Фрчковски имаш ли коментар за Глигоров 1995-та?

Поени и пари нема во работите кои ги работиме.
Времето ќе си го стори своето. Но темата за да добие во тежина мора да се врати во почетната положба со име, презиме, наслов и датум на кој беше поставена.
Постојат мал милион отворени прашања од кои резултираше и самата ДЕБАТА.
Пажливо читајтеги и аналитички гледајте на нив. Заколучокот сами ќе го донесете зошто е организирана ДЕБАТАТА......
...давајате и свои мислења.

Отворени прашања кои ја потикнаа организацијата на оваа дебата:

 

                       

Ø  официјално неразјаснетите елементи на етиологијата и феноменологијата на атентатот;

Ø  криминолошките, виктимолошките и криминалистичките димензии на атентатот;

Ø  политиколошките димензии на атентатот;

Ø  регионалната констелација на политички и безбедносни односи и процеси на Балканот и атентатот;

Ø  внатрешно-политичката состојба и надворешно-политичките определби на Република Македонија пред и после атентатот и атентатот;

Ø  конституирањето на Република Македонија како нова држава на Балканот и атентатот;

Ø  политички, безбедносни и други општествени последици по Република Македонија од атентатот;

Ø  атентатот врз претседателот Глигоров – облик на тероризам од внатрешни, надворешни или комбинирани (внатрешно-надворешни) политичко-радикални позиции?;

Ø  политичкото дејствување на претседателот Глигоров и атентатот;

Ø  стратешките определби на Република Македонија за евроатлански интеграции и атентатот;

Ø  дали атентатот претставува најголема мистерија на македонското општество и држава или истиот е настан ад акта;

Ø  дали причините за атентатот се релевантни и присутни во обликувањето и на денешната општествено-безбедносна и политичка стварност во Република Македонија;

Ø  политичката, безбедносната и стратешката култура на релевантните општествени субјекти во Република Македонија и атентатот;

Ø  можноста од актуелно постоење на систем на организирано и активно дезинформирање за атентатот со цел - трајно инсталирање на неверодостоен општествен диск*рс за атентатот и трајно нерасветлување на атентатот;

Ø  облиците на политичко насилство во Република Македонија пред атентатот и нивната можна поврзаност со атентатот;

Ø  односот на релевантните државни органи на Република Македонија кон атентатот;

Ø  односот на политичките субјекти во Република Македонија кон атентатот;

Ø  позитивните и негативните импликациии од односот на медиумите кон атентатот;

Ø  дали постои поврзаност на атентатите на Балканот; и

Ø  многу други прашања кои ги наметнува логиката на размислување за неоткриените облици на политичко насилство.  

Ninja 35 напиша: Колку само невистини, полувистини и разни шпекулации слушнавме во изминативе години кои се однесуваат на атентатот на Глигоров. Секогаш ова прашање се актуелизира пред секои избори и се затишува одма после секои избори. Колку само анкетни комисии и работни групи се формирани досега и секогаш епилогот е ист - недостиг на вистински информции. Бидејќи сите информации во врска со атентатот, сите досегашни влади и политички структури на одреден начин ги имале во своите раце, а никој досега ништо не изјавил или открил повеќе од она што сите и го знаеме (мултигруп, бртиславска врска, разузнавачи од србија, аслан нуиши, алигаторот и други) јас искрено се сомневам дека нашиве служби имаат било каква соодветна информација за тоа кој стои зад атентатот, па така ни остануваат нашите чаршиски претпоставки и ловење на вештерки.

Zdravko Vasilev istrazjniot sudija koj ja vodeshe istragata za atentatot, den pred da go DOSTAVI IZVESHTAJOT OD ISTRAGATA pronajden e mrtov vo svojot stan. A potoa Frchkovski stana direktor na FONDACUJATA Gligorov. Koj ja posakuvashe destabilizacijat na Makedonija odkako Gligorov na Miloshevic mu kazja NE za bilo kakvo zaednichko zjiveenj, i deka nie se orientirame kon NATO.
Nabgu sleduvashe padot na rezjimot na Miloshevic no i Atentatot na Dzjindzic.
Nepoznanica e samo koj gi poseduva dokaznite materjali i analogno na toa dali tokmu poradi toa Dragan Pacinov zamina na Florida?
Slednata DEBATA e naskoro.

