Македонски фудбал

Во деветото коло на Првата македонска фудбалска лига Металург на Железарница го доживеа првиот пораз оваа сезона И покрај водството од 1:0 против Силекс, гостите од Кратово на крајот се радуваа по конечните 1:2
Во останбатите средби се постигнати следните резултати: Напредок – Пелистер 3:1, Тетекс – Вардар 3:2, Брегалница 2008 – Хоризонт Турново 1:0,
Работнички – Ренова 1:1. Шкендија и Скопје играат на 3.октомври

За време на полувремето на натпреварот од 10 коло на првата македонска фудбалска лига  помеѓу Напредок и Шкендија гостинските навивачи го симнале македонското знаме од јарболот.

Натпреварот беше во прекин, поради тоа што фудбалерите на домашната екипа Напредок не излегоа на теренот додека знамето не беше вратено на своето место. Мечот на крајот заврши нерешено 1:1.

Во Битола исто така мечот траеше подолго поради прекин кога навивачите на Пелистер влегоа на теренот. По испразнуввањето на трибините гостите од Кратово фудбалерите на Силекс го победија Пелистер со 3:1.

Во Скопје Вардар доживеа уште еден пораз и се зацврсти на последното место на табелата со само три бодови. Овој пат загуби од Брегалница со 1:2.
Во останатите мечеви се постигнаа следните резултати: Хоризонт Турново – Работнички 0:2, Ренова – Металург 1:0, Скопје – Тетекс 1:0.

Табела: Ренова 19, Шкендија 18, Металург 16, Хоризонт Турново 16, Скопје 16, Напредок 15, Работнички 15, Силекс 15, Тетекс 14, Брегалница 10, Пелистер 5, Вардар 3