоа, и Торцида не седи со скрстени раце, а што е најлошо најавија дека ќе им вратат на Русите за немилиот пречек во Санкт Петербург пред две недели.

"Навивачите на Хајдук со денови се подготвуваат да им се одмаздат на руските хулигани. Пред две недели сплиќаните беа нападнати во Санкт Петербург", се потсетува хрватскиот интернет портал СМедиа.

Тетекс - Шкендија в среда во Тетово
Одложениот натпревар од 12. коло во Првата лига меѓу Тетекс и Шкендија ќе се одигра на градскиот стадион во Тетово в среда во 13 часот. Комесарот за натпревари на ФФМ, Миле Спиркоски, ја донесе одлуката откако доби писмо од ФК Тетекс, кој е домаќин на оваа средба, во кое клубот покажува подготвеност да биде организатор на натпреварот. - Натпреварот ќе се игра в среда во 13 часот на градскиот стадион во Тетово. Тетекс покажа подготвеност да ја организира средбата, Шкендија исто така сака да игра и јас го одредив терминот. Во секој случај, натпреварот мора да биде одигран оваа седмица за да идниот викенд на програмата да може да се најде 13. првенствено коло. Понатаму се е во рацете на клубовите кои се должни да ги почитуваат одлуките на ФФМ - изјави Миле Спиркоски, комесар за натпревари на ФФМ. Според одлуката на ФФМ, Шкендија нема право организирано да носи навивачи на гостувањата, а на дуелот со Тетекс е гостин, иако се игра на градскиот стадион во Тетово. Но, дека одлуката на ФФМ не значи речиси ништо зборува и фактот дека никој не може да спречи поединечно влегување на навивачите на Шкендија на стадионот, кои потоа на самите трибини би се организирале во група. Со тоа и ризикот за можни нереди е голем и затоа одговорноста за добра организација треба да ја сносат сите субјекти, почнувајќи од фудбалските клубови Тетекс и Шкендија, преку ФФМ, па се до органите на јавниот ред и мир.

stigma04 напиша: МВР не гарантира безбедност во Тетово По инцидентот што се случи на прволигашкиот меч во Кичево помеѓу Напредок и Шкендија, кога на полувремето гостинските навивачи го симнаа македонското знаме, ФФМ го прифати барањето што го доби од МВР, да се одложи утрешниот меч во Тетово помеѓу Тетекс и Шкендија. Завчера, СВР-Тетово испрати известување до ФФМ дека има оперативни сознанија дека се подготвуваат инциденти на споменатиот прволигашки натпревар. За инцидентот во Кичево, ФФМ ја казни Шкендија со забрана за патување на навивачите на гостинските средби, но овојпат, иако фигурира како гостин, практично игра на домашен терен, бидејќи двата тима се од Тетово. Минатата година во август, исто така, беше одложен дуелот помеѓу Тетекс и Шкендија, кои тогаш требаше да се сретнат во рамките на Купот на Македонија. Причината беше иста - опасност од инциденти. Ova stvarno ne mie jasno kako mozi vo nasa drzava nas grad policijata da nemozi da garantira bezbednost,stvarno potoa da se igra vo skopje i bitola 200 specijalci idat a vo tetovo ne mozat da obezbedat edna utakmica,cudno no vistinito...

Pa i definitivno se gleda deka nasata policija ne ni moze da obezbedi edna utakmica a moze da mava po ckembari ili komiti a vo tetovo ne e problem gi ostava navivacite da pravat sto sakaat da simnuvaat znaminja i tnt.i posle se ova sto se sluci denes vo tetovo e strasno duri zalno sto nasata policija nemozese da se spravi so 200 dusi a kamoli da dojde nekoja navivacka grupa od srbija 2000 do 3000 iljadi e togas ke treba cela armija da ja angazirame posto kako sto gledame srpskite huligani se opasni za gostuvanje so toa sto go vidovme vo denova koga go zapalija albanskoto zname i iskrsija mnogu izlozi zaprimetuvame deka se opasni zatoa poarno da ne doagaat kaj nas oti ke treba i policija od hrvatska da vikame da ne stiti nas.....