Dobro e shto si del od nash*te, iako prijatelski ili rodninski. No Zdravko imaa interes mnogumina da go zamolchat.Pogore napishav na samo nekolku dena od smrtta bevme zaedno. Nikolash ne beshe bolen. Toa shto go kazja nekolku dena pred smrtta posle tolku vreme go kazjav na 30.10. 2010 na DEBATATA i veruvaj deka Gligorov vo toj period napravi chekor koj ne go ochekuvashe nikoj od nego. Zatoa i se sluchi toa shto se sluchi.
A Crvenkovski i Ljubcho se posebna epizoda vo taa storija narewcena ,,Atentat na Gligorov,,.
Decata negovi i denes ne sakaat da zboruvaat za toa shto mu se sluchi na Zdravko.

Zeksi71 напиша: Kazi Orlov nesto poveke za DEBATATA na 30.10.2010. Ne sum vo tek.

Podobro bi bilo Frchkovski da kazje zoshto ne dojde a e povekje informiran od site koi bevme na DEBATATA.
.............inaku kje ja ima i kako prilog ponatamu vo nekoj od dnevnite vesnici. Sepak za pochetok e povekje od dobro. Ochekuvavme od site pokaneti dosta od niv da ne dojdat iako potvrdija deka kje dojdat. No za zjal samo Frchkovski- za kogo bea nameneti moite prashanja i Pavle Trajanov ne dojdoa. Ostanatite do eden site bea i dadoa svoj udel vo DEBATATA.

annaja напиша: Денеска Љубе Бошковски рече дека се знае нарачателот....Па ај да чуеме..

Ako go znae togash sigurno mora da idel kaj nego u podrum na vino.

Балкански атентати Помалку

Атентатот врз поранешниот претседател Киро Глигоров и по 14 години останува мистерија. Најверојатно така и ќе остане по забошотената истрага од неговите први соработници и сопартијци. Останува преку повремени појави да се следи трага која може ако не да доведе од извршителите, тогаш да насочи за причините за атентатот

Пишува: Серјожа НЕДЕЛКОСКИ

Доброупатениот во случувањата на овој дел од Балканот, белградскиот адвокат со македонско потекло Тома Фила, во интервју за агенцијата Инпрес го потврди она што Форум во серија го пишува и докажува. Поточно, дека атентатот врз поранешниот претседател Киро Глигоров е извршен со логистика од неговото најнепосредно политичко и безбедносно окружување. А, како што стојат нештата, најверојатно и самите инспиратори на чинот кој каскадно имаше и своја политичка употребливост - треба да се бараат во истиот круг. Недвојбен е, имено, впечатокот дека тогашниот државен врв, и тоа неговите највисоки позиции, е длабоко инволвиран во криминалите со кои се кршеше ембаргото врз режимот на Слободан Милошевиќ. Тие носеа големи профити, што впрочем го потврдува и Фила велејќи: “...Мојата адвокатска канцеларија во Белград е сместена покрај гигантите, како што се Цептер, Белградски саем и други. Правно ја застапував и Делта, фирмата со која се поврзуваат тие бизниси, па и самиот Шутурко. Е, сега, дали некој нешто зел? Сосема е логично да се сомневате. Најверојатно, некој и зел нешто. Но, треба да се знае дека СРЈ беше под ембарго и ништо не можеше да се купи по редовна цена. Можностите за екстра профити беа огромни. Јас ќе ви откријам дека тутунот од Македонија беше плаќан со жито. Фактурите се поминати преку една трета земја, да не ја бламираме јавно. Во суштина, стоката само 'про форма' ќе излезеше од Србија, наводно во друга држава (европска), а само по 5 метри, од 'ничија земја', се враќаше назад. Во прашање беа пратки кои овозможуваа, поединечно, чист ќар од 100 до 200 илјади тогашни марки. Значи, во прашање беа стотици милиони марки. Дали нешто зеле Шутурко и другите? Веројатно сите зеле по нешто!?”

