СКОПЈЕ 2014 или ЛУНА ПАРК '14

Како е можно?

Како е можно за инфантилните лавови на мостот „Гоце Делчев“ да се потрошат речиси исто толку пари колку и за реновирање на 246 училишта? Како е можно 105 восочни фигури да чинат повеќе од 50 селски водоводи? Како е можно вториот споменик на Ѓорче Петров од половина милион евра одеднаш да поскапе колку три нови, комплетно опремени хируршки сали?

Како е можно само еден споменик на анонимен коњаник (па нека е и со фонтана) да чини милион евра повеќе отколку жичницата до врвот на Водно долга 3,5 километри? Како е можно авторските хонорари за истиот споменик да изнесуваат повеќе од парите предвидени за фекална канализација Арачиново-Синѓелиќ? Како е можно иста уметница да добие астрономски хонорари и за „коњаникот“ татко, и за великиот син на Букефал, и за „Триумфалната капија“?

Како е можно за споменикот на скромниот Ченто да се потрошат повеќе пари отколку за изградбата на десет селски училишта? Како е можно „инвестицијата“ во споменикот на гемиџиите да биде колку и инвестицијата во нова фабрика за мебел или нова фабрика за пластика? Како е можно бронзата за Кирил, Климент и Наум да чини колку десет детски градинки, со капацитет за 200 деца? Како е можно коњаникот Никола Карев да биде поскап отколку зграда за една амбасада?

Како е можно споменикот на Јустинијан Први да чини повеќе од отворање на нов кардиохируршки центар? Како е можно споменикот на АСНОМ да чини повеќе отколку што МПЦ плати на лицитација за хотелот „Изгрев“? Како е можно трошоците за споменикот на Самоил да бидат десетпати поголеми отколку трошоците за споменикот на Скендербег?

makedoncite ,..i sonceto ke go nadziveat!

...ciganinot ne se izmil cela godina,..a, vamu svileni koshuli ke si shiel i ke si gi nosel...

......aaaaahahahaha,...