Што сте купиле последен пат?

Модните правила со секоја сезона се менуваат. Она што не се носи веќе, слободно ставете го на крајот од плакарот, но тоа не значи да го заборавите. Имајте го секогаш при рака затоа што модата постојано се враќа.

Модата налага менување на стилот, начинот на живот... Сигурна сум дека знаете дека со стиловите секогаш можете да си играте. Нека не ве лажат дека во модата не смеете да прекршите ниту едно правило.......

Баш напротив. Еве неколку кои слободно можете да ги прекршите.

Правило број 1 - Светликавото е резервирано за вечерните излегувања.

Поминаа тие времиња во кои светликавото беше резервирано само за вечерните излегувања. Светликави капи, ланчиња, маици со светликави апликации, можете одлично да ги комбинирате за дневни излегувања, а свечените светликави фустани е најдобро да ги оставите за вечерните излегувања.

Правило број 2 - Торбата и чевлите мора да си одговараат.

Ова правило го прекршуваат дури и холивудските ѕвезди кои чекорат на црвениот килим. Во тој случај зошто не би можеле и вие да го сторите истото? Имајте различни бои на чевлите и торбата, но материјалот мора да биде ускладен.

Правило број 3 - Не мешајте модели.

Ова правило можете да го прекршите, но внимателно. Морате да знаете како да прекриете дека сте го прекршиле. Секогаш гледајте моделите да имаат некаква сличност и никој нема да ви даде негативна модна критика.

Правило број 4 - Не комбинирајте сино и црно.

Ова правило можете слободно да го прекршите. Ќе видите дека многу модни икони го имаат направено тоа и дека докажале дека црната и сината боја си одговараат. Комбинацијата од црна и сина боја одговара не само на бринети, туку и на блондинки............