“МАРЛБОРОТО” ГО ФИНАНСИРАЛО СДСМ

На ова неизбежно се надоврзува и сведочењето веќе презентирано во Форум на Петрит Аме, кој на службениците на велешката ДБК во информативен разговор им кажува за перењето пари од илегалната продажба на цигари што, според неговото признание, се вршело преку братот на тогашниот министер за внатрешни работи на Македонија, Љубомир Фрчкоски, преку фри-шопот Челебија, каде цигарите се истоварале, а камионите оделе празни за Србија, со тоа што за пазарот на Косово морало да одат оригинални цигари, производство на Филип Морис, а на пазарите во Македонија одела и “четворката” која е фалсификат и се произведувала во Бугарија и во Југотутун, односно во Стококомерц од Прилеп со знаење на тогашната македонска влада. Шверцуваните цигари бос и ЛМ кои потекнувале од Македонија-табак се носеле до Албанија, каде што се истоварале во околните села до границата и уште истата вечер по споредни патишта со магариња и коњи преку преминот “Блато”, преку селото Спас се враќале назад. Во јули 1997 г., така требало да бидат префрлени дури пет шлепери!
Шверцот на марлборото носено за Косово и Србија, според полициските документи, се остварувал во соработка со Вања Бокан, кој бил сопственик на 30-ина фирми, и Мики Пешиќ, и двајцата од Белград. Вања Бокан отворил акредитив кон Филип Морис во вредност од 2.700.000 долари преку Беркли банка од Кипар. Цигарите ги купувале по цена од 270 долари за еден мастер бокс (50 штеки), а тие на една тура товареле по 960 до илјади мастер бокса, а декларирале по 300 до 400-тини. Тоа значи дека од еден камион заработувале по 70 до 80 илјади долари, кои потоа ги делеле на три дела.
Аме како главен човек за илегалната трговија со цигари во Македонија го посочува починатиот Данчо Шутурков, вечниот “втор човек” на Македонија-табак, за кого во распитот во Велес вели дека ја ужива заштитата на тогашниот премиер Бранко Црвенковски и на кадрите од СДСМ како логистика и дека како противуслуга за тоа ја финансирал партијата. За секоја пратка цигари која ќе минела преку македонската територија, на Шутурков, според исказот на Петрит, морало да му се плати такса од 25.000 германски марки, кој издавал сертификат дека цигарите се производство на Македонија-табак, а на границата со тогашна СР Југославија се покажувала друга фактура во која стоело дека камионите се товарени со друга стока. Од самата граница, цигарите ги преземала СДБ на Црна Гора и ги носела до директорот на Зета, Ѓукановиќ.
За шпедитерските услуги била задолжена Македонија-табак, а парите во Македонија ги носел Пешиќ, кој последната пратка ја донел со хеликоптер на МВР на Црна Гора, во придружба на двајца инспектори и Петрит, при што слетале на скопскиот аеродром и во вреќа му предале 2.750.000 германски марки на Шутурков. За една година тие успеале да пренесат 300 шлепери натоварени со цигари наменети за СР Југославија.

