Италијанска Серија А

Абате се надева дека до предвидениот рок ќе биде најдено решение кое ќе ги задоволи двете страни.

„Крајно време беше да се разговара на оваа тема. Сепак во овој момент е најважно да се спречи штрајкот“, изјави Абате.

Асоцијацијата на италијанските фудбалери незадоволна од понудените услови за новиот колективен договор, пред неколку дена најави штрајк. Чекор на сопнување е одредбата во договорот, со која клубот може да одбие трансфер на фудбалер кој се наоѓа пред истекот на договорот.

Доколку решението не биде најдено штрајкот ќе се одржи на 25 и 26 септември

По водството на Сампдорија од 1:0, фудбалерите на Наполи направија пресврт и стигнаа до првата овосезонска победа во Серија А. Двата гола за освојување на трите бода синоќа на гостувањето во Џенова во финишот на средбата ги постигнаа Марек Хамшик и Едисон Кавани.

Пресврт победа оствари и Интер на Сицилија против Палермо. Ето беше стрелец на два гола по водството на домаќинот во првото полувреме. Македонскиот интернационалец Горан Пандев го одигра речиси целиот меч и беше еден од подобрите кај „нероазурите“. Пандев кој брзо ја залечи повредата на коленото беше заменет во 88 минута.

Серија А, 3.коло резултати: Фиорентина – Лацио 1:2, Милан – Катанија 1:1, Бари – Каљари 0:0, Киево – Бреша 0:1, Чезена – Лече 1:0, Парма – Џенова 1:1, Рома – Болоња 2:2, Удинезе – Јувентус 0:4, Палермо – Интер 1:2 и Сампдорија – Наполи 1:2.

Табела: Чезена и Интер имаат по 7 бодови, Киево, Лацио и Бреша по 6 бодови...