ПОВРЗАНОСТА НА БАЛКАНСКИТЕ АТЕНТАТИ

И доколку сведочењето на Петрит, кој по сопственото признание е припадник на подземјето, никогаш досега никој не го демантираше, секако дека она што го загатнува авторитет од таков калибар каков што е Тома Фила, треба да биде демантирано. Но за тоа, се разбира, треба да се има аргумент.
Овие сведочења - да повториме, потврда на она што Форум го пишуваше - не смеат да се сметнат од ум воопшто разработувајќи ја темата за атентатот врз Глигоров. Затоа што тој непосредно пред атентатот се закани дека ќе почне пресметка со организираниот криминал, којшто, како што се гледа, имал огромни финансиски профити од шверцот со цигарите, од кои дел оделе за плаќање на наклонетоста или заштитата на македонските политичари.
Од друга страна, пак, јазолот почна да се одмотува по 13 години со уште еден атентат што силно одекна на Балканот. Станува збор за убиството на сопственикот и новинар на загрепскиот неделник Национал, Иво Пуканиќ. Имено, хрватските власти во текот на истрагата за ова убиство дошле до сознанија дека уапсениот Жељко Миловановиќ можеби учествувал и во атентатот врз Глигоров во 1995 г. Паралелата што се прави со двата атентата е тоа што Пуканиќ беше познат како разобличувач на балканската тутунска мафија, а како нарачател за неговото убиство се споменува Сретен Јоциќ познат како Јоца Амстердам, контроверзен бизнисмен кого го означуваат за еден од шефовите на тутунската балканска мафија. А, испреплетеноста на балканското криминално подземје, како и во случајот со атентатот врз Глигоров, се покажува и во случајот на убиството на Пуканиќ, кога според исказот на заштитениот сведок, Миловановиќ во Загреб добил логистика од хрватска криминална група, која, пак, во Бугарија  за сметка на српското подземје изведувала атентати врз припадници на тамошното подземје, конк*ренти во бизнисите со шверцот на нафта и оружје. За тоа колку е моќна оваа структура во која се вмрежени криминални, полициски и политички пипки, зборува и податокот дека хрватскиот претседател Стипе Месиќ во Софија кон крајот на април го предупредил српскиот колега Борис Тадиќ, дека по апсењата на Јоца Амстердам и издавањето потерница по Станко Суботиќ Цане, балканската тутунска мафија, која инаку е формирана во периодот 1993-1994 г., е на штрек и според разузнавачките информации му се заканувала на српскиот претседател. Ова во интервју за белградски Блиц го потврди и Ратко Кнежевиќ, кум и поранешен соработник на црногорскиот премиер Мило Ѓукановиќ кој е и самиот истражуван (па ослободен од истрагата поради имунитет) од судот во Бари за шверц со цигари.
Вториот момент кој ги доведува во поврзаност скопскиот и загрепскиот атентат е информацијата од безбедносни извори дека и во двата случаи се споменува лице со прекар “Бели”. Извори од поранешното југословенско воено разузнавање според начинот на кој е извршен атентатот врз Глигоров го препознаа стилот на извесен оперативец на КОС. Од нивното искуство и соработка со тоа лице ги потсетија на извесен “Бели”. Меѓутоа, според нив, атентатот на Глигоров е најверојатно извршен од некој кој го имитирал неговиот стил или од негов ученик, затоа што нивните сознанија беа дека посочениот страдал во акција во Германија.
Третиот момент кој ги поврзува двете злосторства - но истовремено е многу индикативен во македонскиот случај - е тоа што според хрватската јавност дел од скутерот пежо во кој бил ставен експлозивот што го уби Пуканиќ ì бил од драгоцена важност на истрагата врз која одредена заинтересирана групација се обидела да влијае дури и преку дипломатски канали. Во Скопје, пак, иако имаше наводни сведоци каде е купено амито поставено пред хотелот Бристол, а скопјани се сеќаваат дека доказите брзо по атентатот беа исчистени. Веднаш беа отстранети фиќото кое ја забави претседателската колона за кое подоцна се покажа дека ì припаѓало на полицијата и било возено од нејзини службеници, автомобилите од придружбата и мерцедесот на Глигоров, како и остатоците од автомобилот-бомба, а улицата Македонија беше чистена со шмркови. Така, најголемиот дел од доказниот материјал беше уништен неколку часа по експлозијата, а подоцна драмолетката што ја приреди тогашниот министер за внатрешни работи Љубомир Фрчкоски, со (не)оставката, со барањето песок по скопските визби и со прогласувањето на извршители на атентатот - бугарската компанија Мултигруп и т.н. “Братиславска врска”, истовремено барајќи политичка конотација во атентатот, само докажува дека сценариото за убиство на Глигоров однапред било подготвено и со обезбедено “покривање”. Тоа, пак, не може да се стори без внатрешна поддршка и влијание на тогаш неприкосновената политичка врхушка на државата. И, секако, без тоа да биде дебело платено.